ਰੇਲਗੱਡੀ ਦੀ ਲਪੇਟ ‘ਚ ਆਇਆ ਵਿਅਕਤੀ, ਜ਼ਖ਼ਮੀ

ਜਲੰਧਰ : ਲਾਡੋਵਾਲੀ ਰੋਡ ਪ੍ਰਰੀਤ ਨਗਰ ਨੇੜੇ ਰੇਲਵੇ ਲਾਈਨ ‘ਤੇ ਪੈਦਲ ਜਾ ਰਿਹਾ ਵਿਅਕਤੀ ਰੇਲਗੱਡੀ ‘ਚ ਲਪੇਟ ‘ਚ ਆ ਗਿਆ। ਉਸ ਨੂੰ ਗੰਭੀਰ ਹਾਲਤ ‘ਚ ਸਿਵਲ ਹਸਪਤਾਲ ਦਾਖਲ ਕਰਵਾਇਆ ਗਿਆ। ਜ਼ਖ਼ਮੀ ਦੀ ਪਛਾਣ ਈਸਾ ਨਗਰ ਨਿਵਾਸੀ ਦੁਆਰਕਾ ਵਜੋਂ ਹੋਈ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਦੁਆਰਕਾ ਜੁਰਾਬਾਂ ਤੇ ਰੁਮਾਲ ਵੇਚਣ ਦਾ ਕੰਮ ਕਰਦਾ ਹੈ। ਮੰਗਲਵਾਰ ਸ਼ਾਮ ਕਰੀਬ ਅੱਠ ਵਜੇ ਉਹ ਰੇਲਵੇ ਲਾਈਨ ਕਰਾਸ ਕਰ ਕੇ ਘਰ ਜਾ ਰਿਹਾ ਸੀ ਰੇਲਗੱਡੀ ਦੀ ਲਪੇਟ ‘ਚ ਆ ਗਿਆ। ਜੀਆਰਪੀ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।