ਤੇਲ ਦੀਆਂ ਕੀਮਤਾਂ ‘ਚ ਭਾਰੀ ਵਾਧਾ ਨਿੰਦਣਯੋਗ: ਸ਼ਾਹਪੁਰ

ਖੰਨਾ : ਪੰਜਾਬ ਸਟੇਟ ਸੇਵਾ-ਮੁਕਤ ਜ਼ਿਲ੍ਹਾ ਵੈਟਨਰੀ ਇੰਸਪੈਕਟਰਜ਼ ਐਸੋਸੀਏਸ਼ਨ ਦੇ ਸੂਬਾ ਪ੍ਰਰੈਸ ਸਕੱਤਰ ਸੁਰਿੰਦਰ ਸਿੰਘ ਸ਼ਾਹਪੁਰ ਨੇ ਗੱਲਬਾਤ ਕਰਦਿਆਂ ਕਿਹਾ ਕਿ ਡੀਜ਼ਲ ਪੈਟਰੋਲ ਰਸੋਈ ਗੈਸ ਅਤੇ ਸਰੋਂ ਦੇ ਤੇਲ ਦੀਆਂ ਕੀਮਤਾਂ ‘ਚ ਭਾਰੀ ਵਾਧੇ ਨੇ ਲੋਕਾਂ ਦੀਆਂ ਚੀਕਾਂ ਕੱਢ ਦਿੱਤੀਆਂ ਹਨ। ਇਸ ਸਮੇਂ ਮਹਿੰਗਾਈ ਇਸ ਕਦਰ ਵੱਧ ਗਈ ਹੈ ਕਿ ਲੋਕਾਂ ਦਾ ਖਾਣਾ ਪੀਣਾ ਤੇ ਜਿਊਣਾ ਵੀ ਬੇਹਾਲ ਹੋ ਗਿਆ ਹੈ। ਡੀਜ਼ਲ ਦਾ ਰੇਟ 96 ਰੁਪਏ ਪਾਰ ਕਰ ਗਿਆ ਹੈ। ਇਸੇ ਤਰ੍ਹਾਂ ਪੈਟਰੋਲ ਦਾ ਰੇਟ 106 ਤੋਂ ਟੱਪ ਗਿਆ ਹੈ। ਰਸੋਈ ਗੈਸ ਸਿਲੰਡਰ ਦਾ ਰੇਟ ਕੁਝ ਸਮੇਂ ‘ਚ ਦੁੱਗਣਾ ਹੋ ਗਿਆ ਹੈ। ਉਨ੍ਹਾਂ ਕਿਹਾ ਲੋਕ ਮਹਿੰਗਾਈ ਤੋਂ ਤੰਗ ਆ ਚੁੱਕੇ ਹਨ, ਲੋਕ ਮਹਿੰਗਾਈ ਤੋਂ ਅੱਕੇ ਹੋਏ ਸੂਬਾ ਸਰਕਾਰ ਨੂੰ ਕੋਸ ਰਹੇ ਹਨ। ਉਪਰੋਕਤ ਵਧੇ ਡੀਜ਼ਲ ਦੇ ਰੇਟਾਂ ਨੇ ਕਿਰਸਾਨੀ ਤੇ ਟਰਾਂਸਪੋਰਟ ਦੇ ਧੰਦੇ ਚੋਪਟ ਤੇ ਮਹਿੰਗਾਈ ਨੇ ਆਮ ਲੋਕਾਂ ਦੀ ਜਾਨ ਕੱਢ ਦਿੱਤੀ ਹੈ। ਉਪਰੋਕਤ ਮਹਿੰਗਾਈ ਨੂੰ ਨੱਥ ਪਾਉਣ ਦੀ ਅਪੀਲ ਕਰਨ ਵਾਲ਼ਿਆਂ ‘ਚ ਹਰਪ੍ਰਰੀਤ ਸਿੰਘ ਬਰਮਾਲੀਪੁਰ, ਸੁਖਪਾਲ ਸਿੰਘ ਤੂਰ, ਸਰਪੰਚ ਮਲਦੀਪ ਸਿੰਘ, ਸਰਪੰਚ ਹਰਿਦਰਪਾਲ ਸਿੰਘ, ਅਵਤਾਰ ਸਿੰਘ ਧਮੋਟ, ਆੜ੍ਹਤੀ ਅਮਰਜੀਤ ਸਿਘ, ਰਾਜਿੰਦਰ ਸਿੰਘ ਨਵਾਂ ਪਿੰਡ, ਸੁਖਿਵੰਦਰ ਸਿੰਘ ਮੂੰਗੀ, ਬਲਦੇਵ ਸਿੰਘ, ਪੰਚ ਹਰੀਮੇਲ ਸਿੰਘ, ਗੁਰਪ੍ਰਰੀਤ ਸਿੰਘ, ਬੀਰ ਸਿੰਘ, ਨੀਟਾ ਰਾਮਪੁਰ, ਧਰਮਜੀਤ ਸਿੰਘ ਮਾਂਗਟ ਆਦਿ ਹਾਜ਼ਰ ਸਨ।