ਵੱਡੀ ਖ਼ਬਰ ; ਪੁਲਸ ਨੇ ਹਿਰਾਸਤ ‘ਚ ਲਿਆ ਸੁਖਬੀਰ ਬਾਦਲ ‘ਤੇ ਹਮਲਾ ਕਰਨ ਵਾਲਾ ਹਮਲਾਵਰ
ਮੋਗਾ : ‘ਥਾਣਾ ਸਦਰ ਦੇ ਅਧੀਨ ਪੈਂਦੇ ਪਿੰਡ ਡਰੋਲੀ ਭਾਈ ਵਿਖੇ ਦੁਸਿਹਰੇ ਵਾਲੇ ਦਿਨ ਸਵੇਰੇ ਵੇਲੇਵਾਪਰੀ ਦੁਖਦਾਈ ਘਟਨਾ ’ਚ ਟੁਆਇਲਟ ਵਾਲੀ ਖੂਹੀ ਦਾ ਲੈਂਟਰ ਡਿੱਗਣ ਨਾਲ ਮਾਂ-ਬੇਟੀ ਦੀ ਮੌਤ ਹੋ ਗਈ, ਜਦ ਮ੍ਰਿਤਕ ਔਰਤ ਦਾ ਪਤੀ ਜ਼ਖ਼ਮੀ ਹੋ ਗਿਆ। ਜ਼ਖਮੀ ਵਿਅਕਤੀ ਨੂੰ ਇਲਾਜ ਲਈ ਮੋਗਾ ਦੇ ਸਰਕਾਰੀ ਹਸਪਤਾਲ ਵਿਖੇ ਦਾਖਲ ਕਰਵਾਇਆ ਗਿਆ। ਮੋਗਾ ਦੇ ਸਰਕਾਰੀ ਹਪਸਤਾਲ ‘ਚ ਪਿੰਡ ਡਰੋਲੀ ਭਾਈ ਦੀ ਮਹਿਲਾ ਸਰਪੰਚ ਜਸਪ੍ਰੀਤ ਕੌਰ ਦੇ ਪਤੀ ਜਸਪਾਲ ਸਿੰਘ ਨੇ ਪੱਤਰਕਾਰਾਂ ਨੂੰ ਜਾਣਕਾਰੀ ਦਿੰਦੇ ਹੋਏ ਕਿਹਾ ਕਿ ਪਿੰਡ ਡਰੋਲੀ ਭਾਈ ਵਾਸੀ ਬੱਗਾ ਸਿੰਘ ਪੁੱਤਰ ਸੁਰਜੀਤ ਸਿੰਘ 37 ਸਾਲ ਜਿਸ ਦੇ ਘਰ ‘ਚ ਖੂਹੀ ਵਾਲੀ ਟੁਆਇਲਟ ਬਣੀ ਹੋਈ ਹੈ। ਉਨ੍ਹਾਂ ਕਿਹਾ ਕਿ ਅੱਜ ਦਸਹਿਰੇ ਵਾਲੇ ਦਿਨ ਸਵੇਰੇ 6 ਵਜੇ ਦੇ ਕਰੀਬ ਬੱਗਾ ਸਿੰਘ ਦੀ ਪਤਨੀ ਸਿਮਰਜੀਤ ਕੌਰ 27 ਸਾਲ ਆਪਣੀ ਸਾਢੇ ਤਿੰਨ ਸਾਲ ਦੀ ਲੜਕੀ ਗੁਰਨੂਰ ਕੌਰ ਨੂੰ ਪਿਸ਼ਾਬ ਕਰਾਉਣ ਲਈ ਟੁਆਇਲਟ ‘ਚ ਲੈ ਕੇ ਆਈ ਸੀ ਤਾਂ ਇਸ ਦੌਰਾਨ ਅਚਾਨਕ ਟੁਆਇਲਟ ਦਾ ਲੈਂਟਰ ਟੁੱਟ ਗਿਆ ਤੇ ਉਹ ਦੋਵੇਂ ਮਾਵਾਂ-ਧੀਆਂ ਕਰੀਬ 40 ਫੁੱਟ ਡੁੱਘੀ ਖੂਹੀ ‘ਚ ਜਾ ਡਿੱਗੀਆਂ। ਖੂਹੀ ਦਾ ਲੈਂਟਰ ਟੁੱਟਣ ਦੀ ਜ਼ੋਰਦਾਰ ਅਵਾਜ ਸੁਣਕੇ ਘਰ ‘ਚ ਮੌਜੂਦ ਬੱਗਾ ਸਿੰਘ ਭੱਜਕੇ ਕਮਰੇ ‘ਚੋਂ ਬਾਹਰ ਆਇਆ ਤਾਂ ਉਸ ਨੇ ਅਪਣੀ ਪਤਨੀ ਤੇ ਬੇਟੀ ਨੂੰ ਚਲਾਉਣ ਲਈ ਰੱਸੇ ਦੇ ਸਹਾਰੇ ਖੂਹੀ ‘ਚ ਛਾਲ ਮਾਰ ਦਿੱਤੀ ਤੇ ਇਸ ਦੌਰਾਨ ਰੱਸਾ ਵੀ ਟੁੱਟ ਗਿਆ ਤੇ ਉਹ ਵੀ ਖੂਹੀ ‘ਚ ਹੇਠਾਂ ਜਾ ਡਿੱਗਾ। ਘਟਨਾ ਦਾ ਪਤਾ ਚਲਦਿਆਂ ਹੀ ਪਿੰਡ ਵਾਸੀਆਂ ਨੇ ਬੜੀ ਜਦੋ ਜਹਿਦ ਤੋਂ ਬਾਅਦ ਤਿੰਨਾਂ ਨੂੰ ਖੂਹੀ ‘ਚੋਂ ਬਾਹਰ ਕੱਢਿਆ ਤੇ ਘਟਨਾ ਮੌਕੇ ਮਾਂ ਬੇਟੀ ਦੀ ਮੌਤ ਹੋ ਚੁੱਕੀ ਸੀ ਤੇ ਬੱਗਾ ਸਿੰਘ ਜਖਮੀ ਹਾਲਤ ‘ਚ ਸੀ। ਮੌਕੇ ‘ਤੇ ਐਬੂਲੈਂਸ 108 ਰਾਹੀਂ ਤਿੰਨਾਂ ਨੂੰ ਮੋਗਾ ਦੇ ਸਰਕਾਰੀ ਹਸਪਤਾਲ ਵਿਖੇ ਲਿਆਂਦਾ ਗਿਆ। ਜਿਥੇ ਡਿਊਟੀ ‘ਤੇ ਤਾਇਨਾਤ ਡਾਕਟਰ ਸਾਹਿਲ ਗੁਪਤਾ ਵੱਲੋਂ ਜਖਮੀ ਬੱਗਾ ਸਿੰਘ ਦਾ ਇਲਾਜ ਸ਼ੁਰੂ ਕਰ ਦਿੱਤਾ ਤੇ ਮ੍ਰਿਤਕ ਮਾਂ ਬੇਟੀ ਦੀਆਂ ਲਾਸ਼ਾਂ ਨੂੰ ਮੌਚਰੀ ‘ਚ ਰਖਵਾ ਦਿੱਤਾ ਗਿਆ। ਜਦ ਮੋਗਾ ਪ੍ਰਸ਼ਾਸਨ ਨੂੰ ਘਟਨਾ ਬਾਰੇ ਜਾਣਕਾਰੀ ਮਿਲੀ ਤਾਂ ਸਰਕਾਰੀ ਛੁੱਟੀ ਹੋਣ ਦੇ ਬਾਵਜੂਦ ਮੌਕੇ ‘ਤੇ ਤਹਿਸੀਲਦਾਰ ਪਵਨ ਗੁਲਾਟੀ, ਕਾਨੂੰਨਗੋ ਗੁਰਵਿੰਦਰ ਸਿੰਘ ਤੇ ਪਟਵਾਰੀ ਹਰਮਨਜੀਤ ਸਿੰਘ ਘਟਨਾ ਸਥਾਨ ’ਤੇ ਪੁੱਜੇ। ਘਟਨਾ ਬਾਰੇ ਜਾਣਕਾਰੀ ਲਈ ਸਿਵਲ ਹਸਪਤਾਲ ਵਿਖੇ ਮੌਕੇ ‘ਤੇ ਸੀਨੀਅਰ ਮੈਡੀਕਲ ਅਫਸਰ ਡਾਕਟਰ ਸੁਖਪ੍ਰੀਤ ਸਿੰਘ ਬਰਾੜ ਵੀ ਪੁੱਜ ਗਏ ਤੇ ਉਨ੍ਹਾਂ ਨੇ ਮੌਕੇ ‘ਤੇ ਹੀ ਸਰਕਾਰੀ ਹਸਪਤਾਲ ਦੇ ਡਾਕਟਰਾਂ ਤੇ ਮੁਲਾਜਮਾਂ ਨੂੰ ਫੋਨ ਕਰਕੇ ਜਲਦੀ ਐਮਰਜੈਂਸੀ ‘ਚ ਪੁੱਜਣ ਲਈ ਕਿਹਾ ਤੇ ਜ਼ਖਮੀ ਬੱਗਾ ਸਿੰਘ ਦੇ ਇਲਾਜ ਦੌਰਾਨ ਡਾ ਸੁਖਪ੍ਰੀਤ ਸਿੰਘ ਬਰਾੜ ਆਪ ਖੁਦ ਐਮਰਜੈਂਸੀ ‘ਚ ਮੌਜੂਦ ਰਹੇ। ਪਿੰਡ ਦੇ ਲੋਕਾਂ ਨੇ ਦੱਸਿਆ ਕਿ ਬੱਗਾ ਸਿੰਘ ਨੇ ਲੜਕੀ ਗੁਰਨੂਰ ਕੌਰ ਨੂੰ ਗੋਦ ਲਿਆ ਹੋਇਆ ਸੀ।
