LPU ਦੀ ਰਜਿਸਟਰਾਰ ਡਾ. ਮੋਨਿਕਾ ਗੁਲਾਟੀ ਦਾ ਵੱਡਾ ਖ਼ੁਲਾਸਾ! ਜਾਰੀ ਕੀਤੀ ਕੁੜੀਆਂ ਦੀ ਵੀਡੀਓ
ਜਲੰਧਰ : ਔਰਤਾਂ ਨੂੰ ਹਰ ਮਹੀਨੇ 2 ਹਜ਼ਾਰ ਰੁਪਏ ਸਨਮਾਨ ਭੱਤਾ ਦੇਣਗੇ। ਹਰ ਜ਼ਿਲ੍ਹੇ ‘ਚ ਮੈਡੀਕਲ ਕਾਲਜ ਬਣਾਵਾਂਗੇ ਤੇ ਡੀਜ਼ਲ 10 ਰੁਪਏ ਪ੍ਰਤੀ ਲੀਟਰ ਸਸਤਾ ਦਿਆਂਗੇ। ਕੰਧ ਚਾਹੇ ਕੇਂਦਰ ਸਰਕਾਰ ਦੀ ਹੈ, ਪਰ ਉਸ ਉੱਪਰ ਲੁਭਾਉਣੇ ਵਾਅਦੇ ਆਗਾਮੀ ਵਿਧਾਨ ਸਭਾ ਚੋਣਾਂ ਇਕੱਠੇ ਲੜਨ ਜਾ ਰਹੇ ਅਕਾਲੀ-ਬਸਪਾ ਗਠਜੋੜ ਦੇ ਹਨ। ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਹੀ ਮਹਾਨਗਰ ‘ਚ ਪਬਲਿਕ ਪ੍ਰਾਪਰਟੀਜ਼ ਐਕਟ ਦੀਆਂ ਧੱਜੀਆਂ ਸ਼ਰੇਆਮ ਉੱਡ ਰਹੀਆਂ ਹਨ। ਸਿਆਸੀ ਪਾਰਟੀਆਂ ਦੀ ਚੋਣ ਵਾਅਦਿਦਾਂ ਵਾਲੀ jiਵਾਲ ਪੇਂਟਿੰਗਜ਼ ‘ਚ ਸਰਕਾਰੀ ਪ੍ਰਾਪਰਟੀ ਲੁਕਣ ਹੀ ਲੱਗ ਪਈ ਹੈ।
ਰੇਲਵੇ ਵੱਲੋਂ ਹਾਲ ਹੀ ‘ਚ ਨੈਸ਼ਨਲ ਹਾਈਵੇ ਨੇੜਿਓਂ ਲੰਘ ਰਹੇ ਰੇਲਵੇ ਟ੍ਰੈਕ ਦੇ ਬਾਹਰ ਕੰਕ੍ਰੀਟ ਦੀ ਬਾਊਂਡਰੀ ਵਾਲ ਦਾ ਨਿਰਮਾਣ ਕਰਵਾ ਦਿੱਤਾ ਗਿਆ ਹੈ। ਇਹ ਬਾਊਂਡਰੀ ਵਾਲ ਹਾਈਵੇ ਤੋਂ ਲੰਘਣ ਵਾਲੇ ਰਾਹਗੀਰਾਂ ਨੂੰ ਸਾਫ਼ ਨਜ਼ਰ ਆਉਂਦੀ ਹੈ। ਅਕਾਲੀ ਬਸਪਾ ਗਠਜੋੜ ਵੱਲੋਂ ਇਸੇ ਬਾਊਂਡਰੀ ਵਾਲ ਉੱਪਰ ਹੀ ਵਾਲ ਪੇਂਟਿੰਗਜ਼ ਕਰਵਾ ਦਿੱਤੀ ਗਈ ਹੈ ਤਾਂ ਜੋ ਉਨ੍ਹਾਂ ਦੀ ਵਿਜ਼ੀਬਿਲਟੀ ਜ਼ਿਆਦਾ ਤੋਂ ਜ਼ਿਆਦਾ ਲੋਕਾਂ ਤਕ ਬਣੀ ਰਹੇ।
ਪਬਲਿਕ ਪ੍ਰਾਪਰਟੀ ਐਕਟ ਤਹਿਤ ਸਰਕਾਰੀ ਇਮਾਰਤਾਂ ਉੱਪਰ ਸਿਆਸੀ ਪ੍ਰਚਾਰ ਕਰਨਾ ਨਾਜਾਇਜ਼ ਮੰਨਿਆ ਜਾਂਦਾ ਹੈ। ਚੋਣ ਜ਼ਾਬਤਾ ਲਾਗੂ ਹੋਣ ਤੋਂ ਬਾਅਦ ਤਾਂ ਕਿਸੇ ਨਿੱਜੀ ਪ੍ਰਾਪਰਟੀ ਦੇ ਉੱਪਰ ਵੀ ਮਾਲਕ ਦੀ ਸਹਿਮਤੀ ਦੇ ਬਿਨਾਂ ਕੋਈ ਸਿਆਸੀ ਪਾਰਟੀ ਵਾਲ ਪੇਂਟਿੰਗ ਤੇ ਪੋਸਟਰ ਪੇਂਟਿੰਗਜ਼ ਨਹੀਂ ਕਰਵਾ ਸਕਦੀ ਹੈ।
ਤਬਾਦਲਿਆਂ ਦੀ ਹਨੇਰੀ ‘ਚ ਸੂਬੇ ਦੀ ਅਫ਼ਸਰਸ਼ਾਹੀ ਇਸ ਵੇਲੇ ਆਪਣੀ ਕੁਰਸੀ ਕਾਇਮ ਰੱਖਣ ਲਈ ਜੋੜ-ਤੋੜ ‘ਚ ਉਲਝੀ ਹੋਈ ਹੈ। ਸ਼ਾਇਦ ਇਹੀ ਵਜ੍ਹਾ ਹੈ ਕਿ ਨਿਯਮਾਂ ਦੀ ਸ਼ਰੇਆਮ ਉਲੰਘਣਾ ਹੋ ਰਹੀ ਹੈ ਤੇ ਉਸ ‘ਤੇ ਕਾਰਵਾਈ ਵੀ ਕੋਈ ਨਹੀਂ ਕੀਤੀ ਜਾ ਰਹੀ ਹੈ।
