ਨਕੋਦਰ ਤਹਿਸੀਲ ਕੰਪਲੈਕਸ ਦੇ ਫਰਦ ਕੇਂਦਰ ‘ਚ ਹੋਈ ਚੋਰੀ, ਮਾਮਲਾ ਦਰਜ

ਨਕੋਦਰ : ਸ਼ਹਿਰ ਵਿੱਚ ਸਥਿਤ ਤਹਿਸੀਲ ਕੰਪਲੈਕਸ ਦੇ ਫਰਦ ਕੇਂਦਰ ਵਿੱਚ ਚੋਰਾਂ ਨੇ ਚੋਰੀ ਦੀ ਵਾਰਦਾਤ ਨੂੰ ਅੰਜਾਮ ਦਿੱਤਾ। ਜਾਣਕਾਰੀ ਦਿੰਦਿਆ ਫਰਦ ਕੇਂਦਰ ਦੇ ਇੰਚਾਰਜ਼ ਸਨਦੀਪ ਵਰਮਾ ਨੇ ਜਾਣਕਾਰੀ ਦਿੰਦਿਆ ਦੱਸਿਆ ਕਿ ਫਰਦ ਕੇਂਦਰ ਵਿੱਚ ਅਧਿਕਾਰੀਆਂ ਨੇ ਜਦੋਂ ਦੇਖਿਆ ਤਾਂ ਦਫ਼ਤਰ ਵਿੱਚ ਸਮਾਨ ਖਿਲਰਿਆ ਹੋਇਆ ਸੀ। ਉਨ੍ਹਾਂ ਨੇ ਚੋਰੀ ਹੋਏ ਸਮਾਨ ਬਾਰੇ ਜਾਣਕਾਰੀ ਦਿੰਦਿਆ ਦੱਸਿਆ ਕਿ ਸੀ.ਪੀ.ਯੂ ਸੈੱਟ 3, ਟੀ.ਐੱਫ.ਟੀ ਸਕਰੀਨ 6,ਜਨਰੇਟਰ 1,ਸਕੈਨਰ ਐੱਚ.ਪੀ. 1 ਤੇ ਪ੍ਰਿੰਟਰ ਐੱਚ.ਪੀ.ਲੇਜਰ 2 ਚੋਰ ਚੋਰੀ ਕਰਕੇ ਲੈ ਗਏ। ਵਰਮਾ ਨੇ ਦੱਸਿਆ ਕਿ ਇਸ ਘਟਨਾ ਦੀ ਪੁਲਿਸ ਨੂੰ ਸ਼ਿਕਾਇਤ ਕਰ ਦਿੱਤੀ ਗਈ ਹੈ।ਥਾਣਾ ਸਿੱਟੀ ਇੰਚਾਰਜ਼ ਐੱਸ.ਐੱਚ.ਓ ਅਮਨ ਸੈਣੀ ਨੇ ਦੱਸਿਆ ਕਿ ਪੁਲਿਸ ਨੇ ਮੌਕੇ ਦੇਖ ਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।