ਅੰਮ੍ਰਿਤਸਰ : ਫਤਾਹਪੁਰ ਜੇਲ੍ਹ ’ਚ ਸੋਮਵਾਰ ਦੀ ਰਾਤ ਕੈਦੀਆਂ ਦੇ ਦੋ ਧਿਰ ਆਪਸ ’ਚ ਭਿੜ ਗਏ। ਪਾਣੀ ਨੂੰ ਲੈ ਕੇ ਹੋਏ ਇਸ ਵਿਵਾਦ ’ਚ ਤਿੰਨ ਕੈਦੀਆਂ ਨੂੰ ਮਾਮੂਲੀ ਸੱਟਾਂ ਲੱਗੀਆਂ ਹਨ। ਜਿਨ੍ਹਾਂ ਨੂੰ ਜੇਲ੍ਹ ਦੇ ਹਸਪਤਾਲ ’ਚ ਦਾਖਲ ਕਰਵਾਇਆ ਗਿਆ ਹੈ। ਉਧਰ, ਇਸਲਾਮਾਬਾਦ ਥਾਣੇ ਦੇ ਏਐੱਸਆਈ ਗੁਰਵੇਲ ਸਿੰਘ ਨੇ ਦੱਸਿਆ ਕਿ ਮਾਮਲੇ ਦੀ ਜਾਂਚ ਕਰਵਾਈ ਜਾ ਰਹੀ ਹੈ। ਫਿਲਹਾਲ ਅੱਠ ਮੁਲਜ਼ਮਾਂ ਦੇ ਖਿਲਾਫ ਕੇਸ ਦਰਜ ਕਰ ਲਿਆ ਗਿਆ ਹੈ।
ਅਸਿਸਟੈਂਟ ਜੇਲ੍ਹ ਸੁਪਰਡੈਂਟ ਬਲਵੀਰ ਸਿੰਘ ਦੀ ਸ਼ਿਕਾਇਤ ’ਤੇ ਇਸਲਾਮਾਬਾਦ ਥਾਣੇ ਦੀ ਪੁਲਿਸ ਨੇ ਹਰਸ਼ਾਛੀਨਾ ਪਿੰਡ ਨਿਵਾਸੀ ਪਲਵਿੰਦਰ ਸਿੰਘ, ਕੋਟ ਖਾਲਸਾ ਨਿਵਾਸੀ ਨਿਤਿਨ ਕੁਮਾਰ, ਰਾਜਾਸਾਂਸੀ ਥਾਣੇ ਦੇ ਅਧੀਨ ਪੈਂਦੇ ਪਿੰਡ ਕੋਟਲੀ ਸ਼ੇਖਾਂ ਨਿਵਾਸੀ ਗੁਰਸ਼ਰਨਜੀਤ ਸਿੰਘ ਉਰਫ ਚੀਨੀ, ਚਵਿੰਡਾਦੇਵੀ ਪਿੰਡ ਨਿਵਾਸੀ ਰਾਹੁਲ, ਨਵੀਂ ਆਬਾਦੀ ਨਿਵਾਸੀ ਵਿਸ਼ਾਲ ਉਰਫ ਟਿੱਢਾ, ਤਰਨਤਾਰਨ ਸਥਿਤ ਗੁਰੂ ਦਾ ਖੂਹ ਨਿਵਾਸੀ ਪਰਮਜੀਤ ਸਿੰਘ ਉਰਫ ਬਿੱਲਾ ਦੇ ਖਿਲਾਫ ਕੇਸ ਦਰਜ ਕਰ ਲਿਆ ਹੈ। ਸ਼ਿਕਾਇਤ ਦੇ ਮੁਤਾਬਕ ਪਲਵਿੰਦਰ ਸਿੰਘ, ਨਿਤਿਨ ਕੁਮਾਰ ਤੇ ਗੁਰਸ਼ਰਨਜੀਤ ਸਿੰਘ ਦਾ ਉਕਤ ਪੰਜ ਦੋਸ਼ੀਆਂ ਦੇ ਨਾਲ ਪਾਣੀ ਨੂੰ ਲੈ ਕੇ ਵਿਵਾਦ ਹੋ ਗਿਆ ਸੀ। ਇਸੇ ਰੰਜਿਸ਼ ’ਚ ਦੋਸ਼ੀਆਂ ਨੇ ਉਕਤ ਤਿੰਨਾਂ ਦੇ ਨਾਲ ਕੁੱਟਮਾਰ ਸ਼ੁਰੂ ਕਰ ਦਿੱਤੀ। ਹਮਲੇ ’ਚ ਪਲਵਿੰਦਰ ਸਿੰਘ, ਵਿਸ਼ਾਲ ਤੇ ਅਮਿ੍ਰਤਪਾਲ ਸਿੰਘ ਜ਼ਖਮੀ ਹੋ ਗਏ। ਝਗੜੇ ਦਾ ਰੌਲਾ ਸੁਣ ਕੇ ਜੇਲ੍ਹ ’ਚ ਤਾਇਨਾਤ ਸੁਰੱਖਿਆ ਕਰਮਚਾਰੀ ਕਿਸੇ ਤਰ੍ਹਾਂ ਘਟਨਾ ਸਥਾਨ ’ਤੇ ਪਹੁੰਚੇ ਤੇ ਉਨ੍ਹਾਂ ਨੇ ਦੋਸ਼ੀਆਂ ਨੂੰ ਇਕ ਦੂਜੇ ਨੂੰ ਛੁਡਵਾਇਆ। ਘਟਨਾ ਸਥਾਨ ’ਤੇ ਲੋਹੇ ਦੀ ਰਾਡ ਵੀ ਮਿਲੀ ਹੈ।
