ਫਰੀਦਕੋਟ : ਪੇਸ਼ੀ ਦੌਰਾਨ ਭੱਜੇ ਹਵਾਲਾਤੀਆਂ ਸਮੇਤ ਸਿਟੀ ਥਾਣਾ ਫਰੀਦਕੋਟ ਦੀ ਪੁਲਿਸ ਨੇ ਅੱਠ ਜਣਿਆਂ ਨੂੰ ਨਾਮਜ਼ਦ ਕੀਤਾ ਹੈ। ਮੁਲਜ਼ਮਾਂ ਵਿਚ ਛੇ ਪੁਲਿਸ ਮੁਲਾਜ਼ਮ ਵੀ ਹਨ। ਪੁਲਿਸ ਨੂੰ ਦਿੱਤੇ ਬਿਆਨਾਂ ਵਿਚ ਲਾਈਨ ਅਫਸਰ ਐੱਸਆਈ ਹਰਪ੍ਰੀਤ ਸਿੰਘ ਨੇ ਦੱਸਿਆ ਕਿ ਹਵਾਲਾਤੀ ਅਬਦੁਲ ਰਹਿਮਾਨ ਤੇ ਸਾਜਮ ਵਾਸੀ ਕਾਨ੍ਹਪੁਰ ਉੱਤਰ ਪ੍ਰਦੇਸ਼ ਦੀ ਮੁਕੇਰੀਆਂ ਵਿਖੇ ਮੈਜਿਸਟੇ੍ਟ ਰਿੰਕੀ ਅਗਨੀਹੋਤਰੀ ਦੀ ਅਦਾਲਤ ਵਿਚ ਪੇਸ਼ੀ ਸੀ।
ਹਵਾਲਾਤੀਆਂ ਨੂੰ ਏਐੱਸਆਈ ਗੁਰਦੇਵ ਸਿੰਘ, ਬਲਜਿੰਦਰ ਸਿੰਘ, ਕੁਲਵਿੰਦਰ ਸਿੰਘ, ਹੌਲਦਾਰ ਸੁਰਿੰਦਰ ਕੁਮਾਰ, ਹੋਮਗਾਰਡ ਦੇ ਦੋ ਜਵਾਨ ਮਹਿੰਦਰ ਸਿੰਘ ਤੇ ਹਰਮੰਦਰ ਸਿੰਘ ਦੀ ਨਿਗਰਾਨੀ ਵਿਚ ਅਦਾਲਤ ਵਿਚ ਪੇਸ਼ੀ ਲਈ ਲਿਜਾਇਆ ਗਿਆ। ਵਾਪਸੀ ਸਮੇਂ ਕੇਂਦਰੀ ਮਾਡਰਨ ਜੇਲ੍ਹ ਫਰੀਦਕੋਟ ਤੋਂ ਥੋੜ੍ਹਾ ਜਿਹਾ ਪਿੱਛੇ ਅਬਦੁਲ ਰਹਿਮਾਨ ਅਤੇ ਸਾਜਮ ਹੱਥਕੜੀਆਂ ਵਿੱਚੋਂ ਹੱਥ ਕੱਢ ਕੇ ਬੱਸ ਵਿੱਚੋਂ ਛਾਲ ਮਾਰ ਕੇ ਫਰਾਰ ਹੋ ਗਏ। ਤਫਤੀਸ਼ੀ ਅਫਸਰ ਥਾਣੇਦਾਰ ਸ਼ਵਿੰਦਰ ਸਿੰਘ ਮੁਤਾਬਕ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਗਿਆ ਹੈ।
