ਘਰ ‘ਚ ਦਾਖਲ ਹੋ ਕੇ ਕੁੱਟਮਾਰ, ਭੰਨਤੋੜ

ਮੀਆਂਵਿੰਡ : ਪਿੰਡ ਸਰਲੀ ਕਲਾਂ ‘ਚ ਇਕ ਵਿਅਕਤੀ ਵੱਲੋਂ ਰਾਤ ਸਮੇਂ ਘਰ ਦੇ ਕੋਲ ਖੜੀ ਤਾਈ ਨੂੰ ਖੜ੍ਹਨ ਦਾ ਕਾਰਨ ਪੁੱਛਣਾ ਉਸ ਵੇਲੇ ਮਹਿੰਗਾ ਪੈ ਗਿਆ ਜਦੋਂ ਉਕਤ ਮਹਿਲਾ ਦੇ ਪਰਿਵਾਰ ਨੇ ਕਥਿਤ ਤੌਰ ‘ਤੇ ਉਸ ਦੇ ਘਰ ‘ਚ ਦਾਖਲ ਹੋ ਕੇ ਉਸ ਨੂੰ ਤੇ ਉਸ ਦੀ ਪਤਨੀ ਨੂੰ ਜ਼ਖਮੀ ਕਰ ਦਿੱਤਾ। ਘਰ ਦੇ ਸਾਮਾਨ ਦੀ ਵੀ ਭੰਨਤੋੜ ਕਰ ਦਿੱਤੀ। ਦੋਵਾਂ ਨੂੰ ਮੀਆਂਵਿੰਡ ਦੇ ਸਰਕਾਰੀ ਹਸਪਤਾਲ ਭਰਤੀ ਕਰਵਾਇਆ ਗਿਆ ਹੈ। ਦੂਜੇ ਪਾਸੇ ਥਾਣਾ ਵੈਰੋਂਵਾਲ ਦੀ ਪੁਲਿਸ ਨੇ ਇਸ ਸਬੰਧੀ ਕੇਸ ਦਰਜ ਕਰਕੇ ਚਾਰ ਲੋਕਾਂ ਨੂੰ ਗਿ੍ਫਤਾਰ ਵੀ ਕਰ ਲਿਆ ਹੈ।

ਰਵੀਸ਼ੇਰ ਸਿੰਘ ਪੁੱਤਰ ਜਗਤਾਰ ਸਿੰਘ ਵਾਸੀ ਸਰਲੀ ਕਲਾਂ ਨੇ ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ਵਿਚ ਦੱਸਿਆ ਕਿ ਰਾਤ ਕਰੀਬ ਸਾਢੇ 8 ਵਜੇ ਉਨਾਂ੍ਹ ਦੇ ਘਰ ਕੋਲ ਕੋਈ ਅੌਰਤ ਹਨੇਰੇ ਵਿਚ ਖੜ੍ਹੀ ਸੀ। ਜਦੋਂ ਉਹ ਅੱਗੇ ਗਿਆ ਤਾਂ ਦੇਖਿਆ ਕਿ ਉਕਤ ਅੌਰਤ ਉਸਦੀ ਤਾਈ ਲਖਵਿੰਦਰ ਕੌਰ ਸੀ, ਜਿਸ ਨੂੰ ਉਸ ਨੇ ਉਥੇ ਖੜ੍ਹੇ ਹੋਣ ਦਾ ਕਾਰਨ ਪੁੱਿਛਆ ਤਾਂ ਉਹ ਗੁੱਸੇ ਵਿਚ ਆਈ ਵੱਧ ਘੱਟ ਬੋਲਦੀ ਉਥੋਂ ਚਲੀ ਗਈ। ਅਗਲੇ ਦਿਨ ਸਵੇਰੇ 8 ਵਜੇ ਉਸਦੀ ਤਾਈ ਲਖਵਿੰਦਰ ਕੌਰ ਆਪਣੇ ਨਾਲ ਬਲਦੇਵ ਸਿੰਘ, ਮਨਦੀਪ ਕੌਰ, ਜਸਬੀਰ ਕੌਰ ਵਾਸੀ ਸਰਲਾੀ ਕਲਾਂ, ਅੰਮਿ੍ਤਪਾਲ ਸਿੰਘ ਗੁਰਭੇਜ ਸਿੰਘ ਵਾਸੀ ਚੀਮਾ ਬਾਠ, ਹਰਦੀਪ ਸਿੰਘ, ਮਹਿਕਜੋਤ ਸਿੰਘ ਵਾਸੀ ਖਾਨ ਛਾਪੜੀ, ਸੀਤਲ ਸਿੰਘ ਵਾਸੀ ਭੋਰਸ਼ੀ ਅਤੇ ਪ੍ਰਤਾਪ ਸਿੰਘ ਵਾਸੀ ਧੀਰਾਕੋਟ ਤੋਂ ਇਲਾਵਾ 3-4 ਅਣਪਛਾਤੇ ਲੋਕਾਂ ਨੂੰ ਨਾਲ ਲੈ ਕੇ ਆਈ। ਉਕਤ ਨੇ ਆਉਦਿਆਂ ਹੀ ਉਸ ਦੀ ਤੇ ਉਸ ਦੀ ਪਤਨੀ ਦੀ ਕੁੱਟਮਾਰ ਸ਼ੁਰੂ ਕਰ ਦਿੱਤੀ ਤੇ ਘਰ ਦੀ ਭੰਨ ਤੋੜ ਕਰਕੇ ਫਰਾਰ ਹੋ ਗਏ। ਹਮਲੇ Ýਚ ਜ਼ਖਮੀ ਹੋਏ ਪਤੀ ਪਤਨੀ ਨੂੰ ਰਿਸ਼ਤੇਦਾਰਾਂ ਸ਼ਮਸ਼ੇਰ ਸਿੰਘ ਅਤੇ ਕੰਵਲਜੀਤ ਸਿੰਘ ਨੇ ਮੀਆਂਵਿੰਡ ਦੇ ਸਰਕਾਰੀ ਹਸਪਤਾਲ ਵਿਚ ਭਰਤੀ ਕਰਵਾਇਆ। ਮਾਮਲੇ ਦੀ ਜਾਂਚ ਕਰ ਰਹੇ ਏਐੱਸਆਈ ਅਮਰਜੀਤ ਸਿੰਘ ਨੇ ਦੱਸਿਆ ਕਿ ਸ਼ਿਕਾਇਤ ਵਿਚ ਦੱਸੇ ਸਾਰੇ ਲੋਕਾ ਨੂੰ ਮੁਕੱਦਮੇਂ ਵਿਚ ਨਾਮਜਦ ਕਰ ਲਿਆ ਗਿਆ ਹੈ। ਜਿਨਾਂ੍ਹ ਵਿਚੋਂ ਅੰਮਿ੍ਤਪਾਲ ਸਿੰਘ, ਗੁਰਭੇਜ ਸਿੰਘ, ਹਰਦੀਪ ਸਿੰਘ ਅਤੇ ਮਹਿਕਜੋਤ ਸਿੰਘ ਨੂੰ ਗਿ੍ਫਤਾਰ ਵੀ ਕਰ ਲਿਆ ਗਿਆ ਹੈ, ਜਦੋਂਕਿ ਬਾਕੀ ਮੁਲਜ਼ਮਾਂ ਦੀ ਗਿ੍ਫਤਾਰੀ ਲਈ ਕਾਰਵਾਈ ਕੀਤੀ ਜਾ ਰਹੀ ਹੈ।