LPU ਦੀ ਰਜਿਸਟਰਾਰ ਡਾ. ਮੋਨਿਕਾ ਗੁਲਾਟੀ ਦਾ ਵੱਡਾ ਖ਼ੁਲਾਸਾ! ਜਾਰੀ ਕੀਤੀ ਕੁੜੀਆਂ ਦੀ ਵੀਡੀਓ
ਜੇਐੱਨਐੱਨ, ਚੰਡੀਗੜ੍ਹ : ਹੈਲੋ ਹੈਲੋ ਚੰਡੀਗੜ੍ਹ ਪੁਲਿਸ…ਐਲਾਂਤੇ ਮਾਲ ’ਚ ਬੰਬ ਹੈ। ਮੰਗਲਵਾਰ ਨੂੰ ਚੰਡੀਗੜ੍ਹ ਪੁਲਿਸ ਦੇ ਕੰਟਰੋਲ ਰੂਮ ’ਚ ਕਾਲ ਆਈ ਕਿ ਇੰਡਸਟੀਰੀਅਲ ਏਰੀਏ ਸਥਿਤ ਐਲਾਂਤੇ ਮਾਲ ’ਚ ਇਕ ਬੈਗ ’ਚ ਬੰਬ ਹੈ। ਸੂਚਨਾ ਤੋਂ ਬਾਅਦ ਪੁਲਿਸ ਅਲਰਟ ਹੋ ਗਈ ਅਤੇ ਤੁਰੰਤ ਐਲਾਂਤੇ ਮਾਲ ਪਹੁੰਚ ਗਈ। ਪੁਲਿਸ ਨੇ ਪੂਰੇ ਏਰੀਏ ਨੂੰ ਸੀਲ ਕਰ ਦਿੱਤਾ। ਮਾਲ ਅੰਦਰ ਮੌਜੂਦ ਸਾਰੇ ਲੋਕਾਂ ਨੂੰ ਤੁਰੰਤ ਬਾਹਰ ਕੱਢਿਆ। ਦੇਖਦੇ ਹੀ ਦੇਖਦੇ ਪੂਰਾ ਮਾਲ ਪੁਲਿਸ ਛਾਉਣੀ ’ਚ ਤਬਦੀਲ ਹੋ ਗਿਆ। ਇਸਤੋਂ ਬਾਅਦ ਪੁਲਿਸ ਬੰਬ ਸਿਕੁਆਡ ਟੀਮ ਨੂੰ ਵੀ ਮੌਕੇ ’ਤੇ ਬੁਲਾਇਆ ਗਿਆ। ਉਥੇ ਹੀ ਘੰਟਿਆਂ ਤਕ ਚੱਲੀ ਤਲਾਸ਼ੀ ਤੋਂ ਬਾਅਦ ਕੁਝ ਵੀ ਸ਼ੱਕੀ ਨਹੀਂ ਸੀ। ਸਿਰਫ਼ ਇਕ ਮਾਕ ਡਿ੍ਰੱਲ ਕਾਲ ਸੀ। ਇਸਤੋਂ ਬਾਅਦ ਲੋਕਾਂ ਨੇ ਰਾਹਤ ਦਾ ਸਾਹ ਲਿਆ।
ਐਲਾਂਤੇ ਮਾਲ ’ਚ ਅੱਜ ਬੰਬ ਦੀ ਸੂਚਨਾ ਮਿਲਦੇ ਹੀ ਪੂਰੇ ਸ਼ਹਿਰ ’ਚ ਹੜਕੰਪ ਮਚ ਗਿਆ। ਪੁਲਿਸ ਨੇ ਅਨਾਊਸਮੈਂਟ ਕਰਕੇ ਮਾਲ ਤੋਂ ਸਾਰੇ ਕਰਮਚਾਰੀਆਂ ਅਤੇ ਪਬਲਿਕ ਨੂੰ ਬਾਹਰ ਕੱਢਿਆ। ਭੱਜ-ਦੌੜ੍ਹ ’ਚ ਲੋਕ ਮਾਲ ਤੋਂ ਬਾਹਰ ਨਿਕਲੇ। ਦੇਖਦੇ ਹੀ ਦੇਖਦੇ ਉਥੇ ਹੜਕੰਪ ਦਾ ਮਾਹੌਲ ਬਣ ਗਿਆ।
ਇਸ ਦੌਰਾਨ ਮਾਲ ਅੰਦਰ ਕਰੀਬ ਡੇਢ ਘੰਟੇ ਤਕ ਸਰਚ ਮੁਹਿੰਮ ਚਲਾਈ ਗਈ ਪਰ ਬੰਬ ਨਹੀਂ ਮਿਲਿਆ। ਦੱਸ ਦੇਈਏ ਕਿ ਪੁਲਿਸ ਕੰਟਰੋਲ ਰੂਮ ’ਤੇ ਅੱਜ ਸੂਚਨਾ ਮਿਲੀ ਕਿ ਇੰਡਸਟੀਰੀਅਲ ਏਰੀਏ ਸਥਿਤ ਐਲਾਂਤੇ ਮਾਲ ਅੰਦਰ ਬੰਬ ਲੁਕਾਇਆ ਗਿਆ ਹੈ। ਸੂਚਨਾ ਮਿਲਦੇ ਹੀ ਮਹਿਕਮੇ ’ਚ ਹੜਕੰਪ ਮਚ ਗਿਆ। ਆਪਰੇਸ਼ਨ ਸੇਲ, ਕ੍ਰਾਈਮ ਬ੍ਰਾਂਚ ਟੀਮ, ਥਾਣਾ ਪੁਲਿਸ ਸਮੇਤ ਹੋਰ ਪੁਲਿਸ ਕਰਮਚਾਰੀ ਮੌਕੇ ’ਤੇ ਪਹੁੰਚੇ। ਇਸ ਦੌਰਾਨ ਕਿਸੀ ਨੂੰ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ।
