ਵੱਡੀ ਖਬਰ: ਸੋਸ਼ਲ ਮੀਡੀਆ ਇੰਫਲੁਐਂਸਰ ਮੈਡ ਸੰਧੂ ਦਾ ਗੋਲੀਆਂ ਮਾਰ ਕੇ ਕਤਲ
ਲੁਧਿਆਣਾ, ਜੇਐੱਨਐੱਨ :ਪੰਜਾਬ ਵਿਚ ਪਿਛਲੇ ਹਫ਼ਤੇ ਦੋ ਦਿਨਾਂ ਤਕ ਹਵਾਵਾਂ ਦੇ ਨਾਲ ਬਾਰਸ਼ ਤੇ ਗੜੇਮਾਰੀ ਨਾਲ ਝੋਨੇ ਸਣੇ ਕਈ ਫ਼ਸਲਾਂ ਨੂੰ ਕਾਫੀ ਨੁਕਸਾਨ ਪਹੁੰਚਾਇਆ ਹੈ। ਪਿਛਲੇ 5-6 ਦਿਨਾਂ ਤੋਂ ਧੁੱਪ ਨਿਕਲਣ ‘ਤੇ ਕਿਸਾਨ ਅਜੇ ਇਸ ਨੁਕਸਾਨ ਤੋਂ ਉਭਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ ਪਰ ਇਸ ਦੌਰਾਨ ਕਿਸਾਨਾਂ ਲਈ ਇਕ ਹੋਰ ਬੁਰੀ ਖ਼ਬਰ ਹੈ। ਪੰਜਾਬ ਵਿਚ ਮੌਸਮ ਫਿਰ ਤੋਂ ਬਦਲਣ ਜਾ ਰਿਹਾ। ਇੰਡੀਆ ਮੈਟ੍ਰੋਲਾਜੀਕਲ ਡਿਪਾਰਟਮੈਂਟ ਚੰਡੀਗੜ੍ਹ ਦੀ ਭਵਿੱਖਬਾਣੀ ਅਨੁਸਾਰ ਨਵੰਬਰ ਵਿਚ ਮੌਸਮ ਫਿਰ ਬਦਲਣ ਜਾ ਰਿਹਾ ਹੈ।
ਮੌਸਮ ਵਿਭਾਗ ਅਨੁਸਾਰ ਦੋ ਨਵੰਬਰ ਤੋਂ ਸੂਬੇ ਵਿਚ ਫਿਰ ਤੋਂ ਬਾਦਲ ਪਰਤ ਰਹੇ ਹਨ। ਬਾਦਲਾਂ ਦੇ ਨਾਲ-ਨਾਲ ਤੇਜ਼ ਹਵਾਵਾਂ ਵੀ ਦਸਤਕ ਦੇਣਗੀ। ਉੱਥੇ ਹੀ ਕੁਝ ਥਾਵਾਂ ‘ਤੇ ਹਲਕੀ ਬਾਰਸ਼ ਜਾਂ ਬੂੰਦਾਬੰਦੀ ਵੀ ਹੋ ਸਕਦੀ ਹੈ। ਜਦਕਿ ਕਈ ਥਾਵਾਂ ‘ਤੇ ਗਰਜ਼ ਦੇ ਨਾਲ-ਨਾਲ ਗੜੇਮਾਰੀ ਵੀ ਹੋ ਸਕਦੀ ਹੈ। ਨੀਮ ਪਹਾੜੀ ਇਲਕਿਆਂ ਵਿਚ ਤੇਜ਼ ਬਾਰਿਸ਼ ਹੋ ਸਕਦੀ ਹੈ। ਜੇ ਬਾਦਲ ਆਉਂਦੇ ਹਨ ਤੇ ਬਾਰਿਸ਼ ਹੁੰਦੀ ਹੈ ਤਾਂ ਪੰਜਾਬ ਵਿਚ ਠੰਢ ਵਧ ਜਾਵੇਗੀ। ਦਿਨ ਦਾ ਪਾਰਾ ਕਾਫੀ ਹੇਠਾ ਆ ਜਾਵੇਗਾ।
ਉੱਥੇ ਹੀ ਦੂਜੀ ਪਾਸੇ ਖੇਤੀ ਮਾਹਰਾਂ ਦਾ ਕਹਿਣਾ ਹੈ ਕਿ ਬਾਰਸ਼ ਨਾਲ ਕਿਸਾਨਾਂ ਦਾ ਕਾਫੀ ਨੁਕਸਾਨ ਹੋਵੇਗਾ। ਝੋਨੇ ਦੇ ਨਾਲ-ਨਾਲ ਕਣਕ ਦੀ ਬਿਜਾਈ ਵੀ ਪ੍ਰਭਾਵਿਤ ਹੋਵੇਗੀ। ਖੇਤੀ ਮਾਹਰ ਡਾ. ਸੁਖਪਾਲ ਕਹਿੰਦੇ ਹਨ ਕਿ ਇਸ ਸਮੇਂ ਝੋਨੇ ਦੀ ਕਟਾਈ ਚੱਲ ਰਹੀ ਹੈ। ਬੀਤੇ ਦਿਨ ਹੋਈ ਬਾਰਸ਼ ਦੀ ਵਜ੍ਹਾ ਨਾਲ ਝੋਨੇ ਦੀ ਕਟਾਈ ਦਸ ਦਿਨ ਪਹਿਲਾਂ ਲੇਟ ਹੋ ਚੁੱਕੀ ਹੈ। ਪਹਿਲਾਂ ਅਕਤੂਬਰ ਤਕ ਝੋਨਾ ਕੱਟ ਲਿਆ ਜਾਂਦਾ ਸੀ ਪਰ ਇਸ ਵਾਰ ਬਾਰਸ਼ ਦੀ ਵਜ੍ਹਾ ਨਾਲ ਕਟਾਈ ਨਵੰਬਰ ਤਕ ਹੋਵੇਗੀ।
