ਜਲੰਧਰ : ਥਾਣਾ ਬਾਰਾਦਰੀ ਦੀ ਪੁਲਿਸ ਨੇ ਸਰਵੋਦਿਆ ਹਸਪਤਾਲ ਦੇ ਡਾਕਟਰ ਦੇ ਬਿਆਨਾਂ ‘ਤੇ ਹਸਪਤਾਲ ਦੇ ਹੀ ਭਾਈਵਾਲ ਡਾਕਟਰ ਖਿਲਾਫ਼ ਠੱਗੀ ਦਾ ਮਾਮਲਾ ਦਰਜ ਕੀਤਾ ਹੈ।ਇਸ ਮਾਮਲੇ ਵਿਚ ਡਾਕਟਰ ਦਾ ਸਾਥ ਦੇਣ ਵਾਲੀ ਸਟਾਫ਼ ਨਰਸ ਅਤੇ ਅਕਾਊਂਟੈਂਟ ਨੂੰ ਵੀ ਮਾਮਲੇ ਵਿੱਚ ਨਾਮਜ਼ਦ ਕੀਤਾ ਗਿਆ ਹੈ।
ਪੁਲਿਸ ਨੂੰ ਦਿੱਤੇ ਬਿਆਨਾਂ ਵਿਚ ਡਾ. ਕਪਿਲ ਗੁਪਤਾ ਨੇ ਦੱਸਿਆ ਕਿ ਬੀ ਐੱਸ ਐੱਫ ਚੌਕ ਲਾਗੇ ਸਰਵੋਦਿਆ ਹਸਪਤਾਲ ਬਣਾਇਆ ਗਿਆ ਸੀ ਜਿਸ ਵਿਚ ਪੰਜ ਭਾਈਵਾਲ ਡਾ. ਰਜੇਸ਼ ਅਗਰਵਾਲ, ਡਾ. ਸੰਜੇ ਮਿੱਤਲ, ਡਾ. ਅਨਵਰ ਇਬਰਾਹਿਮ ਖਾਨ, ਡਾ. ਪੰਕਜ ਤ੍ਰਿਵੇਦੀ ਅਤੇ ਡਾ. ਸ਼ਵੇਤਾ ਗੋਇਲ ਸਨ।
ਕੁਝ ਸਮਾਂ ਪਹਿਲਾਂ ਡਾ. ਸ਼ਵੇਤਾ ਗੋਇਲ ਨੇ ਆਪਣੀ ਮਰਜ਼ੀ ਨਾਲ ਇਸ ਹਸਪਤਾਲ ਦੀ ਭਾਈਵਾਲੀ ਛੱਡ ਦਿੱਤੀ। ਜਿਸ ਤੋਂ ਬਾਅਦ ਮੁੜ ਤੋਂ ਪਾਰਟਨਰਸ਼ਿਪ ਡੀਡ ਲਿਖੀ ਗਈ ਜਿਸ ਵਿਚ ਡਾ ਕਪਿਲ ਗੁਪਤਾ, ਡਾ. ਰਜਿੰਦਰ ਪ੍ਰਸ਼ਾਦ ਗੋਇਲ, ਡਾ. ਸੰਜੇ ਮਿੱਤਲ, ਡਾ. ਅਨਵਰ ਇਬਰਾਹਿਮ ਖ਼ਾਨ, ਡਾ. ਪੰਕਜ ਤ੍ਰਿਵੇਦੀ’, ਡਾ. ਵੀ ਕੇ ਵਾਸੂਦੇਵ, ਡਾ. ਜਤਿੰਦਰ ਕੁਮਾਰ, ਡਾ. ਸੋਨਮ ਅਗਰਵਾਲ, ਡਾ. ਨਰੇਸ਼ ਮਿੱਤਲ ਅਤੇ ਡਾ. ਰਜੇਸ਼ ਅਗਰਵਾਲ ਸਨ। ਡਾ. ਪੰਕਜ ਤ੍ਰਿਵੇਦੀ ਇਸ ਹਸਪਤਾਲ ਵਿਚ ਨਿਊਰੋਸਰਜਨ ਸਨ। ਡਾ. ਪੰਕਜ ਤ੍ਰਿਵੇਦੀ ਜਿੰਨਾ ਵੀ ਮਰੀਜ਼ਾਂ ਨੂੰ ਚੈੱਕ ਕਰਦੇ ਸਨ ਉਨ੍ਹਾਂ ਕੋਲੋਂ ਵਸੂਲੀ ਗਈ ਨਕਦੀ ਦਾ ਕੁਝ ਹਿੱਸਾ ਹਸਤਪਾਲ ਦੇ ਅਕਾਉਂਟ ਵਿੱਚ ਭੇਜਦੇ ਸਨ ਅਤੇ ਜ਼ਿਆਦਾ ਨਕਦੀ ਉਹ ਸਟਾਫ ਨਰਸ ਹਰਜੀਤ ਕੌਰ ਰੂਬੀ ਅਤੇ ਅਕਾਊਂਟੈਂਟ ਸਾਹਿਲ ਦੇ ਜਰੀਏ ਜਾਅਲੀ ਰਸੀਦ ਦੇ ਕੇ ਆਪਣੇ ਖਾਤੇ ਵਿੱਚ ਜਮ੍ਹਾਂ ਕਰਵਾ ਲੈਂਦੇ ਸਨ।ਇਹ ਉਨ੍ਹਾਂ ਨੇ ਕਈ ਮਰੀਜ਼ਾਂ ਦੇ ਇਲਾਜ ਦੌਰਾਨ ਕੀਤਾ।ਜਦ ਬਾਕੀ ਭਾਈਵਾਲਾਂ ਨੂੰ ਇਸ ਬਾਰੇ ਪਤਾ ਲੱਗਿਆ ਤਾਂ ਉਨ੍ਹਾਂ ਨੇ ਇਸ ਦੀ ਜਾਂਚ ਸ਼ੁਰੂ ਕੀਤੀ ਅਤੇ ਸਾਰੇ ਸਬੂਤ ਇਕੱਠੇ ਕੀਤੇ।ਜਾਂਚ ਤੋਂ ਬਾਅਦ ਸਾਰੇ ਸਬੂਤ ਡਾ ਪੰਕਜ ਦੇ ਖਿਲਾਫ਼ ਪਾਏ ਗਏ।ਪੁਲੀਸ ਵੱਲੋਂ ਡਾ ਕਪਿਲ ਗੁਪਤਾ ਦੇ ਬਿਆਨਾਂ ਤੇ ਡਾ ਪੰਕਜ ਤ੍ਰਿਵੇਦੀ ਸਟਾਫ’ ਨਰਸ ਹਰਜੀਤ ਕੌਰ ਰੂਬੀ ਅਤੇ ਸਾਹਿਲ ਦੇ ਖ਼ਲਿਾਫ਼ ਮੁਕੱਦਮਾ ਨੰ 139 ਮਿਤੀ 26/10/21 ਵਿੱਚ ਧਾਰਾ 406/420/465/467/468/471/120 ਬੀ ਦੇ ਤਹਿਤ ਮਾਮਲਾ ਦਰਜ ਕੀਤਾ ਗਿਆ।
