ਵੱਡੀ ਖਬਰ: ਸੋਸ਼ਲ ਮੀਡੀਆ ਇੰਫਲੁਐਂਸਰ ਮੈਡ ਸੰਧੂ ਦਾ ਗੋਲੀਆਂ ਮਾਰ ਕੇ ਕਤਲ
ਦਿੜ੍ਹਬਾ : ਦਿੜ੍ਹਬਾ ਵਿਖੇ ਕੌਮੀ ਸ਼ਾਹਰਾਹ ਸਥਿਤ ਅਸਲੇ ਦੀ ਦੁਕਾਨ ’ਤੇ ਰਾਤ ਨੂੰ ਚੋਰਾਂ ਨੇ ਹੱਥ ਸਾਫ਼ ਕਰ ਦਿੱਤਾ ਹੈ। ਜ਼ਿਲ੍ਹਾ ਪੁਲਿਸ ਮੁਖੀ ਸਵਪਨ ਸ਼ਰਮਾ, ਐੱਸਪੀ (ਡੀ) ਪਲਵਿੰਦਰ ਸਿੰਘ ਚੀਮਾ, ਡੀਐਸਪੀ (ਡੀ) ਯੋਗੇਸ਼ ਸ਼ਰਮਾ, ਡੀਐੱਸਪੀ ਦਿੜ੍ਹਬਾ ਪ੍ਰਿਥਵੀ ਸਿੰਘ ਚਾਹਲ ਤੇ ਹੋਰ ਪੁਲਿਸ ਅਧਿਕਾਰੀ ਮਾਮਲੇ ਦੀ ਜਾਂਚ ਕਰਨ ਵਿਚ ਲੱਗੇ ਹੋਏ ਹਨ। ਜ਼ਿਕਰਯੋਗ ਹੈ ਕਿ ਜਿਸ ਦੁਕਾਨ ਵਿਚ ਚੋਰੀ ਹੋਈ, ਉਹ ਦੁਕਾਨ ਬੱਸ ਸਟੈਂਡ ਤੋਂ 50 ਗਜ਼ ਦੂਰ ਹੈ। ਬੱਸ ਸਟੈਂਡ ਜਿਸ ਨੂੰ ਦਿੜ੍ਹਬਾ ਦਾ ਮੁੱਖ ਚੌਕ ਕਿਹਾ ਜਾਂਦਾ ਹੈ ਉਥੇ ਦਿਨ ਰਾਤ ਪੁਲਿਸ ਤਾਇਨਾਤ ਰਹਿੰਦੀ ਹੈ।
ਜਾਣਕਾਰੀ ਮੁਤਾਬਕ ਧੰਨਰਾਜ ਗੰਨ ਹਾਊਸ ਦੀ ਦੁਕਾਨ ਵਿਚ ਰੱਖਿਆ ਗਿਆ ਅਸਲਾ ਚੋਰੀ ਹੋਇਆ ਹੈ। ਚੋਰਾਂ ਨੇ ਅਸਲਾ ਦੁਕਾਨ ਦੇ ਨਾਲ ਵਾਲੇ ਖਾਲੀ ਪਲਾਟ ਵਿੱਚੋਂ ਸੰਨ ਲਾਈ ਹੈ ਤੇ ਦੋ ਥਾਈਂ ਪਾੜ ਲਾਏ ਹਨ। ਇਕ ਪਾੜ ਦੁਕਾਨ ਦੇ ਦਫ਼ਤਰ ਵਿਚ ਜਾਣ ਲਈ ਤੇ ਦੂਜਾ ਅਸਲਾ ਰੂਮ ਵਿਚ ਦਾਖ਼ਲ ਹੋਣ ਲਈ ਲਾਇਆ ਗਿਆ ਹੈ।
ਐੱਸਪੀ (ਡੀ) ਪਲਵਿੰਦਰ ਸਿੰਘ ਚੀਮਾ ਨੇ ਕਿਹਾ ਕਿ ਪੁਲਿਸ ਇਸ ਮਾਮਲੇ ਦੀ ਜਾਂਚ ਵਿਚ ਜੁਟੀ ਹੋਈ ਹੈ। ਜੇ ਇਸ ਮਾਮਲੇ ਵਿਚ ਮਾਲਕ ਦੀ ਕੋਈ ਅਣਗਹਿਲੀ ਵੇਖੀ ਗਈ ਤਾਂ ਉਸ ਦੇ ਖਿਲਾਫ ਬਣਦੀ ਕਾਰਵਾਈ ਕੀਤੀ ਜਾਵੇਗੀ। ਕੁਝ ਹਥਿਆਰ ਤੇ ਰੌਂਦ ਮਿਸ ਹੋਣ ਦੀ ਸੰਭਾਵਨਾ ਹੈ, ਇਸ ਦਾ ਰਿਕਾਰਡ ਵੇਖ ਕੇ ਦੱਸਿਆ ਜਾ ਸਕੇਗਾ। ਇਸ ਲਈ ਡੌਗ ਸਕੁਐਡ ਤੇ ਫੌਰੈਂਸਿਕ ਵਿਭਾਗ ਦੇ ਅਧਿਕਾਰੀ ਜਾਂਚ ਕਰ ਰਹੇ ਹਨ।
