ਅੰਮਿ੍ਤਸਰ : ਕਮਿਸ਼ਨਰ ਪੁਲਿਸ ਅੰਮਿ੍ਤਸਰ ਦੀਆਂ ਹਦਾਇਤਾਂ ਅਨੁਸਾਰ ਅੰਮਿ੍ਤਸਰ ਸ਼ਹਿਰ ਸਥਾਨਕ ਹਾਊਸਿੰਗ ਬੋਰਡ ਕਾਲੋਨੀ ਵਿਚ ਗੋਲੀਆਂ ਚਲਾਉਣ ਵਾਲੇ ਦੋਸ਼ੀਆਂ ਨੂੰ ਗਿ੍ਫਤਾਰ ਕਰਨ ਦੀ ਵਿਸ਼ੇਸ਼ ਮੁਹਿੰਮ ਚਲਾਈ ਗਈ ਹੈ। ਜਿਸ ‘ਤੇ ਏਸੀਪੀ ਨੋਰਥ ਸਰਬਜੀਤ ਸਿੰਘ ਅੰਮਿ੍ਤਸਰ ਦੇ ਦਿਸ਼ਾਂ ਨਿਰਦੇਸ਼ ਤੇ ਮੁੱਖ ਅਫਸਰ ਥਾਣਾ ਰਣਜੀਤ ਐਵੀਨਿਊ ਅੰਮਿ੍ਤਸਰ ਇੰਸਪੈਕਟਰ ਰੋਬਿਨ ਹੰਸ ਦੀ ਨਿਗਰਾਨੀ ਹੇਠ ਥਾਣਾ ਰਣਜੀਤ ਐਵੀਨਿਊ ਅੰਮਿ੍ਤਸਰ ਦੀ ਪੁਲਿਸ ਨੂੰ ਉਸ ਵਕਤ ਸਫਲਤਾ ਮਿਲੀ ਇਕ ਹਾਊਸਿੰਗ ਬੋਰਡ ਕਲੌਨੀ ਵਿਚ ਗੋਲੀਆਂ ਚਲਾਉਣ ਦੇ ਮਾਮਲੇ ‘ਚ ਥਾਣਾ ਰਣਜੀਤ ਐਵੀਨਿਊ ਅੰਮਿ੍ਤਸਰ ਸ਼ਹਿਰ ਵਿਚ ਲੋੜੀਦਾ ਮੁਲਜਮ ਕੁਨਾਲ ਮਹਾਜਨ ਵਾਸੀ ਮਕਾਨ ਨੰਬਰ 102 ਵਾਰਡ ਨੰਬਰ 22 ਮੇਨ ਰੋਡ ਸ਼ਿਵਾਲਾ ਰੋਡ ਅੰਮਿ੍ਤਸਰ ਨੂੰ ਗਿ੍ਫਤਾਰ ਕੀਤਾ ਗਿਆ ਅਤੇ ਇਸ ਦੇ ਕਬਜੇ ਵਿੱਚੋਂ ਮੁੱਕਦਮਾ ਉਕਤ ਵਾਰਦਾਤ ਵਿਚ ਵਰਤਿਆ ਪਿਸਤੌਲ ਅਤੇ 10 ਜਿੰਦਾ ਰੌਂਦ ਬਰਾਮਦ ਕੀਤੇ ਗਏ ਹਨ। ਇਸ ਮੌਕੇ ਗੱਲਬਾਤ ਕਰਦੇ ਹੋਏ ਮੁੱਖ ਅਫ਼ਸਰ ਥਾਣਾ ਰਣਜੀਤ ਐਵੀਨਿਊ ਰੋਬਿਨ ਹੰਸ ਨੇ ਦੱਸਿਆ ਕਿ ਇਸ ਵਿਅਕਤੀ ਨੇ 29 ਅਕਤੂਬਰ ਨੂੰ ਆਪਣੇ ਸਾਥੀ ਸਾਰਥਕ ਪੁੱਤਰ ਦੀਪਕ ਅਰੋੜਾ ਵਾਸੀ ਗਲੀ ਨੰਬਰ 4 ਮੀਰ ਸ਼ਾਹ ਗਲੀ ਦੀਨ ਵਾਲੀ ਗਲੀ ਮਜੀਠਾ ਰੋਡ ਅੰਮਿ੍ਤਸਰ ਅਤੇ ਵਿਸ਼ਾਲ ਉਰਫ ਬਿੱਲਾ ਵਾਸੀ ਸੁਲਤਾਨਵਿੰਡ ਅਤੇ ਬਾਵਾ ਸੁਲਤਾਨਵਿੰਡੀਆਂ ਅਤੇ ਸਿਮਰ ਕਟਾਰੀਆਂ ਅਤੇ ਅਕਸ਼ਿਤ ਸ਼ਰਮਾ ਨਾਲ ਰਲ ਕੇ ਰਾਜ ਕੁਮਾਰ ਉਰਫ ਰਾਜਾ ਵਾਸੀ ਹਾਊਸਿੰਗ ਬੋਰਡ ਕਲੋਨੀ ਅੰਮਿ੍ਤਸਰ ਨੂੰ ਮਾਰ ਦੇਣ ਦੀ ਨੀਯਤ ਨਾਲ ਗੋਲੀ ਮਾਰੀ ਸੀ। ਮੁਲਜਮ ਦਾ ਰਿਮਾਂਡ ਹਾਸਲ ਕੀਤਾ ਗਿਆ ਅਤੇ ਮੁਲਜਮਾਂ ਨੂੰ ਗਿ੍ਫਤਾਰ ਕਰਨ ਦੀ ਹਰ ਸੰਭਵ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਅਤੇ ਇਹ ਵੀ ਪੁੱਛਗਿੱਛ ਕੀਤੀ ਜਾ ਰਹੀ ਹੈ ਕਿ ਇਹ ਪਿਸਤੌਲ ਕਿਸ ਪਾਸੋਂ ਖਰੀਦ ਕੇ ਲੈ ਆਉਂਦੇ ਹਨ।
