ਜੇਐੱਨਐੱਨ, ਜਲੰਧਰ : ਲਗਪਗ ਡੇਢ ਸਾਲ ਤਕ ਕੋਰੋਨਾ ਦੀ ਮਾਰ ਝੱਲਣ ਵਾਲੇ ਰੇਲ ਮੁਸਾਫ਼ਰਾਂ ਨੂੰ ਹੁਣ ਧੁੰਦ ਦੀ ਮਾਰ ਵੀ ਝੱਲਣੀ ਪਵੇਗੀ। ਸੰਘਣੀ ਧੁੰਦ ਦੇ ਸ਼ੱਕ ਪੈਣ ਕਾਰਨ ਭਾਰਤੀ ਰੇਲਵੇ ਦੇ ਫਿਰੋਜ਼ਪੁਰ ਮੰਡਲ ਦੀਆਂ ਲਗਪਗ 19 ਰੇਲਗੱਡੀਆਂ ਧੁੰਦ ਕਾਰਨ ਪ੍ਰਭਾਵਿਤ ਰਹਿਣਗੀਆਂ। 15 ਰੇਲਗੱਡੀਆਂ ਨੂੰ ਕੈਂਸਲ ਕਰ ਦਿੱਤਾ ਗਿਆ ਹੈ ਤੇ ਚਾਰ ਰੇਲਗੱਡੀਆਂ ਸ਼ਾਰਟ ਟਰਮੀਨੇਟਿਡ ਤੇ ਸ਼ਾਰਟ ਓਰਿਜਨੇਟੇਡ ਹੋਣਗੀਆਂ। ਜ਼ਿਆਦਾਤਰ ਰੇਲਗੱਡੀਆਂ ਫਰਵਰੀ ਮਹੀਨੇ ਤਕ ਕੈਂਸਲ ਕਰ ਦਿੱਤੀਆਂ ਗਈਆਂ ਹਨ ਤੇ ਕੁਝ ਰੇਲਗੱਡੀਆਂ ਦੀ ਆਵਾਜਾਈ ਨੂੰ ਮਾਰਚ ਦੇ ਪਹਿਲੇ ਹਫ਼ਤੇ ਤਕ ਬੰਦ ਰੱਖਿਆ ਜਾਵੇਗਾ।
