ਜਲੰਧਰ : ਰਾਜਨੀਤੀ ‘ਚ ਸ਼ਾਮਲ ਹੋਣ ‘ਤੇ ਉੱਠ ਰਹੇ ਸਵਾਲਾਂ ਜਾਂ ਹੋ ਰਹੀ ਬਿਆਨਬਾਜ਼ੀ ਲਈ ਸਿੱਧੂ ਮੂਸੇਵਾਲਾ ਨੇ ਇੰਸਟਾਗ੍ਰਾਮ ‘ਤੇ ਲਾਈਵ ਹੋ ਕੇ ਦਿੱਤਾ ਜਵਾਬ। ਕਲਾਕਾਰ ਪੈਸਾ ਇਕੱਠਾ ਕਰਦੇ ਹਨ ਪਰ ਲੋਕਾਂ ਦਾ ਭਲਾ ਨਹੀਂ ਕਰਦੇ। ਮੈਂ ਮਾਨਸਾ ਦੇ ਲੋਕਾਂ ਨਾਲ ਖੜ੍ਹਾ ਹਾਂ। 3 ਸਾਲਾਂ ‘ਚ ਮੇਰੇ ‘ਤੇ 6 ਪਰਚੇ ਦਰਜ ਹੋਏ। ਜੇਕਰ ਮੇਰੇ ‘ਤੇ ਪਰਚੇ ਦਰਜ ਹੋ ਸਕਦੇ ਹਨ ਤਾਂ ਆਮ ਆਦਮੀ ਦਾ ਕੀ ਹੋਵੇਗਾ। ਸਿੱਧੂ ਨੇ ਕਿਹਾ ਕਿ ਜੇਕਰ ਉਹ ਕਿਸੇ ਹੋਰ ਪਾਰਟੀ ‘ਚ ਸ਼ਾਮਲ ਹੁੰਦੇ ਤਾਂ ਉਨ੍ਹਾਂ ਨੂੰ ਇਹ ਕਹਿਣਾ ਸੀ ਕਿ ਉਹ ਉਸ ਪਾਰਟੀ ‘ਚ ਗਏ ਸਨ, ਜਿਸ ਨੇ ਬੇਅਦਬੀ ਕੀਤੀ ਸੀ। ਸਿੱਧੂ ਮੂਸੇਵਾਲਾ ਨੇ ਕਿਹਾ ਕਿ ਛੱਪੜ ਦੀ ਸਫਾਈ ਲਈ ਛੱਪੜ ‘ਚ ਉਤਰਨਾ ਪਵੇਗਾ। ਮੈਂ ਆਮ ਲੋਕਾਂ ਦੀ ਭਲਾਈ ਲਈ ਰਾਜਨੀਤੀ ਵਿਚ ਆਇਆ ਹਾਂ। ਸਿੱਧੂ ਨੇ ਕਿਹਾ ਮੇਰਾ ਲਾਈਵ ਹੋਣ ਦਾ ਖ਼ਾਸ ਮਕਸਦ ਇਹ ਹੋ ਕੇ ਆਪਣੇ ਫੈਨਸ ਨੂੰ ਕਾਂਗਰਸ ‘ਚ ਸ਼ਾਮਲ ਹੋਣ ਦਾ ਕਾਰਨ ਦੱਸਿਆ। ਸਿਸਟਮ ਨੂੰ ਬਦਲਣ ਲਈ ਕਿਸੇ ਨੂੰ ਸਿਸਟਮ ਵਿਚ ਦਾਖਲ ਹੋਣਾ ਪੈਂਦਾ ਹੈ। ਸਿੱਧੂ ਨੇ ਕਿਹਾ ਕਿ ਲੋਕ ਆਪਣੀ ਵੋਟ ਸਮਾਰਟ ਫੋਨ ਲਈ ਪਾਉਂਦੇ ਹਨ ਅਤੇ ਜੇਕਰ ਮੈਂ ਪਾਰਟੀ ‘ਚ ਸ਼ਾਮਲ ਹੋਇਆ ਹਾਂ ਤਾਂ ਸੋਸ਼ਲ ਮੀਡੀਆ ‘ਤੇ ਗਾਲ੍ਹਾਂ ਕੱਢ ਰਹੇ ਹਨ। ਵਿਧਾਇਕ ਸਿਰਫ਼ ਇਕ ਵਿਧਾਨ ਸਭਾ ਹਲਕੇ ਦਾ ਹੈ ਪਰ ਮੈਂ ਸਾਰੀ ਦੁਨੀਆਂ ਨੂੰ ਪਿਆਰ ਕਰਦਾ ਹਾਂ। ਪਹਿਲਾਂ ਗੱਦਾਰ ਸ਼ਬਦ ਦੀ ਭਾਸ਼ਾ ਨੂੰ ਸਮਝੋ ਤੇ ਫਿਰ ਮੇਰੇ ਲਈ ਇਹ ਸ਼ਬਦ ਬੋਲੋ।
