ਨਸ਼ੀਲੇ ਪਦਾਰਥਾਂ ਸਮੇਤ ਦੋ ਕਾਬੂ

ਨੂਰਮਹਿਲ : ਨੂਰਮਹਿਲ ਪੁਲਿਸ ਵੱਲੋਂ ਇਕ ਨੌਜਵਾਨ ਤੇ ਇਕ ਅੌਰਤ ਨੂੰ ਨਸ਼ੀਲੇ ਪਦਾਰਥਾਂ ਸਮੇਤ ਕਾਬੂ ਕਰਨ ਦਾ ਦਾਅਵਾ ਕੀਤਾ ਗਿਆ ਹੈ। ਇਸ ਸਬੰਧੀ ਥਾਣਾ ਮੁੱਖ ਅਫਸਰ ਬਲਰਾਜ ਸਿੰਘ ਨੇ ਦੱਸਿਆ ਕਿ ਪੁਲਿਸ ਨਾਕਾਬੰਦੀ ਤੇ ਚੈਕਿੰਗ ਦੇ ਸਬੰਧੀ ਰਵਿਦਾਸ ਚੌਕ ਨੂਰਮਹਿਲ ਮੌਜੂਦ ਸੀ ਕਿ ਮੇਨ ਬਾਜ਼ਾਰ ਵੱਲੋਂ ਇੱਕ ਨੌਜਵਾਨ ਅਤੇ ਇੱਕ ਅੌਰਤ ਪੈਦਲ ਆਉਂਦੀ ਦਿਖਾਈ ਦਿੱਤੇ। ਨੌਜਵਾਨ ਦੇ ਹੱਥ ਮੋਮੀ ਲਿਫਾਫਾ ਤੇ ਅੌਰਤ ਦੇ ਹੱਥ ‘ਚ ਛੋਟਾ ਪਰਸ ਫੜਿਆ ਸੀ ਜੋ ਪੁਲਿਸ ਨੂੰ ਦੇਖ ਕੇ ਪਿੱਛੇ ਮੁੜਨ ਲੱਗੇ ਤਾਂ ਐੱਸਆਈ ਪਰਮਜੀਤ ਸਿੰਘ ਨੇ ਪੁਲਿਸ ਦੀ ਮਦਦ ਨਾਲ ਕਾਬੂ ਕਰ ਕੇ ਨਾਂ ਪਤਾ ਪੁੱਿਛਆ ਜਿਸ ਨੇ ਆਪਣਾ ਨਾਂ ਗੁਰਪਾਲ ਸਿੰਘ ਉਰਫ ਪਾਲਾ ਤੇ ਅੌਰਤ ਨੇ ਆਪਣਾ ਨਾਮ ਸਿਮਰਨਜੀਤ ਕੌਰ ਦੋਵੇਂ ਵਾਸੀਅਨ ਮੁਹੱਲਾ ਰੰਗੜਾ ਨੂਰਮਹਿਲ ਦੱਸਿਆ। ਜਦੋਂ ਨੌਜਵਾਨ ਦੇ ਹੱਥ ਵਿਚ ਫੜੇ ਲਿਫਾਫੇ ਦੀ ਤਲਾਸ਼ੀ ਲਈ ਤਾਂ ਉਸ ‘ਚੋਂ ਵੱਖ-ਵੱਖ ਮਾਰਕਾ ਕੁੱਲ 39 ਨਸ਼ੇ ਦੇ ਟੀਕੇ ਬਰਾਮਦ ਹੋਏ ਤੇ ਅੌਰਤ ਦੇ ਪਰਸ ਦੀ ਤਲਾਸ਼ੀ ਲੈਣ ‘ਤੇ 10 ਗ੍ਰਾਮ ਹੈਰੋਇਨ ਬਰਾਮਦ ਹੋਈ। ਪੁਲਿਸ ਵੱਲੋਂ ਮਾਮਲਾ ਦਰਜ ਕਰ ਕੇ ਅਗਲੀ ਕਾਰਵਾਈ ਕੀਤੀ ਜਾ ਰਹੀ ਹੈ।