ਵੱਡੀ ਖ਼ਬਰ ; ਪੁਲਸ ਨੇ ਹਿਰਾਸਤ ‘ਚ ਲਿਆ ਸੁਖਬੀਰ ਬਾਦਲ ‘ਤੇ ਹਮਲਾ ਕਰਨ ਵਾਲਾ ਹਮਲਾਵਰ
ਚੰਡੀਗੜ੍ਹ : ਕਾਂਗਰਸ ਵੱਲੋਂ ਵਿਧਾਨ ਸਭਾ ਚੋਣਾਂ ਨੂੰ ਲੈ ਕੇ ਕੰਪੇਨ ਕਮੇਟੀ ਦੇ ਚੇਅਰਮੈਨ ਬਣਾਏ ਗਏ ਸਾਬਕਾ ਸੂਬਾ ਪ੍ਰਧਾਨ ਸੁਨੀਲ ਜਾਖੜ ’ਤੇ ਪਾਰਟੀ ਦੀਆਂ ਸਰਗਰਮੀਆਂ ਨੂੰ ਲੈ ਕੇ ਬਣਿਆ ਸ਼ਸ਼ੋਪੰਜ ਸੋਮਵਾਰ ਨੂੰ ਖ਼ਤਮ ਹੋ ਗਿਆ ਹੈ। ਜਾਖੜ ਨੇ ਚੋਣ ਕੰਪੇਨ ਦੀ ਤਿਆਰੀ ਲਈ 15 ਦਸੰਬਰ ਨੂੰ ਕਾਂਗਰਸ ਭਵਨ ’ਚ ਕੰਪੇਨ ਕਮੇਟੀ ਦੀ ਬੈਠਕ ਬੁਲਾ ਲਈ ਹੈ। ਬੈਠਕ ’ਚ ਪਾਰਟੀ ਦੇ ਸੂਬਾ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਤੇ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਨੂੰ ਵੀ ਬੁਲਾਇਆ ਗਿਆ ਹੈ। ਕੰਪੇਨ ਕਮੇਟੀ ਦਾ ਚੇਅਰਮੈਨ ਬਣਨ ਤੋਂ ਬਾਅਦ ਜਾਖੜ ਦੀ ਇਹ ਪਹਿਲੀ ਅਧਿਕਾਰਕ ਬੈਠਕ ਹੋਵੇਗੀ। ਜਿਸ ’ਚ ਕਾਂਗਰਸ ਦੇ ਚੋਣ ਕੰਪੇਨ ਦੀ ਦਿਸ਼ਾ ਤੈਅ ਹੋਵੇਗੀ।
ਕਾਂਗਰਸ ਦੀ ਹਾਲੇ ਸਭ ਤੋਂ ਵੱਡੀ ਚੁਣੌਤੀ ਹੈ ਕਿ ਨਵਜੋਤ ਸਿੰਘ ਸਿੱਧੂ ਤੇ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਵੱਖ-ਵੱਖ ਦਿਸ਼ਾ ’ਚ ਚੱਲ ਕੇ ਪ੍ਰਚਾਰ ਕਰ ਰਹੇ ਹਨ। ਮੁੱਖ ਮੰਤਰੀ ਜਿੱਥੇ ਐਲਾਨ ਕਰ ਰਹੇ ਹਨ ਤਾਂ ਸਿੱਧੂ ਉਨ੍ਹਾਂ ਐਲਾਨਾਂ ’ਤੇ ਸਵਾਲ ਖੜ੍ਹੇ ਕਰ ਰਹੇ ਹਨ। ਚੰਨੀ ਜਿੱਥੇ ਚੋਣ ਪ੍ਰਚਾਰ ’ਚ ਆਪਣੀ ਹੀ ਫੋਟੋ ਦੀ ਵਰਤੋਂ ਕਰ ਰਹੇ ਹਨ ਤਾਂ ਸਿੱਧੂ ਉਨ੍ਹਾਂ ਫੋਟੋ ’ਤੇ ਸਵਾਲ ਖੜ੍ਹੇ ਕਰ ਰਹੇ ਹਨ। ਸਿੱਧੂ ਆਪਣੀਆਂ ਰੈਲੀਆਂ ’ਚ ਕਹਿ ਰਹੇ ਹਨ ਕਿ ਐਲਾਨਾਂ ਤੋਂ ਪਹਿਲਾਂ ਇਸ ਗੱਲ ’ਤੇ ਫੋਕਸ ਕੀਤਾ ਜਾਵੇ ਕਿ ਐਲਾਨਾਂ ਨੂੰ ਪੂਰਾ ਕਰਨ ਲਈ ਫੰਡ ਕਿੱਥੋਂ ਆਵੇਗਾ। ਇਹੀ ਕਾਰਨ ਹੈ ਕਿ ਕਾਂਗਰਸ ਦੇ ਪ੍ਰਚਾਰ ਦੀ ਦਿਸ਼ਾ ਵੱਖ-ਵੱਖ ਨਜ਼ਰ ਆ ਰਹੀ ਹੈ।
ਕਾਂਗਰਸ ’ਚ ਦੋ ਪਾਵਰ ਸੈਂਟਰ ਬਣਨ ਦੀ ਵਜ੍ਹਾ ਨਾਲ ਕਾਂਗਰਸ ਦੇ ਸਾਹਮਣੇ ਸਭ ਤੋਂ ਵੱਡੀ ਚੁਣੌਤੀ ਦੋਵਾਂ ਆਗੂਆਂ ਨੂੰ ਇਕ ਦਿਸ਼ਾ ’ਚ ਲੈ ਕੇ ਆਉਣਾ ਹੈ। ਅਜਿਹੇ ’ਚ ਕਾਂਗਰਸ ਦੇ ਕੰਪੇਨ ਕਮੇਟੀ ਦੇ ਚੇਅਰਮੈਨ ਸੁਨੀਲ ਜਾਖੜ ਨੇ ਦੋਵਾਂ ਆਗੂਆਂ ਨੂੰ ਬੈਠਕ ਲਈ ਬੁਲਾਇਆ ਹੈ। ਤਾਂਕਿ ਕਾਂਗਰਸ ਦੇ ਪ੍ਰਚਾਰ ਦੀ ਦਿਸ਼ਾ ਨੂੰ ਇਕ ਹੀ ਦਿਸ਼ਾ ’ਚ ਲਿਜਾਇਆ ਜਾ ਸਕੇ। ਕਿਉਂਕਿ 2017 ’ਚ ਕੀਤੇ ਚੋਣ ਵਾਅਦੇ ਵੀ ਕਾਂਗਰਸ ਦਾ ਪਿੱਛਾ ਨਹੀਂ ਛੱਡ ਰਹੇ ਹਨ। ਘਰ-ਘਰ ਨੌਕਰੀ, ਡਰੱਗਜ਼ ਨੂੰ ਖ਼ਤਮ ਕਰਨ, ਕਿਸਾਨਾਂ ਦੀ ਸੰਪੂਰਨ ਕਰਜ਼ਾ ਮਾਫ਼ੀ, 2500 ਰੁਪਏ ਬੇਰੁਜ਼ਗਾਰੀ ਭੱਤਾ ਜਿਹੇ ਵਾਅਦੇ ਕਾਂਗਰਸ ਦੇ ਸਾਹਮਣੇ ‘ਸੁਰਸਾ ਦੇ ਮੂੰਹ’ ਵਾਂਗ ਖੁੱਲ੍ਹੇ ਹੋਏ ਹਨ। ਕਿਉਂਕਿ ਇਹ ਉਹ ਵਾਅਦੇ ਹਨ ਜੋ ਪੂਰੇ ਨਹੀਂ ਹੋ ਸਕੇ। ਇਸੇ ਤਰ੍ਹਾਂ ਬੇਅਦਬੀ ਕਾਂਡ ਨੂੰ ਵੀ ਹਾਲੇ ਤਕ ਕਾਂਗਰਸ ਅੰਜਾਮ ਤਕ ਨਹੀਂ ਪਹੁੰਚਾ ਸਕੀ ਹੈ। ਕਾਂਗਰਸ ਬੇਸ਼ੱਕ ਹੀ ਇਨ੍ਹਾਂ ਸਾਰੇ ਵਾਅਦਿਆਂ ਦੇ ਪੂਰਾ ਨਾ ਹੋਣ ਦਾ ਨਜਲਾ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ’ਤੇ ਸੁੱਟ ਕੇ ਆਪਣਾ ਦਾਮਨ ਸਾਫ਼ ਕਰਨ ਦੀ ਕੋਸ਼ਿਸ਼ ’ਚ ਹੋਵੇ ਪਰ ਲੋਕ ਕਾਂਗਰਸ ਤੋਂ ਇਹ ਸਵਾਲ ਪੁੱਛ ਰਹੇ ਹਨ ਕਿ ਵਾਅਦੇ ਤਾਂ ਕਾਂਗਰਸ ਦੇ ਹੀ ਸਨ।
ਇਨ੍ਹਾਂ ਹਾਲਾਤ ’ਚ ਕੰਪੇਨ ਕਮੇਟੀ ਦੇ ਚੇਅਰਮੈਨ ਸੁਨੀਲ ਜਾਖੜ ’ਤੇ ਸਭ ਤੋਂ ਵੱਡੀ ਜ਼ਿੰਮੇਵਾਰੀ ਹੋਵੇਗੀ ਕਿ ਉਹ ਆਪਣੀ ਪਾਰਟੀ ਦੇ ਕੰਪੇਨ ਦਾ ਰੂਟ ਪਲਾਨ ਕਿਸ ਤਰ੍ਹਾਂ ਤੈਅ ਕਰਦੇ ਹਨ ਕਿਉਂਕਿ ਇਕ ਪਾਸੇ ਉਨ੍ਹਾਂ ਸਾਹਮਣੇ ਸਿੱਧੂ ਤੇ ਚੰਨੀ ਹਨ ਜੋ ਵੱਖ-ਵੱਖ ਦਿਸ਼ਾ ’ਚ ਚੱਲ ਰਹੇ ਹਨ। ਜਦਕਿ ਦੂਜੇ ਪਾਸੇ 2017 ਦੇ ਵਾਅਦੇ ਜੋ ਪੂਰੇ ਨਹੀਂ ਹੋਏ, ਨੂੰ ਕਾਊਂਟਰ ਵੀ ਕਰਨਾ ਹੈ ਤਾਂਕਿ ਲੋਕਾਂ ’ਚ ਕਾਂਗਰਸ ਦਾ ਅਕਸ ਚੰਗਾ ਬਣ ਸਕੇ।
