ਪੰਜਾਬੀ ਆ ਗਏ ਓਏ…! ਪੰਜਾਬ ਅੱਗੇ ਲਖਨਊ ਨੇ ਵੀ ਟੇਕੇ ਗੋਡੇ, ਦਰਜ ਕੀਤੀ ਸੀਰੀਜ਼ ਦੀ 5ਵੀਂ ਜਿੱਤ
ਭੋਗਪੁਰ : ਬੀਤੇ ਦਿਨੀਂ ਜਲੰਧਰ ਪਠਾਨਕੋਟ ਨੈਸ਼ਨਲ ਹਾਈਵੇ ‘ਤੇ ਪੈਂਦੇ ਭੋਗਪੁਰ ਸ਼ਹਿਰ ਵਿਚ ਪੁਲਿਸ ਵੱਲੋਂ ਇੰਡੀਕਾ ਕਾਬੂ ਕੀਤੇ ਗਏ ਇੰਡੀਕਾ ਕਾਰ ਸਵਾਰ 4 ਨੌਜਵਾਨਾਂ ਕੋਲੋਂ 9 ਪਿਸਤੌਲ 32 ਬੋਰ, 3 ਗ੍ਰਾਮ ਹੈਰੋਇਨ, 260 ਗ੍ਰਾਮ ਨਸ਼ੀਲਾ ਪਦਾਰਥ, 14 ਮੈਗਜ਼ੀਨ, 16 ਜਿੰਦਾ ਰੋਦ, 2 ਲੱਖ 5 ਹਜ਼ਾਰ ਰੁਪਏ ਡਰੱਗ ਮਨੀ ਬਰਾਮਦ ਕੀਤੀ ਹੈ। ਇਸ ਸਬੰਧੀ ਪੱਤਰਕਾਰਾਂ ਨੂੰ ਜਾਣਕਾਰੀ ਦਿੰਦਿਆਂ ਏਸੀਪੀ ਅਜੈ ਗਾਂਧੀ ਤੇ ਥਾਣਾ ਮੁਖੀ ਹਰਿੰਦਰ ਸਿੰਘ ਨੇ ਦੱਸਿਆ ਕਿ ਆਦਮਪੁਰ ਟੀ-ਪੁਆਇੰਟ ਦੇ ਮੇਨ ਚੌਕ ਤੋਂ ਬਰਿੰਦਰ ਸਿੰਘ ਸੰਧੂ ਉਰਫ ਬੱਬੂ ਪੁੱਤਰ ਦਵਿੰਦਰ ਸਿੰਘ, ਸ਼ਸ਼ੀ ਕੁਮਾਰ ਪੁੱਤਰ ਅਨੰਤ ਰਾਮ ਦੋਵੇਂ ਵਾਸੀ ਨਿਊ ਅਮਨ ਨਗਰ ਜਲੰਧਰ, ਅਮਿਤ ਹੰਸ ਪੁੱਤਰ ਰਾਜ ਕੁਮਾਰ ਵਾਸੀ ਨੀਲਾ ਮਹਿਲ ਜਲੰਧਰ ਤੇ ਅਰਵਿੰਦਰ ਸਿੰਘ ਉਰਫ ਕਾਕਾ ਪੁੱਤਰ ਬਲਦੇਵ ਸਿੰਘ ਵਾਸੀ ਪਿੰਡ ਹਲੇਰਾ ਥਾਣਾ ਮਕਸੂਦਾਂ ਜਲੰਧਰ ਨੂੰ ਇੰਡੀਕਾ ਕਾਰ ਨੰਬਰ ਪੀਬੀ01 ਏ 9798 ਸਮੇਤ ਗਿ੍ਫ਼ਤਾਰ ਕੀਤਾ ਗਿਆ। ਅਜੈ ਗਾਂਧੀ ਨੇ ਦੱਸਿਆ ਕਿ ਗਿ੍ਫ਼ਤਾਰ ਕੀਤੇ ਗਏ 2 ਨੌਜਵਾਨ ਬਰਿੰਦਰ ਸਿੰਘ ਸੰਧੂ ਤੇ ਅਮਿਤ ਹੰਸ ਵਾਸੀ ਜਲੰਧਰ ‘ਤੇ ਪਹਿਲਾਂ ਹੀ ਅਸਲਾ ਤੇ ਨਸ਼ਾ ਕਾਰੋਬਾਰ ਕਰਨ ਦੇ ਮੁਕੱਦਮੇ ਦਰਜ ਹਨ। ਥਾਣਾ ਮੁਖੀ ਹਰਿੰਦਰ ਸਿੰਘ ਨੇ ਦੱਸਿਆ ਕਿ ਨੌਜਵਾਨਾਂ ਕੋਲਂੋ ਪੱੁਛਗਿੱਛ ਲਗਾਤਾਰ ਜਾਰੀ ਹੈ।
