ਕਾਲਾ ਸੰਿਘਆਂ : ਕਾਲਾ ਸੰਿਘਆਂ ਇਲਾਕੇ ਵਿੱਚ ਹੋ ਰਹੀਆਂ ਲਗਾਤਾਰ ਲੁੱਟਾਂ-ਖੋਹਾਂ ਤੇ ਚੋਰੀ ਦੀਆਂ ਵਾਰਦਾਤਾਂ ਕਾਰਨ ਲੋਕ ਡਾਹਢੇ ਪਰੇਸ਼ਾਨ ਹਨ । ਪੀੜਤਾਂ ਪਾਸੋਂ ਪ੍ਰਰਾਪਤ ਜਾਣਕਾਰੀ ਅਨੁਸਾਰ ਚੋਰਾਂ ਵੱਲੋਂ ਗੁਰਦੁਆਰਾ ਬਾਬਾ ਕਾਹਨ ਦਾਸ ਨੇੜੇ ਸਥਿਤ ਪਲਵਿੰਦਰ ਸਿੰਘ ਪੁੱਤਰ ਸਤਨਾਮ ਸਿੰਘ ਦੀ ਹਵੇਲੀ ਵਿੱਚੋਂ 2 ਪੱਠੇ ਕੁਤਰਨ ਵਾਲੀਆਂ ਮੋਟਰਾਂ, 1 ਸਾਈਕਲ ਅਤੇ ਨੇੜਲੇ ਖੂਹ ਤੋਂ 1 ਮੋਬਾਈਲ ਚੋਰੀ ਹੋਣ ਦਾ ਸਮਾਚਾਰ ਪ੍ਰਰਾਪਤ ਹੋਇਆ। ਇਸ ਤੋਂ ਇਲਾਵਾ ਕਾਲਾ ਸੰਿਘਆਂ ਤੋਂ ਕਪੂਰਥਲਾ ਵੱਲ ਆਪਣੀ ਪਤਨੀ ਨਾਲ ਮੋਟਰਸਾਈਕਲ ‘ਤੇ ਜਾ ਰਹੇ ਅੰਕੁਸ਼ ਪੁੱਤਰ ਮਨਮੋਹਨ ਕੁਮਾਰ ਜਦ ਸੁਖਾਣੀ ਪੁੱਲੀ ਨੇੜੇ ਪਹੁੰਚੇ ਤਾਂ ਪਿੱਛੋਂ ਪਲਸਰ ਮੋਟਰਸਾਈਕਲ ਸਵਾਰ 1 ਨੌਜਵਾਨ ਨੇ ਅੰਕੁਸ਼ ਦੀ ਪਤਨੀ ਦੇ ਕੰਨ ਵਿੱਚੋਂ ਵਾਲੀ ਝਪਟ ਕੇ ਮੌਕੇ ਤੋਂ ਫ਼ਰਾਰ ਹੋ ਗਿਆ । ਇਸੇ ਤਰਾਂ੍ਹ ਕਾਲਾ ਸੰਿਘਆਂ ਨਿਵਾਸੀ ਇੰਦਰਜੀਤ ਸਿੰਘ ਆਪਣੀ ਮਾਤਾ ਨਾਲ ਮੋਟਰਸਾਈਕਲ ‘ਤੇ ਸਵਾਰ ਹੋ ਕੇ ਕਪੂਰਥਲਾ ਵੱਲ ਪਾਸੇ ਜਾ ਰਿਹਾ ਸੀ ਤੇ ਪਿੰਡ ਸੁੰਨੜਵਾਲ ਨੇੜੇ ਮੁੱਖ ਸੜਕ ਤੋਂ ਪਲਸਰ ਮੋਟਰਸਾਈਕਲ ਸਵਾਰ ਨੌਜਵਾਨ ਵਾਲੀ ਝਪਟ ਕੇ ਰੱਫੂ ਚੱਕਰ ਹੋ ਗਿਆ ਅਤੇ ਪੀੜਤ ਮਾਂ-ਪੁੱਤ ਡਿੱਗਦੇ-ਡਿੱਗਦੇ ਬਚੇ । ਇਲਾਕੇ ਵਿੱਚ ਪਲਸਰ ਮੋਟਰਸਾਈਕਲ ਵੱਲੋਂ ਕੀਤੀਆ ਜਾ ਰਹੀਆਂ ਵਾਰਦਾਤਾਂ ਨੂੰ ਲੈ ਕੇ ਲੋਕਾਂ ‘ਚ ਦਹਿਸ਼ਤ ਪਾਈ ਜਾ ਰਹੀ ਹੈ।
