ਜਲੰਧਰ : ਨਗਰ ਨਿਗਮ ਨੇ ਪ੍ਰਤਾਪ ਬਾਗ ਵਿਖੇ ਨਾਜਾਇਜ਼ ਦੁਕਾਨ ਬਣਾ ਕੇ ਲਾਇਆ ਗਿਆ ਸ਼ਟਰ ਕਾਰਵਾਈ ਕਰਦੇ ਹੋਏ ਤੋੜ ਦਿੱਤਾ। ਉਕਤ ਕਾਰਵਾਈ ਨਿਗਮ ਕਮਿਸ਼ਨਰ ਦੀਆਂ ਹਦਾਇਤਾਂ ‘ਤੇ ਏਟੀਪੀ ਰਾਜਿੰਦਰ ਸ਼ਰਮਾ ਦੀ ਅਗਵਾਈ ‘ਚ ਗਈ ਬਿਲਡਿੰਗ ਬਰਾਂਚ ਦੀ ਟੀਮ ਨੇ ਕੀਤੀ। ਬਿਲਡਿੰਗ ਬਰਾਂਚ ਦੇ ਏਟੀਪੀ ਰਾਜਿੰਦਰ ਸ਼ਰਮਾ ਨੇ ਡਿੱਚ ਮਸ਼ੀਨ ਰਾਹੀਂ ਦੁਕਾਨਦਾਰ ਵੱਲੋਂ ਲਗਾਇਆ ਗਿਆ ਸ਼ਟਰ ਤੋੜ ਦਿੱਤਾ। ਇਹ ਵਰਨਣਯੋਗ ਹੈ ਕਿ ਇਸ ਤੋਂ ਪਹਿਲਾਂ ਦੁਕਾਨਦਾਰ ਨੂੰ ਨੋਟਿਸ ਵੀ ਦਿੱਤਾ ਗਿਆ ਸੀ ਪਰ ਉਸ ਨੇ ਨੋਟਿਸ ਦੀ ਪਰਵਾਹ ਤਕ ਨਹੀਂ ਕੀਤੀ।
