ਜਲੰਧਰ : ਬੀਤੀ ਦੇਰ ਰਾਤ ਪਿੰਡ ਨਾਗਰਾ ‘ਚ ਹੋ ਰਹੀ ਸਰਸਵਤੀ ਪੂਜਾ ਦੌਰਾਨ ਦੋ ਧਿਰਾਂ ‘ਚ ਵਿਵਾਦ ਹੋ ਗਿਆ। ਵਿਵਾਦ ਦੌਰਾਨ ਤੇਜ਼ਧਾਰ ਹਥਿਆਰ ਤੇ ਇੱਟਾਂ ਪੱਥਰ ਚੱਲੇ। ਪਿੰਡ ਨਾਗਰਾ ਦੇ ਰਾਮਬਾਬੂ ਨੇ ਦੱਸਿਆ ਕਿ ਸਰਸਵਤੀ ਪੂਜਾ ਦੀ ਰਸਮ ਕੀਤੀ ਜਾ ਰਹੀ ਸੀ ਤਾਂ ਉਨਾਂ੍ਹ ਦੇ ਘਰ ਦੇ ਪਿੱਛੇ ਰਹਿਣ ਵਾਲੇ ਅਰਵਿੰਦ ਤੇ ਇਕ ਹੋਰ ਲੜਕੇ ਨੇ ਸ਼ਰਾਬ ਦੇ ਨਸ਼ੇ ‘ਚ ਸਟੇਜ ‘ਤੇ ਚੜ੍ਹ ਕੇ ਨੱਚਣਾ ਸ਼ੁਰੂ ਕਰ ਦਿੱਤਾ। ਜਿਨਾਂ੍ਹ ਨੂੰ ਨਸ਼ਾ ਕੀਤੇ ਹੋਣ ਕਰ ਕੇ ਮਨ੍ਹਾ ਕਰਨ ਦੌਰਾਨ ਉਨ੍ਹਾਂ ਵੱਲੋਂ ਗਾਲੀ ਗਲੋਚ ਕਰਨਾ ਸ਼ੁਰੂ ਕਰ ਦਿੱਤਾ। ਜਿਨ੍ਹਾਂ ਨੂੰ ਸਰਸਵਤੀ ਪੂਜਾ ‘ਚ ਇਕੱਤਰ ਲੋਕਾਂ ਵੱਲੋਂ ਸਮਝਾਇਆ ਗਿਆ ਤਾਂ ਉਹ ਵਾਪਸ ਚਲੇ ਗਏ। ਪਰ ਉਨਾਂ੍ਹ ਨੌਜਵਾਨਾਂ ਨੇ ਦੇਰ ਰਾਤ ਕੁਝ ਹੋਰ ਹਥਿਆਰਬੰਦ ਨੌਜਵਾਨਾਂ ਨਾਲ ਉਨਾਂ੍ਹ ਨੂੰ ਘਰ ਆ ਕੇ ਲਲਕਾਰਿਆ ਪਰ ਉਨਾਂ੍ਹ ਵੱਲੋਂ ਘਰ ਦਾ ਦਰਵਾਜ਼ਾ ਨਹੀਂ ਖੋਲਿ੍ਹਆ ਤਾਂ ਉਨ੍ਹਾਂ ਨੇ ਘਰ ਦਾ ਗੇਟ ਤੋੜਨ ਦੀ ਕੋਸ਼ਿਸ਼ ਕੀਤੀ ਪਰ ਗੇਟ ਨਾ ਖੁੱਲ੍ਹਣ ‘ਤੇ ਉਨ੍ਹਾਂ ਨੇ ਘਰ ਦੇ ਬਾਹਰੋਂ ਘਰ ਦੇ ਅੰਦਰ ਇੱਟਾਂ ਪੱਥਰਾਂ ਨਾਲ ਹਮਲਾ ਕੀਤਾ। ਪਰ ਘਰ ਦੇ ਕਮਰੇ ‘ਚੋਂ ਕੋਈ ਵੀ ਵਿਅਕਤੀ ਬਾਹਰ ਨਾ ਨਿਕਲਿਆ ਤੇ ਉਹ ਘਰ ਦੇ ਬਾਹਰ ਲੱਗੇ ਬਿਜਲੀ ਦੇ ਮੀਟਰ ਨੂੰ ਤੋੜ ਗਏ। ਉਨਾਂ੍ਹ ਦੱਸਿਆ ਕਿ ਮੌਕੇ ‘ਤੇ ਪੁਲਿਸ ਨੂੰ ਸੂਚਿਤ ਕੀਤਾ। ਮੌਕੇ ‘ਤੇ ਪੁੱਜੇ ਥਾਣਾ ਤੇ ਥਾਣੇਦਾਰ ਰਾਕੇਸ਼ ਕੁਮਾਰ ਨੇ ਦੱਸਿਆ ਕਿ ਘਟਨਾ ਦੀ ਜਾਂਚ ਕੀਤੀ ਜਾ ਰਹੀ ਹੈ।
