ਪੰਜਾਬੀ ਆ ਗਏ ਓਏ…! ਪੰਜਾਬ ਅੱਗੇ ਲਖਨਊ ਨੇ ਵੀ ਟੇਕੇ ਗੋਡੇ, ਦਰਜ ਕੀਤੀ ਸੀਰੀਜ਼ ਦੀ 5ਵੀਂ ਜਿੱਤ
ਜੇਐੱਨਐੱਨ, ਬਟਾਲਾ। ਬਟਾਲਾ ਦੇ ਥਾਣਾ ਫਤਿਹਗੜ੍ਹ ਚੂੜੀਆਂ ਵਿਖੇ AK-47 ਦੀ ਗੋਲੀ ਲੱਗਣ ਕਾਰਨ ਹੋਮਗਾਰਡ ਜਵਾਨ ਦੀ ਮੌਤ ਹੋਣ ਦੇ ਮਾਮਲੇ ਵਿੱਚ ਪੁਲਿਸ ਨੇ ਧਾਰਾ 147 ਤਹਿਤ ਮਾਮਲਾ ਦਰਜ ਕਰ ਲਿਆ ਹੈ। ਜਾਣਕਾਰੀ ਅਨੁਸਾਰ ਸ਼ੁੱਕਰਵਾਰ ਸ਼ਾਮ ਕਰੀਬ ਅੱਠ ਵਜੇ ਡਿਊਟੀ ਅਫਸਰ ਏਐਸਆਈ ਹਰਵੰਤ ਸਿੰਘ ਕਾਂਸਟੇਬਲ ਜੁਗਰਾਜ ਸਿੰਘ ਤੇ ਹੋਮਗਾਰਡ ਜਵਾਨ ਸਤਨਾਮ ਸਿੰਘ ਦੇ ਨਾਲ ਗਸ਼ਤ ‘ਤੇ ਜਾਣ ਦੀ ਤਿਆਰੀ ਕਰ ਰਹੇ ਸਨ।
ਇਸ ਦੌਰਾਨ ਸਿਪਾਹੀ ਜੁਗਰਾਜ ਸਿੰਘ ਨੇ ਆਪਣੀ ਰਾਈਫਲ AK-47 ਬਾਥਰੂਮ ਜਾਣ ਸਮੇਂ ਹੋਮਗਾਰਡ ਜਵਾਨ ਸਤਨਾਮ ਸਿੰਘ ਨੂੰ ਫੜ ਦਿੱਤੀ। ਜਿਸ ਨੂੰ ਸਤਨਾਮ ਸਿੰਘ ਜਦੋਂ ਆਪਣੇ ਮੋਢੇ ‘ਤੇ ਰੱਖਣ ਲੱਗਾ ਤਾਂ ਰਾਈਫਲ ਦੀ ਸਲਿੰਗ ਖੁੱਲ੍ਹ ਗਈ ਅਤੇ ਰਾਈਫਲ ਜ਼ਮੀਨ ‘ਤੇ ਡਿੱਗ ਪਈ ਜਿਸ ਕਾਰਨ ਗੋਲੀ ਚੱਲ ਗਈ। ਗੋਲੀ ਸਿੱਧੀ ਸਤਨਾਮ ਸਿੰਘ ਦੇ ਸਿਰ ‘ਚ ਲੱਗੀ ਅਤੇ ਉਸ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ। ਇਸ ਮਾਮਲੇ ‘ਚ ਪੁਲਿਸ ਨੇ ਲਾਸ਼ ਨੂੰ ਕਬਜ਼ੇ ‘ਚ ਲੈ ਕੇ ਲਾਸ਼ ਪਰਿਵਾਰ ਨੂੰ ਸੌਂਪ ਦਿੱਤੀ ਹੈ।
