ਨਕੋਦਰ : ਜਿਉਂ-ਜਿਉਂ ਚੋਣਾਂ ਦਾ ਸਮਾਂ ਨਜ਼ਦੀਕ ਆ ਰਿਹਾ ਹੈ, ਚੋਣਾਂ ਦਾ ਮਾਹੌਲ ਗਰਮ ਹੁੰਦਾ ਜਾ ਰਿਹਾ ਹੈ, ਸਾਰੀਆਂ ਹੀ ਸਿਆਸੀ ਪਾਰਟੀਆਂ ਚੋਣ ਪ੍ਰਚਾਰ ‘ਚ ਆਪਣਾ ਪੂਰਾ ਜ਼ੋਰ ਲਗਾ ਰਹੀਆਂ ਹਨ, ਹੁਣ ਭਾਜਪਾ ਨੇ ਵੀ ਪੰਜਾਬ ਵਿੱਚ ਚੋਣ ਮੁਹਿੰਮ ਤੇਜ ਕਰਦੇ ਹੋਏ, ਆਪਣੀ ਐਂਟਰੀ ਕਰ ਲਈ ਹੈ।
ਭਾਜਪਾ ਨੇ ਕਈ ਸਟਾਰ ਪ੍ਰਚਾਰਕਾਂ ਨੂੰ ਪੰਜਾਬ ਵਿੱਚ ਚੋਣ ਪ੍ਰਚਾਰ ਲਈ ਭੇਜਿਆ ਹੈ, ਅੱਜ ਨਕੋਦਰ ਵਿਖੇ ਪ੍ਰਸਿੱਧ ਰੈਸਲਰ ਦੀ ਗਰੈਟ ਖਲੀ ਨਕੋਦਰ ਪਹੁੰਚੇ, ਜਿੱਥੇ ਉਹਨਾਂ ਨੇ ਭਾਜਪਾ, ਪੀਐਲਸੀ, ਅਕਾਲੀ ਦਲ ਸੰਯੂਕਤ ਦੇ ਸਾਂਝੇ ਉਮੀਦਵਾਰ ਸ਼ਮੀ ਕਲਿਆਣ ਦੇ ਚੋਣ ਦਫਤਰ ਦਾ ਉਦਘਾਟਨ ਕੀਤਾ। ਦੀ ਗਰੈਟ ਖਲੀ ਦੇ ਨਕੋਦਰ ਪਹੁੰਚਦੇ ਹੀ ਚੋਣ ਦਫਤਰ ਦੇ ਬਾਹਰ ਲੋਕਾਂ ਦਾ ਹਜੂਮ ਉਮੜਿਆ ਗਿਆ ਅਤੇ ਹਰ ਕੋਈ ਖਲੀ ਨੂੰ ਮਿਲਣ ਅਤੇ ਫੋਟੋ ਕਰਵਾਉਣ ਨੂੰ ਉਤਾਵਲਾ ਦਿਖਿਆ, ਦੀ ਗਰੇਟ ਖਲੀ ਨੇ ਉਦਘਾਟਨ ਕਰਨ ਮੌਕੇ ਪ੍ਰੈਸ ਨੂੰ ਸੰਬੋਧਨ ਕੀਤਾ ਅਤੇ ਕਿਹਾ ਕਿ ਹਲਕਾ ਨਕੋਦਰ ਵਾਸੀ ਵੱਧ ਤੋਂ ਵੱਧ ਵੋਟਾਂ ਪਾ ਕੇ ਭਾਜਪਾ, ਪੀਐਲਸੀ, ਅਕਾਲੀ ਦਲ ਸੰਯੂਕਤ ਦੇ ਸ਼ਾਂਝੇ ਉਮੀਦਵਾਰ ਸ਼ਮੀ ਕਲਿਆਣ ਨੂੰ ਜਿਤਾਓ ਅਤੇ ਭਾਜਪਾ ਦੀ ਸੂਬੇ ਵਿੱਚ ਸਰਕਾਰ ਬਨਾਓ।
ਇਸ ਦੌਰਾਨ ਉਮੀਦਵਾਰ ਸ਼ਮੀ ਕਲਿਆਣ ਨੇ ਕਿਹਾ ਕਿ ਨਕੋਦਰ ਹਲਕੇ ਚ ਲੋਕਾਂ ਵੱਲੋਂ ਭਾਰੀ ਸਮਰਥਨ ਮਿਲ ਰਿਹਾ ਹੈ ਅਤੇ ਲੋਕ ਇਸ ਵਾਰ ਪੰਜਾਬ ਵਿੱਚ ਭਾਜਪਾ ਦੀ ਸਰਕਾਰ ਬਨਾਉਣਗੇ ਅਤੇ ਉਹਨਾਂ ਨੇ ਕਿਹਾ ਕਿ ਦੀ ਗਰੈਟ ਖਲੀ ਦੇ ਨਕੋਦਰ ਪਹੁੰਚਣ ਤੇ ਸਾਡੀ ਚੋਣ ਮੁਹਿੰਮ ਨੂੰ ਹੋਰ ਬਲ ਮਿਲਿਆ ਹੈ। ਦੀ ਗਰੈਟ ਖਲੀ ਨੇ ਚੋਣ ਦਫਤਰ ਤੋਂ ਲੈ ਕੇ ਸਬਜੀ ਮੰਡੀ ਤੱਕ ਇਕ ਛੋਟੀ ਜੇਹੀ ਰੈਲੀ ਵੀ ਕੱਢੀ ਅਤੇ ਸ੍ਰੀ ਦੇਵੀ ਤਲਾਬ ਮੰਦਿਰ ਨਤਮਸਤਕ ਹੋਏ। ਇਸ ਮੌਕੇ ਪੰਕਜ ਢੀਂਗਰਾ, ਅਰਵਿੰਦ ਚਾਵਲਾ ਸ਼ੈਫੀ, ਅਮਿਤ ਵਿੱਜ, ਸੋਮਨਾਥ ਗੋਪਾਲ ਪ੍ਰਧਾਨ ਮੰਡਲ, ਸਤੀਸ਼ ਬਜਾਜ, ਵਿਜੈ ਭਟਨਾਗਰ, ਸੋਨੂੰ ਬਜਾਜ, ਰਾਕੇਸ਼ ਤਿਵਾੜੀ, ਦਵਿੰਦਰ ਕਲੇਰ, ਲੱਕੀ ਟੰਡਨ, ਕੁਨਾਲ ਜੋਸ਼ੀ, ਨਰੇਸ਼ ਖਾਨ, ਵਿਨੈ ਕੁਮਾਰ, ਅਮਰਜੀਤ ਝੀਤਾ, ਅਸ਼ਵਨੀ ਲੁਥਰਾ ਤੋਂ ਭਾਜਪਾ ਆਗੂ ਹਾਜਰ ਸਨ।
