ਯੂਕਰੇਨ ਤੇ ਰੂਸ ਦੇ ਪ੍ਰਤੀਨਿਧਾਂ ਵਿਚਕਾਰ ਗੱਲਬਾਤ ਸ਼ੁਰੂ, ਬੇਲਾਰੂਸ ਸਰਹੱਦ ‘ਤੇ ਮੀਟਿੰਗ, ਜਾਣੋ ਤਾਜ਼ਾ ਅਪਡੇਟਸ

Ukraine-Russia War : ਰੂਸ ਅਤੇ ਯੂਕਰੇਨ ਵਿਚਾਲੇ ਜੰਗ ਲੰਬੇ ਸਮੇਂ ਤਕ ਚੱਲੇਗੀ ਜਾਂ ਖਤਮ ਹੋਵੇਗੀ, ਇਸ ਦਾ ਫੈਸਲਾ ਕੁਝ ਘੰਟਿਆਂ ਵਿੱਚ ਆਉਣ ਵਾਲਾ ਹੈ। ਯੂਕਰੇਨ ਦਾ ਵਫ਼ਦ ਬੇਲਾਰੂਸ (Belarus) ਦੀ ਸਰਹੱਦ ‘ਤੇ ਪਹੁੰਚ ਗਿਆ ਹੈ, ਜਿੱਥੇ ਉਨ੍ਹਾਂ ਨੇ ਰੂਸੀ ਵਫ਼ਦ ਨਾਲ ਗੱਲਬਾਤ ਸ਼ੁਰੂ ਕਰ ਦਿੱਤੀ ਹੈ। ਇਸ ਗੱਲਬਾਤ ਦੀ ਸਫਲਤਾ ਇਸ ਗੱਲ ‘ਤੇ ਨਿਰਭਰ ਕਰਦੀ ਹੈ ਕਿ ਰੂਸ ਕਿੰਨਾ ਕੁ ਦੇਣ ਲਈ ਤਿਆਰ ਹੈ ਅਤੇ ਨਾਟੋ ਵਿਚ ਸ਼ਾਮਲ ਨਾ ਹੋਣ ਦੀ ਸਥਿਤੀ ਵਿਚ ਉਹ ਯੂਕਰੇਨ ਨੂੰ ਕਿਹੜੀ ਸੁਰੱਖਿਆ ਗਾਰੰਟੀ ਦਿੰਦਾ ਹੈ। ਇਹ ਸਾਰਾ ਵਿਵਾਦ ਇਸ ਲਈ ਖੜ੍ਹਾ ਹੋਇਆ ਕਿਉਂਕਿ ਯੂਕਰੇਨ ਰੂਸ ਦੀ ਇੱਛਾ ਦੇ ਵਿਰੁੱਧ ਨਾਟੋ ਵਿੱਚ ਸ਼ਾਮਲ ਹੋਣ ਲਈ ਰਾਜ਼ੀ ਹੋ ਗਿਆ ਸੀ। ਜੇਕਰ ਯੂਕਰੇਨ ਅਜਿਹਾ ਨਾ ਕਰਨ ਦਾ ਵਾਅਦਾ ਕਰਦਾ ਹੈ, ਤਾਂ ਜੰਗ ਤੁਰੰਤ ਖਤਮ ਹੋ ਸਕਦੀ ਹੈ।

A Ukrainian delegation has arrived at the Belarusian border for talks with Russian representatives, says Ukraine President's Office: Reuters#RussiaUkraineConflict

— ANI (@ANI) February 28, 2022

ਯੂਕਰੇਨ ਤੋਂ ਤਾਜ਼ਾ Updates :

ਰੂਸ ਨੇ ਦਾਅਵਾ ਕੀਤਾ ਹੈ ਕਿ ਉਸ ਨੇ ਯੂਕਰੇਨ ਵਿੱਚ ਕਰੀਬ 1000 ਫ਼ੌਜੀ ਟਿਕਾਣਿਆਂ ਨੂੰ ਤਬਾਹ ਕਰ ਦਿੱਤਾ ਹੈ।

ਰੂਸੀ ਰੱਖਿਆ ਮੰਤਰਾਲੇ ਮੁਤਾਬਕ ਰੂਸੀ ਜਹਾਜ਼ਾਂ ਨੇ ਯੂਕਰੇਨ ਦੇ ਪੂਰੇ ਹਵਾਈ ਖੇਤਰ ‘ਤੇ ਮਜ਼ਬੂਤੀ ਹਾਸਲ ਕਰ ਲਈ ਹੈ।

Iskander ਮਿਜ਼ਾਈਲ ਦੀ ਵਰਤੋਂ ਰੂਸ ਦੁਆਰਾ ਜ਼ਾਇਟੋਮੀਰ ( Zhytomyr) ਹਮਲੇ ‘ਚ ਕੀਤੀ ਗਈ ਸੀ। ਇਹ ਹਵਾਈ ਹਮਲਾ ਬੇਲਾਰੂਸ ਨੇ ਸ਼ੁਰੂ ਕੀਤਾ ਸੀ। ਯਾਨੀ ਬੇਲਾਰੂਸ ਨੇ ਰੂਸ ਨੂੰ ਜੰਗ ਲਈ ਆਪਣੇ ਖੇਤਰ ਦੀ ਵਰਤੋਂ ਕਰਨ ਦੀ ਇਜਾਜ਼ਤ ਦੇ ਦਿੱਤੀ ਹੈ।

ਯੂਕਰੇਨ ਦੀ ਰਾਜਧਾਨੀ ਕੀਵ ਵਿੱਚ ਪ੍ਰਸ਼ਾਸਨ ਨੇ ਵੀਕੈਂਡ ਕਰਫਿਊ (Weekend Curfew) ਹਟਾ ਲਿਆ ਹੈ। ਇੱਥੇ ਸਾਰੇ ਵਿਦਿਆਰਥੀਆਂ ਨੂੰ ਟਰੇਨ ਫੜ ਕੇ ਅੱਗੇ ਦੀ ਯਾਤਰਾ ਲਈ ਜਾਣ ਲਈ ਕਿਹਾ ਗਿਆ ਹੈ। ਸਾਰਿਆਂ ਨੂੰ ਪੱਛਮੀ ਪਾਸੇ ਵੱਲ ਵਧਣ ਲਈ ਕਿਹਾ ਗਿਆ ਹੈ।

ਯੂਕਰੇਨ ਵਿਚ ਫਸੇ ਵਿਦਿਆਰਥੀਆਂ ਨੂੰ ਬਚਾਉਣ ਲਈ ਰੇਲਵੇ ਇਕ ਵਿਸ਼ੇਸ਼ ਰੇਲਗੱਡੀ ਚਲਾ ਰਿਹਾ ਹੈ, ਜਿਸ ਵਿਚ ਕੋਈ ਟਿਕਟ ਨਹੀਂ ਲਈ ਜਾ ਰਹੀ ਹੈ। ਜਿਹੜੇ ਲੋਕ ਪਹਿਲਾਂ ਪਹੁੰਚ ਰਹੇ ਹਨ, ਉਨ੍ਹਾਂ ਨੂੰ ਟਰੇਨ ਵਿੱਚ ਥਾਂ ਦਿੱਤੀ ਜਾ ਰਹੀ ਹੈ।

ਯੂਕਰੇਨ ਵਿੱਚ ਫਸੇ ਭਾਰਤੀ ਵਿਦਿਆਰਥੀਆਂ ਨੂੰ ਬਚਾਉਣ ਲਈ ਭਾਰਤ ਸਰਕਾਰ ‘ਆਪ੍ਰੇਸ਼ਨ ਗੰਗਾ’ (Operation Ganga) ਚਲਾ ਰਹੀ ਹੈ। ਇਸ ਆਪਰੇਸ਼ਨ ਵਿੱਚ ਹੁਣ ਤਕ 2000 ਤੋਂ ਵੱਧ ਵਿਦਿਆਰਥੀਆਂ ਨੂੰ ਯੂਕਰੇਨ ਤੋਂ ਬਾਹਰ ਕੱਢਿਆ ਜਾ ਚੁੱਕਾ ਹੈ।