ਜਲੰਧਰ : ਏਪੀਜੇ ਕਾਲਜ ਆਫ ਫਾਈਨ ਆਰਟਸ ਜਲੰਧਰ ਦੇ ਬੀ.ਵੋਕ (ਈ-ਕਾਮਰਸ ਐਂਡ ਡਿਜੀਟਲ ਮਾਰਕੀਟਿੰਗ ਤੀਜੇ ਸਮੈਸਟਰ) ਦੇ ਵਿਦਿਆਰਥੀਆਂ ਨੇ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਵੱਲੋਂ ਫਾਈਨਲ ਪ੍ਰਰੀਖਿਆਵਾਂ ‘ਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਕਾਲਜ ਦੇ ਮਾਣ ‘ਚ ਵਾਧਾ ਕੀਤਾ। ਪਿ੍ਰੰਸੀਪਲ ਡਾ. ਨੀਰਜਾ ਢੀਂਗਰਾ ਨੇ ਵਿਦਿਆਰਥੀਆਂ ਦੀ ਇਸ ਉਪਲੱਬਧੀ ‘ਤੇ ਉਨ੍ਹਾਂ ਨੂੰ ਵਧਾਈ ਦਿੰਦਿਆਂ ਭਵਿੱਖ ‘ਚ ਵੀ ਨਿਰੰਤਰ ਮਿਹਨਤ ਕਰਦੇ ਰਹਿਣ ਲਈ ਪ੍ਰਰੇਰਿਤ ਕੀਤਾ। ਵਿਦਿਆਰਥੀਆਂ ਨੂੰ ਇਸ ਮੁਕਾਮ ਤਕ ਪਹੁੰਚਾਉਣ ਲਈ ਉਨ੍ਹਾਂ ਨੇ ਕੰਪਿਊਟਰ ਵਿਭਾਗ ਦੀ ਮੁਖੀ ਡਾ. ਰੁਪਾਲੀ ਸੂਦ ਤੇ ਕਾਮਰਸ ਵਿਭਾਗ ਦੀ ਮੁਖੀ ਡਾ. ਮੋਨਿਕਾ ਮੋਗਲਾ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ। ਕਿਰਨ ਜੋਤ ਨੇ 94.35 ਫ਼ੀਸਦੀ, ਅਕਸ਼ਿਤਾ ਨੇ 93.1 ਫ਼ੀਸਦੀ, ਮੋਹਿਤ ਨੇ 92.7 ਫ਼ੀਸਦੀ, ਮੀਮਾਂਸਾ ਨੇ 89.41 ਫ਼ੀਸਦੀ, ਸਾਚੀ ਨੇ 89.41 ਫ਼ੀਸਦੀ, ਸਾਹਿਬਜੀਤ ਕੌਰ ਨੇ 86.82 ਫ਼ੀਸਦੀ, ਪ੍ਰਣਵ ਨੇ 86.35 ਫ਼ੀਸਦੀ, ਹਰਸ਼ ਖੰਨਾ ਨੇ 86.11 ਫ਼ੀਸਦੀ, ਅਹਿਸਾਸ 86.11 ਫ਼ੀਸਦੀ ਤੇ ਸਾਂਚੀ ਮੇਹਨ ਨੇ 85.41 ਫ਼ੀਸਦੀ ਅੰਕ ਹਾਸਲ ਕਰ ਕੇ ਕਾਲਜ ਦੇ ਨਾਲ-ਨਾਲ ਮਾਪਿਆਂ ਦਾ ਨਾਂ ਰੋਸ਼ਨ ਕੀਤਾ ਹੈ
