ਪਟਿਆਲਾ : ਅੰਬਾਲਾ ਰਾਜਪੁਰਾ ਰੋਡ ਨੇੜੇ ਸ਼ੰਭੂ ਹਾਈਵੇਅ ਤੋਂ ਰਾਤ ਸਮੇਂ ਪਿਸਤੌਲ ਦੇ ਜ਼ੋਰ ‘ਤੇ ਕਾਰ ਖੋਹਣ ਦੇ ਮਾਮਲੇ ‘ਚ ਸੀਆਈਏ ਪੁਲਿਸ ਟੀਮ ਨੇ 10 ਨਾਜਾਇਜ਼ ਹਥਿਆਰਾਂ ਸਮੇਤ ਦੋ ਮੁਲਜ਼ਮਾਂ ਨੂੰ ਗਿ੍ਫਤਾਰ ਕੀਤਾ ਹੈ। ਪੁਲਿਸ ਵੱਲੋਂ ਤਲਵਿੰਦਰ ਸਿੰਘ ਉਰਫ ਨਿੱਕੂ ਵਾਸੀ ਪਿੰਡ ਦਾਦ ਲੁਧਿਆਣਾ ਨੂੰ ਪਿੰਡ ਸੁਧਾਰ ਤੋਂ ਗਿ੍ਫਤਾਰ ਕੀਤਾ ਗਿਆ ਹੈ। ਉਸ ਦੀ ਨਿਸ਼ਾਨਦੇਹੀ ‘ਤੇ ਇਸ ਦੇ ਘਰ ‘ਚੋਂ 4 ਪਿਸਟਲ 32 ਬੋਰ ਸਮੇਤ 19 ਰੌਂਦ ਬਰਾਮਦ ਕੀਤੇ ਗਏ, ਇਸੇ ਤਰ੍ਹਾਂ ਹੀ ਇਕ ਹੋਰ ਕੁਲਵਿੰਦਰ ਸਿੰਘ ਉਰਫ ਸੋਨੂੰ ਵਾਸੀ ਜੁਝਾਰ ਨਗਰ ਕ੍ਰਿਸਨਪੁਰਾ ਜ਼ਿਲ੍ਹਾ ਸੰਗਰੂਰ ਨੂੰ ਜੁਝਾਰ ਨਗਰ ਸੰਗਰੂਰ ਤੋ ਗਿ੍ਫਤਾਰ ਕੀਤਾ ਗਿਆ। ਉਸ ਦੀ ਨਿਜ਼ਾਨਦੇਹੀ ‘ਤੇ ਉਸ ਦੇ ਘਰ ਤੋਂ 6 ਪਿਸਟਲ 32 ਬੋਰ ਸਮੇਤ 13 ਰੋਦ 32 ਬੋਰ ਅਤੇ 08 ਮੈਗਜ਼ੀਨ 32 ਬੋਰ ਬਰਾਮਦ ਕੀਤੇ ਗਏ।
ਇੰਸਪੈਕਟਰ ਸ਼ਮਿੰਦਰ ਸਿੰਘ ਇੰਚਾਰਜ ਸੀਆਈਏ ਸਟਾਫ ਪਟਿਆਲਾ ਦੀ ਟੀਮ ਵਲੋਂ ਕੀਤੀ ਜਾਂਚ ਵਿਚ ਸਾਹਮਣੇ ਆਇਆ ਕਿ ਕਾਫੀ ਵੱਡੇ ਪੱਧਰ ‘ਤੇ ਕੁਝ ਅਪਰਾਧੀਆਂ ਨੂੰ ਨਾਜਾਇਜ਼ ਹਥਿਆਰਾਂ ਦੀ ਸਪਲਾਈ ਕੀਤੀ ਜਾ ਰਹੀ ਹੈ ਅਤੇ ਕੁਝ ਅਪਾਰਧੀਆਂ ਨੇ ਇਹ ਨਾਜਾਇਜ਼ ਹਥਿਆਰਾਂ ਨੂੰ ਆਪਣੇ ਕਬਜ਼ੇ ‘ਚ ਰੱਖਿਆ ਹੋਇਆ ਹੈ। ਇਸ ‘ਤੇ ਸੀਆਈਏ ਸਟਾਫ ਵੱਲੋਂ ਮੁਲਜ਼ਮਾਂ ਦੀ ਗਿ੍ਫਤਾਰੀ ਕੀਤੀ ਤੇ ਨਾਜਾਇਜ਼ ਹਥਿਆਰਾਂ ਦੀ ਬਰਾਮਦਗੀ ਲਈ ਇਕ ਸਪੈਸ਼ਲ ਆਪਰੇਸ਼ਨ ਚਲਾਇਆ ਗਿਆ ਸੀ। ਇਸ ‘ਚ ਪਟਿਆਲਾ ਪੁਲਿਸ ਨੇ ਵੱਡੀ ਸਫਲਤਾ ਹਾਸਲ ਕਰਦਿਆਂ 10 ਨਾਜਾਇਜ਼ ਪਿਸਟਲ 32 ਬੋਰ ਸਮੇਤ 18 ਮੈਗਜ਼ੀਨ ਤੇ 32 ਰੌਂਦ ਤੇ ਇਕ ਸਵਿਫਟ ਡਿਜ਼ਾਇਰ ਕਾਰ ਬਰਾਮਦ ਕੀਤੀ ਗਈ ਹੈ।
ਪਹਿਲਾਂ ਵੀ ਦਰਜ ਹਨ ਕਈ ਮਾਮਲੇ
ਮੁਲਜ਼ਮਾਂ ਦੇ ਪਿਛੋਕੜ ਬਾਰੇ ਐੱਸਐੱਸਪੀ ਡਾ. ਸੰਦੀਪ ਗਰਗ ਨੇ ਦੱਸਿਆ ਕਿ ਕੁਲਵਿੰਦਰ ਸਿੰਘ ਉਰਫ ਸੋਨੂੰ ਖਿਲਾਫ ਐੱਨਡੀਪੀਐੱਸ ਐਕਟ ਤੇ ਹੋਰ ਜੁਰਮਾਂ ਤਹਿਤ 11 ਮੁਕੱਦਮੇ ਸੰਗਰੂਰ, ਬਰਨਾਲਾ ਤੇ ਗੁਰਦਾਸਪੁਰ ਵਿਖੇ ਦਰਜ ਹਨ। ਤਲਵਿੰਦਰ ਸਿੰਘ ਉਰਫ ਨਿੱਕੂ ਖਿਲਾਫ ਸੰਗੀਨ ਜੁਰਮਾ ਤਹਿਤ ਲੁਧਿਆਣਾ ਤੇ ਮੋਗਾ ਵਿਖੇ 8 ਮੁਕੱਦਮੇ ਦਰਜ ਹਨ। ਇਨ੍ਹਾਂ ਦੋਵਾਂ ਦੇ ਨਾਮੀ ਗੈਗਸਟਰਾਂ ਤੇ ਵੱਡੇ ਅਪਰਾਧਿਕ ਗਰੁੱਪਾਂ ਨਾਲ ਵੀ ਸਬੰਧ ਹਨ। ਤਲਵਿੰਦਰ ਸਿੰਘ ਨਿੱਕਾ ਸਾਲ 2016 ‘ਚ ਮੋਗਾ ਵਿਖੇ ਹੋਈ, ਕੈਸ਼ ਵੈਨ ਦੀ 60 ਲੱਖ ਰੁਪਏ ਵਾਲੀ ਡਕੈਤੀ ‘ਚ ਸ਼ਾਮਲ ਰਿਹਾ ਹੈ ਤੇ ਆਪਣੇ ਗਰੁੱਪ ਦਾ ਸਰਗਰਮ ਮੈਂਬਰ ਰਿਹਾ ਹੈ। ਮੁਲਜ਼ਮ ਤਲਵਿੰਦਰ ਸਿੰਘ ਉਰਫ ਨਿੱਕਾ ਅਤੇ ਕੁਲਵਿੰਦਰ ਸਿੰਘ ਉਰਫ ਸੋਨੂੰ ਉਕਤਾਨ ਨੂੰ ਅੱਜ ਪੇਸ਼ ਅਦਾਲਤ ਕਰ ਕੇ 02 ਅਪ੍ਰਰੈਲ ਤਕ ਤਕ ਪੁਲਿਸ ਰਿਮਾਂਡ ਹਾਸਲ ਕਰ ਕੇ ਪੁੱਛਗਿੱਛ ਕੀਤੀ ਜਾਵੇਗੀ।
ਹੁਣ ਤਕ ਸੱਤ ਦੀ ਹੋਈ ਗਿ੍ਫ਼ਤਾਰੀ
ਹੁਣ ਤਕ ਤਫਤੀਸ਼ ਦੌਰਾਨ ਪਵਨਦੀਪ ਸਿੰਘ ਉਰਫ ਪਵਨ ਗਰਚਾ, ਰਣਯੋਧ ਸਿੰਘ ਉਰਫ ਜੋਤੀ ਤੇ ਮਨਵਿੰਦਰ ਸਿੰਘ ਉਰਫ ਚਮਕੌਰ ਸਿੰਘ ਨੂੰ 20 ਮਾਰਚ ਨੂੰ ਉਕਤ ਮਾਮਲੇ ‘ਚ ਗਿ੍ਫਤਾਰ ਕੀਤਾ ਗਿਆ ਸੀ। ਜਿਨ੍ਹਾਂ ਦਾ 28 ਮਾਰਚ ਤਕ ਪੁਲਿਸ ਰਿਮਾਂਡ ਹਾਸਲ ਕਰ ਕੇ ਪੁੱਛਗਿੱਛ ਕੀਤੀ ਗਈ ਸੀ। ਇਸ ਦੇ ਅਧਾਰ ‘ਤੇ ਰੁਘਵਿੰਦਰ ਸਿੰਘ ਉਰਫ ਰਿੰਕੀ ਅਜਨੌਦ ਵਾਸੀ ਪਿੰਡ ਅਜਨੌਦ ਲੁਧਿਆਣਾ ਤੇ ਅਕਾਸ਼ਦੀਪ ਸਿੰਘ ਉਰਫ ਅਕਾਸ਼ ਵਾਸੀ ਪਿੰਡ ਨਾਗ ਕਲਾਂ ਜ਼ਿਲ੍ਹਾ ਅਮਿ੍ਤਸਰ ਨੂੰ ਵੀ ਪੋ੍ਡੈਕਸ਼ਨ ਵਰੰਟ ‘ਤੇ ਫਰੀਦਕੋਟ ਜੇਲ੍ਹ ‘ਚੋਂ ਲਿਆ ਕੇ 28 ਮਾਰਚ ਤਕ ਪੁਲਿਸ ਰਿਮਾਡ ਹਾਸਲ ਕਰ ਕੇ ਪੁੱਛਗਿੱਛ ਕੀਤੀ ਗਈ ਹੈ। ਕੁਲਵਿੰਦਰ ਸਿੰਘ ਸੋਨੂੰ ਤੇ ਤਲਵਿੰਦਰ ਸਿੰਘ ਨਿੱਕੂ ਉਕਤ ਸਮੇਤ ਹੁਣ ਤਕ ਮੁਕੱਦਮੇ ‘ਚ ਸੱਤ ਮੁਲਜ਼ਮਾਂ ਦੀ ਗਿ੍ਫਤਾਰੀ ਕੀਤੀ ਜਾ ਚੁੱਕੀ ਹੈ। ਪਟਿਆਲਾ ਪੁਲਿਸ ਵੱਲੋਂ ਉਕਤਾਨ ਸਾਰੇ ਮੁਲਜ਼ਮਾਂ ਨੂੰ ਗਿ੍ਫਤਾਰ ਕਰ ਕੇ ਪੁੱਛਗਿੱਛ ਕਰ ਕੇ ਹੁਣ ਤਕ ਕੁਲ 12 ਪਿਸਟਲ ਹਥਿਆਰ, ਲੁੱਟੀ ਹੋਈ ਵਰਨਾ ਕਾਰ ਤੇ ਦੋ ਹੋਰ ਕਾਰਾਂ, ਵਗੈਰਾ ਵੀ ਬਰਾਮਦ ਕੀਤੀਆਂ ਜਾ ਚੁੱਕੀਆਂ ਹਨ।
