ਜਲੰਧਰ ‘ਚ IMA ਡਾਕਟਰ ਅੱਜ OPD ਬੰਦ ਰੱਖ ਕੇ ਕਰਨਗੇ ਵਿਰੋਧ, ਰਾਜਸਥਾਨ ‘ਚ ਮਹਿਲਾ ਡਾਕਟਰ ਦੀ ਖੁਦਕੁਸ਼ੀ ਤੋਂ ਬਾਅਦ ਦੇਸ਼ ਭਰ ‘ਚ ਗੁੱਸਾ

ਜਲੰਧਰ: ਰਾਜਸਥਾਨ ‘ਚ ਗਾਇਨੀਕੋਲੋਜਿਸਟ ਡਾਕਟਰ ਅਰਚਨਾ ਸ਼ਰਮਾ ਦੀ ਖੁਦਕੁਸ਼ੀ ਤੋਂ ਬਾਅਦ ਦੇਸ਼ ਭਰ ਦੇ ਡਾਕਟਰਾਂ ‘ਚ ਗੁੱਸਾ ਹੈ। 2 ਅਪ੍ਰੈਲ ਨੂੰ ਦੇਸ਼ ਭਰ ‘ਚ ਆਈਐਮਏ ਨਾਲ ਜੁੜੇ ਡਾਕਟਰ ਆਪਣਾ ਕੰਮ ਬੰਦ ਕਰਕੇ ਰੋਸ ਪ੍ਰਦਰਸ਼ਨ ਕਰਨਗੇ। ਆਈਐਮਏ ਜਲੰਧਰ ਯੂਨਿਟ ਦੇ ਮੁਖੀ ਡਾਕਟਰ ਅਲੋਕ ਲਾਲਵਾਨੀ ਨੇ ਦੱਸਿਆ ਕਿ ਆਈਐਮਏ ਸੈਂਟਰਲ ਵੱਲੋਂ ਜਾਰੀ ਹਦਾਇਤਾਂ ਅਨੁਸਾਰ ਡਾਕਟਰ ਸ਼ਨੀਵਾਰ ਨੂੰ ਸਵੇਰੇ 8 ਵਜੇ ਤੋਂ ਸ਼ਾਮ 6 ਵਜੇ ਤੱਕ ਓਪੀਡੀ ਅਤੇ ਰੁਟੀਨ ਦਾ ਕੰਮ ਬੰਦ ਰੱਖਣਗੇ। ਐਮਰਜੈਂਸੀ ਵਾਲੇ ਮਰੀਜ਼ਾਂ ਨੂੰ ਹੀ ਸਹੂਲਤਾਂ ਦਿੱਤੀਆਂ ਜਾਣਗੀਆਂ। ਸਵੇਰੇ 11 ਵਜੇ ਡਾਕਟਰ ਆਈਐਮਏ ਹਾਊਸ ‘ਚ ਮੀਟਿੰਗ ਕਰਨਗੇ ਤੇ ਧਰਨਾ ਦੇਣਗੇ।ਸਿਵਲ ਹਸਪਤਾਲ ਦੇ ਐਮਐਸ ਡਾ: ਕਮਲਪਾਲ ਸਿੱਧੂ ਨੇ ਦੱਸਿਆ ਕਿ ਹਸਪਤਾਲ ‘ਚ ਓਪੀਡੀ ਤੇ ਸਾਰਾ ਕੰਮ ਰੁਟੀਨ ਵਾਂਗ ਕੀਤਾ ਜਾਵੇਗਾ। ਆਈਐਮਏ ਦੇ ਸਕੱਤਰ ਡਾ.ਆਰ.ਐਸ.ਬਲ ਨੇ ਦੱਸਿਆ ਕਿ ਹੜਤਾਲ ਦੌਰਾਨ ਪ੍ਰਾਈਵੇਟ ਹਸਪਤਾਲਾਂ ਦੀ ਜਾਂਚ ਲਈ ਆਈਐਮਏ ਵੱਲੋਂ ਵਿਸ਼ੇਸ਼ ਟੀਮਾਂ ਦਾ ਗਠਨ ਕੀਤਾ ਗਿਆ ਹੈ ਜੋ ਮੌਕੇ ਦਾ ਜਾਇਜ਼ਾ ਲੈਣਗੀਆਂ।