ਖੰਨਾ : ਜੀਟੀ ਰੋਡ ਪਿੰਡ ਅਲੌੜ ਵਿਖੇ ਚੱਲਦੀ ਕਾਰ ਉੱਤੇ ਕੰਟੇਨਰ ਡਿੱਗ ਗਿਆ। ਇਸ ਭਿਆਨਕ ਸੜਕ ਹਾਦਸੇ ਵਿਚ ਕਾਰ ਸਵਾਰ ਮਾਂ ਸਮੇਤ ਦੋ ਬੱਚਿਆਂ ਦੀ ਮੌਤ ਹੋ ਗਈ ਹੈ, ਜਦਕਿ ਕਾਰ ‘ਚ ਬੈਠੀ ਉਸ ਦੀ ਦਾਦੀ ਅਤੇ ਮ੍ਰਿਤਕ ਔਰਤ ਦੇ ਪਤੀ ਦਾ ਬਚਾਅ ਹੋ ਗਿਆ ਸੀ। ਉਹ ਕਾਰ ਚਲਾ ਰਿਹਾ ਸੀ। ਮ੍ਰਿਤਕ ਦੀ ਪਹਿਚਾਣ ਨਵਪ੍ਰੀਤ ਕੌਰ, ਲੜਕਾ ਹਰਸਿਮਰਨ ਸਿੰਘ , ਛੋਟੀ ਲੜਕੀ ਹਰਸੀਰਤ ਕੌਰ ਵਜੋਂ ਹੋਈ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਇਹ ਪਰਿਵਾਰ ਨੰਦਪੁਰ ਕਲੌੜ ਤੋਂ ਫਤਿਹਗੜ੍ਹ ਸਾਹਿਬ ਮੱਥਾ ਟੇਕ ਕੇ ਵਾਪਸ ਆਪਣੇ ਪਿੰਡ ਨਸਰਾਲੀ ਨੂੰ ਜਾ ਰਹੇ ਸੀ। ਜ਼ਖ਼ਮੀ ਕਾਰ ਚਾਲਕ ਦੀ ਪਹਿਚਾਣ ਗੁਰਿੰਦਰ ਸਿੰਘ ਬੌਬੀ ,ਉਸਦੀ ਮਾਤਾ ਕਮਲਜੀਤ ਕੌਰ ਵਾਸੀ ਨਸਰਾਲੀ ਵਜੋਂ ਹੋਈ
ਘਟਨਾ ਦੀ ਸੂਚਨਾ ਮਿਲਣ ‘ਤੇ ਥਾਣਾ ਸਿਟੀ 2 ਅਤੇ ਥਾਣਾ ਸਿਟੀ ਪੁਲਿਸ ਥਾਣਾ ਸਦਰ ਮੌਕੇ ‘ਤੇ ਪੁੱਜੀ ਮ੍ਰਿਤਕਾਂ ਦੀਆਂ ਲਾਸ਼ਾਂ ਸਿਵਲ ਹਸਪਤਾਲ ਖੰਨਾ ਦੀ ਮੋਰਚਰੀ ‘ਚ ਰਖਵਾਈਆ ਗਈਆਂ ਹਨ।
