ਜਲੰਧਰ ਨਗਰ ਨਿਗਮ ਦੀ ਡਰਾਈਵਰ ਯੂਨੀਅਨ ਹੜਤਾਲ ’ਤੇ, ਕੂੜਾ ਚੁੱਕਣ ਦਾ ਕੰਮ ਰੁਕਿਆ, ਸ਼ਹਿਰ ’ਚ ਗੰਦਗੀ ਨਾਲ ਭਰੇ ਡੰਪ

ਜਲੰਧਰ : ਕੂੜਾ ਲਿਫਟਿੰਗ ’ਚ ਪਹਿਲਾਂ ਤੋਂ ਹੀ ਮੁਸ਼ਕਲਾਂ ਦਾ ਸਾਹਮਣਾ ਕਰ ਰਹੀ ਨਗਰ ਨਿਗਮ ਲਈ ਇਕ ਹੋਰ ਸਮੱਸਿਆ ਖੜ੍ਹੀ ਹੋ ਗਈ ਹੈ। ਦਰਅਸਲ ਨਗਰ ਨਿਗਮ ਦੀ ਡਰਾਈਵਰ ਅਤੇ ਟੈਕਨੀਕਲ ਯੂਨੀਅਨ ਹੜਤਾਲ ’ਤੇ ਚਲੀ ਗਈ ਹੈ। ਜ਼ਿਕਰਯੋਗ ਹੈ ਕਿ ਸਹਾਇਕ ਸਿਹਤ ਅਧਿਕਾਰੀ ਡਾ. ਰਾਜਕਮਲ ਦੇ ਡਰਾਈਵਰਾਂ ਲਈ ਬਣਾਏ ਗਏ ਨਵੇਂ ਹੁਕਮਾਂ ਦਾ ਯੂਨੀਅਨ ਦੇ ਮੈਂਬਰ ਵਿਰੋਧ ਕਰ ਰਹੇ ਹਨ।

ਸ਼ਹਿਰ ’ਚ ਭਰੇ ਕੂੜੇ ਦੇ ਡੰਪ

ਨਗਰ ਨਿਗਮ ਦੀ ਵਰਕਸ਼ਾਪ ਵਿੱਚੋਂ ਅੱਜ ਸਵੇਰ ਤੋਂ ਕੂੜਾ ਚੁੱਕਣ ਲਈ ਇਕ ਵੀ ਵਾਹਨ ਨਹੀਂ ਨਿਕਲਿਆ ਤੇ ਸ਼ਹਿਰ ਵਿਚ ਲੱਗੇ ਡੰਪ ਕੂੜੇ ਨਾਲ ਭਰੇ ਪਏ ਹਨ। ਮੰਗਲਵਾਰ ਨੂੰ ਸਤਿਗੁਰੂ ਕਬੀਰ ਮਹਾਰਾਜ ਦਾ ਪ੍ਰਕਾਸ਼ ਪੁਰਬ ਹੈ ਅਤੇ ਵੱਖ-ਵੱਖ ਥਾਵਾਂ ’ਤੇ ਧਾਰਮਿਕ ਸਮਾਗਮ ਹੋ ਰਹੇ ਹਨ।

ਉਧਰ ਨਗਰ ਨਿਗਮ ਦੇ ਜਾਇੰਟ ਕਮਿਸ਼ਨਰ ਗੁਰਵਿੰਦਰ ਰੰਧਾਵਾ ਨੇ ਡਰਾਈਵਰ ਅਤੇ ਟੈਕਨੀਕਲ ਯੂਨੀਅਨ ਨੂੰ ਭਰੋਸਾ ਦਿੱਤਾ ਹੈ ਕਿ ਉਹ ਇਸ ਦਾ ਹੱਲ ਕੱਢਣਗੇ। ਇਸ ਦੇ ਨਾਲ ਹੀ ਡਰਾਈਵਰ ਤੇ ਟੈਕਨੀਕਲ ਯੂਨੀਅਨ ਇਸ ਗੱਲ ’ਤੇ ਅੜੀ ਹੋਈ ਹੈ ਕਿ ਡਾ: ਰਾਜਕੁਮਾਰ ਵੱਲੋਂ ਜਾਰੀ ਹੁਕਮਾਂ ਨੂੰ ਰੱਦ ਕੀਤਾ ਜਾਵੇ ਤਾਂ ਹੀ ਕੰਮ ਸ਼ੁਰੂ ਹੋਵੇਗਾ।