15 ਅਕਤੂਬਰ ਨੂੰ ਪੰਜਾਬ ਬੰਦ! ਪਰਵਿੰਦਰ ਸਿੰਘ ਝੋਟੇ ਦੇ ਕਤਲ ਮਗਰੋਂ ਪਰਿਵਾਰ ਨੇ ਕਰ”ਤਾ ਐਲਾਨ
ਬਟਾਲਾ : ਗੁਪਤ ਰਿਪੋਰਟਾਂ ’ਤੇ ਐੱਸਡੀਐੱਮ ਦੇ ਜਾਅਲੀ ਦਸਤਖ਼ਤ ਕਰਨ ਵਾਲੇ ਪਟਵਾਰੀ ਵਿਰੁੱਧ ਜਾਂਚ ਤੋਂ ਬਾਅਦ ਥਾਣਾ ਸਿਟੀ ਦੀ ਪੁਲਿਸ ਨੇ ਮਾਮਲਾ ਦਰਜ ਕੀਤਾ ਹੈ। ਕਾਨੂੰਨਗੋ ਦੀ ਤਰੱਕੀ ਲੈਣ ਲਈ ਪਟਵਾਰੀ ਗੁਪਤ ਰਿਪੋਰਟਾਂ ’ਤੇ ਐੱਸਡੀਐੱਮ ਦੇ ਜਾਅਲੀ ਦਸਤਖ਼ਤ ਕਰਦਾ ਰਿਹਾ। ਇਸ ਮਾਮਲੇ ’ਚ ਅਜੇ ਪਟਵਾਰੀ ਦੀ ਗ੍ਰਿਫ਼ਤਾਰੀ ਨਹੀਂ ਹੋਈ।
ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਥਾਣਾ ਸਿਟੀ ਦੇ ਏਐੱਸਆਈ ਬਲਦੇਵ ਸਿੰਘ ਨੇ ਦੱਸਿਆ ਕਿ ਡਿਪਟੀ ਕਮਿਸ਼ਨਰ ਗੁਰਦਾਸਪੁਰ ਵੱਲੋਂ ਜਾਰੀ ਪੱਤਰ ਤੇ ਐੱਸਐੱਸਪੀ ਬਟਾਲਾ ਦੇ ਹੁਕਮਾਂ ’ਤੇ ਐੱਸਪੀ ਹੈੱਡਕੁਆਰਟਰ ਬਟਾਲਾ ਵੱਲੋਂ ਜਾਂਚ ਪਡ਼ਤਾਲ ਕੀਤੀ ਗਈ, ਜਿਸ ਵਿਚ ਪਾਇਆ ਗਿਆ ਕਿ ਬਟਾਲਾ ਦੇ ਇਕ ਪਟਵਾਰੀ ਬਲਜੀਤ ਸਿੰਘ ਉਦੋਕੇ ਸਰਕਲ ਬਹਾਦੁਰ ਹੁਸੈਨ ਵੱਲੋਂ ਤਰੱਕੀ ਲੈਣ ਦੀ ਇੱਛਾ ਨਾਲ ਆਪਣੀਆਂ ਗੁਪਤ ਰਿਪੋਰਟਾਂ ਸਾਲ 2015, 2016, 2017 ’ਤੇ ਪ੍ਰਵਾਨ ਕਰਤਾ ਅਧਿਕਾਰੀ ਸੌਰਵ ਕੁਮਾਰ ਅਰੋਡ਼ਾ ਪੀਸੀਐੱਸ ਤੇ ਸਾਲ 2017, 2018, 2019 ’ਤੇ ਰੋਹਿਤ ਗੁਪਤਾ ਪੀਸੀਐੱਸ ਅਧਿਕਾਰੀ ਦੇ ਖ਼ੁਦ ਜਾਅਲੀ ਹਸਤਾਖਰ ਕਰ ਕੇ ਤੇ ਮੋਹਰਾਂ ਲਗਾ ਕੇ ਡਿਪਟੀ ਕਮਿਸ਼ਨਰ ਦਫਤਰ ’ਚ ਡੀਲਿੰਗ ਹੈੱਡ ਨੂੰ ਦਿੱਤੀਆਂ ਗਈਆਂ, ਜੋ ਕਿ ਪਡ਼ਤਾਲ ’ਚ ਜਾਅਲੀ ਪਾਈਆਂ ਗਈਆਂ। ਉਨ੍ਹਾਂ ਕਿਹਾ ਕਿ ਉਕਤ ਮਾਮਲੇ ਸਬੰਧੀ ਐੱਸਪੀ ਹੈੱਡਕੁਆਰਟਰ ਗੁਰਪ੍ਰੀਤ ਸਿੰਘ ਗਿੱਲ ਵੱਲੋਂ ਉਕਤ ਪਟਵਾਰੀ ਵਿਰੁੱਧ ਬਣਦੀਆਂ ਧਾਰਾਵਾਂ ਤਹਿਤ ਕੇਸ ਦਰਜ ਕਰ ਦਿੱਤਾ ਗਿਆ ਹੈ।
ਪਟਵਾਰੀ ਸਹਾਇਕ ਦਫ਼ਤਰ ਕਾਨੂੰਨਗੋ ਵਜੋਂ ਕਰ ਰਿਹੈ ਡਿਊਟੀ
ਮਾਮਲੇ ’ਚ ਨਾਮਜ਼ਦ ਕੀਤਾ ਗਿਆ ਪਟਵਾਰੀ ਸੁਖਦੇਵ ਸਿੰਘ ਜੋ ਦਫ਼ਤਰ ਬਟਾਲਾ ਵਿਖੇ ਸਹਾਇਕ ਦਫ਼ਤਰ ਕਾਨੂੰਨਗੋ ਵਜੋਂ ਡਿਊਟੀ ਕਰਦਾ ਆ ਰਿਹਾ ਹੈ। ਇਹ ਵੀ ਦੱਸਣਯੋਗ ਹੈ ਕਿ ਕਰੀਬ 30 ਸਾਲ ਤੋਂ ਪਟਵਾਰੀ ਵਜੋਂ ਵੀ ਵੱਖ-ਵੱਖ ਪਟਵਾਰ ਹਲਕਿਆਂ ’ਚ ਡਿਊਟੀ ਨਿਭਾਉਂਦਾ ਰਿਹਾ ਹੈ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਕਰੀਬ 6 ਸਾਲਾਂ ਤੋਂ ਐੱਸਡੀਐੱਮ ਦੇ ਜਾਅਲੀ ਦਸਤਖ਼ਤ ਕਰ ਕੇ ਤਰੱਕੀ ਦੀ ਲਾਲਸਾ ਰੱਖਣ ਵਾਲਾ ਪਟਵਾਰੀ ਕਿਸ ਤਰ੍ਹਾਂ ਮਹਿਕਮੇ ਨੂੰ ਧੋਖੇ ’ਚ ਰੱਖਦਾ ਰਿਹਾ ਹੈ। ਸੱਚਾਈ ਇਹ ਵੀ ਹੈ ਕਿ ਆਖ਼ਰ ਗ਼ਲਤ ਤਰੀਕੇ ਨਾਲ ਤਰੱਕੀ ਦੀ ਲਾਲਸਾ ਰੱਖਣ ਵਾਲਾ ਪਟਵਾਰੀ ਆਖ਼ਤਰ ਕਾਨੂੰਨ ਦੀ ਰਾਡਾਰ ਹੇਠ ਆ ਹੀ ਗਿਆ।
