BSF ਚੌਕ ਨੇੜੇ ਐਕਟਿਵਾ ਬਲਾਸਟ ਮਾਮਲੇ ‘ਚ ਆ ਗਿਆ ਜਲੰਧਰ CP ਦਾ ਬਿਆਨ, ਦੱਸਿਆ ਕਿਵੇਂ ਵਾਪਰੀ ਘਟਨਾ
ਸਿੰਗਲਾ : ਨੇੜਲੇ ਪਿੰਡ ਲਸੋਈ ਵਿਖੇ ਅੱਜ ਸਵੇਰੇ 7-30 ਵਜੇ ਦੇ ਕਰੀਬ ਟੋਭੇ ਵਿੱਚ ਗੱਡੀ ਸਮੇਤ ਡਿੱਗਣ ਕਾਰਨ ਇੱਕ ਅਧਿਆਪਕ ਦੀ ਮੌਤ ਹੋ ਗਈ। ਜਾਣਕਾਰੀ ਅਨੁਸਾਰ ਮਾਸਟਰ ਨਰਿੰਦਰਪਾਲ ਸਿੰਘ ਵਾਸੀ ਪਿੰਡ ਗੋਸਲਾਂ, ਨੇੜੇ ਭਾਰੀ ਮੀਂਹ ਦੌਰਾਨ ਆਪਣੀ ਗੱਡੀ ਰਾਹੀਂ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਲਸੋਈ ਵਿਖੇ ਆਪਣੀ ਡਿਊਟੀ ‘ਤੇ ਆ ਰਿਹਾ ਸੀ ਤਾਂ ਅਚਾਨਕ ਰੱਬੋ ਤੋਂ ਲਸੋਈ ਸੜਕ ‘ਤੇ ਸਥਿਤ ਪਿੰਡ ਲਸੋਈ ਦੇ ਟੋਭੇ ‘ਚ ਗੱਡੀ ਸਮੇਤ ਜਾ ਡਿੱਗੇ, ਜਿਸਦੇ ਸਿੱਟੇ ਵਜੋਂ ਗੱਡੀ ਪੁੱਠੀ ਹੋ ਗਈ ਤੇ ਟੋਭੇ ਦੇ ਵਿਚਕਾਰ ਚਲੀ ਗਈ ਤੇ ਮਾਸਟਰ ਦੀ ਮੌਕੇ ਮੌਤ ਹੋ ਗਈ।
8 ਕੁ ਵਜੇ ਦੇ ਲਗਭਗ ਜਦੋਂ ਰਾਹਗੀਰਾਂ ਨੂੰ ਟੋਭੇ ‘ਚ ਗੱਡੀ ਦੇ ਟਾਇਰ ਨਜ਼ਰ ਆਏ ਤਾਂ ਉਨ੍ਹਾਂ ਤੁਰੰਤ ਸਰਪੰਚ ਦਲਜੀਤ ਸਿੰਘ ਲਸੋਈ ਸਮੇਤ ਪਿੰਡ ਵਾਸੀਆਂ ਨੂੰ ਸੂਚਿਤ ਕੀਤਾ ਤੇ ਉਹਨਾਂ ਤੁਰੰਤ ਪੁਲਿਸ ਚੌਕੀ ਜੌੜੇਪੁਲ ਨੂੰ ਦੱਸਿਆ ਤੇ ਪੁਲਿਸ, ਪੰਚਾਇਤ ਤੇ ਪਿੰਡ ਵਾਲਿਆਂ ਨੇ ਟਰੈਕਟਰ ਦੀ ਮਦਦ ਨਾਲ ਗੱਡੀ ਨੂੰ ਬਾਹਰ ਕੱਢਿਆ। ਘਟਨਾ ਦੇ ਕਾਰਨਾਂ ਦਾ ਪੂਰਾ ਪਤਾ ਨਹੀਂ ਲੱਗ ਸਕਿਆ ਕਿ ਗੱਡੀ ਸੰਤੁਲਨ ਵਿਗੜਨ ਕਾਰਨ ਡਿੱਗੀ ਹੈ ਜਾ ਕਿਸੇ ਹੋਰ ਕਾਰਨ ਕਰਕੇ।
