ਵੱਡੀ ਖਬਰ: ਸੋਸ਼ਲ ਮੀਡੀਆ ਇੰਫਲੁਐਂਸਰ ਮੈਡ ਸੰਧੂ ਦਾ ਗੋਲੀਆਂ ਮਾਰ ਕੇ ਕਤਲ
ਜਲੰਧਰ : ਹਾਕੀ ਇੰਡੀਆ ਨੇ ਓਲੰਪੀਅਨ ਸੁਰਜੀਤ ਹਾਕੀ ਟੂਰਨਾਮੈਂਟ ਕਰਵਾਉਣ ਦੀ ਮਿਤੀ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਇਹ ਟੂਰਨਾਮੈਂਟ 28 ਅਕਤੂਬਰ ਤੋਂ ਸ਼ੁਰੂ ਹੋਣ ਜਾ ਰਿਹਾ ਹੈ, ਜੋ 5 ਨਵੰਬਰ ਤੱਕ ਚੱਲੇਗਾ। ਹਾਕੀ ਇੰਡੀਆ ਨੇ ਸੁਸਾਇਟੀ ਦੇ ਮੈਂਬਰਾਂ ਤੋਂ ਸੂਚੀ ਵੀ ਮੰਗੀ ਹੈ। ਸੁਸਾਇਟੀ ਨੇ ਭਾਗ ਲੈਣ ਵਾਲੀਆਂ ਟੀਮਾਂ ਨੂੰ ਸੱਦਾ ਪੱਤਰ ਭੇਜੇ ਹਨ। ਸਾਥੀ ਸੁਸਾਇਟੀ ਵੱਲੋਂ ਟੂਰਨਾਮੈਂਟ ਸਬੰਧੀ ਮੀਟਿੰਗ ਕੀਤੀ ਜਾ ਰਹੀ ਹੈ।
ਨਵੇਂ ਟਰਫ ‘ਤੇ ਹੋਵੇਗਾ ਟੂਰਨਾਮੈਂਟ, ਸੁਸਾਇਟੀ ਕਰੇਗੀ ਟੀਮਾਂ ਦੀ ਚੋਣ
ਤੁਹਾਨੂੰ ਦੱਸ ਦੇਈਏ ਕਿ ਇਹ ਟੂਰਨਾਮੈਂਟ ਸੁਰਜੀਤ ਹਾਕੀ ਗਰਾਊਂਡ ‘ਤੇ ਹੋਵੇਗਾ। ਪਿਛਲੇ ਸਾਲ ਸੁਰਜੀਤ ਹਾਕੀ ਗਰਾਊਂਡ ਵਿੱਚ ਨਵੀਂ ਟਰਫ ਲਗਾਉਣ ਦਾ ਕੰਮ ਚੱਲ ਰਿਹਾ ਸੀ। ਜਿਸ ਕਾਰਨ ਇਹ ਟੂਰਨਾਮੈਂਟ ਆਰਮੀ ਹਾਕੀ ਗਰਾਊਂਡ ਵਿਖੇ ਕਰਵਾਇਆ ਗਿਆ। ਇਸ ਦੇ ਨਾਲ ਹੀ ਸੁਰਜੀਤ ਹਾਕੀ ਗਰਾਊਂਡ ਵਿਖੇ ਨਵੀਂ ਟਰਫ ਬਣਾਉਣ ਦਾ ਕੰਮ ਮੁਕੰਮਲ ਹੋ ਗਿਆ ਹੈ। ਸਾਲ 2022 ਦਾ ਟੂਰਨਾਮੈਂਟ ਨਵੇਂ ਮੈਦਾਨ ‘ਤੇ ਹੋਵੇਗਾ। ਹੁਣ ਸੁਸਾਇਟੀ ਦੇ ਮੈਂਬਰ ਜਲਦੀ ਤੋਂ ਜਲਦੀ ਮੀਟਿੰਗ ਕਰਕੇ ਟੀਮਾਂ ਦੀ ਚੋਣ ਕਰਨਗੇ।
ਭਾਰਤੀ ਰੇਲਵੇ ਦੀ ਟੀਮ ਨੇ 2020-21 ਦੀ ਟਰਾਫੀ ‘ਤੇ ਕਬਜ਼ਾ
ਸੁਰਜੀਤ ਹਾਕੀ ਟੂਰਨਾਮੈਂਟ ਵਿੱਚ ਪੰਜਾਬ ਐਂਡ ਸਿੰਧ ਬੈਂਕ, ਪੰਜਾਬ ਨੈਸ਼ਨਲ ਬੈਂਕ, ਸੀਆਰਪੀਐਫ, ਇੰਡੀਅਨ ਆਇਲ, ਏਅਰ ਇੰਡੀਆ, ਇੰਡੀਅਨ ਆਰਮੀ, ਇੰਡੀਅਨ ਏਅਰ ਫੋਰਸ, ਇੰਡੀਅਨ ਰੇਲਵੇ, ਪੰਜਾਬ ਪੁਲਿਸ, ਬੀਐਸਐਫ ਅਤੇ ਆਰਸੀਐਫ ਦੀਆਂ ਟੀਮਾਂ ਨੇ ਭਾਗ ਲਿਆ। ਸਾਲ 2020-21 ਦੀ ਟਰਾਫੀ ਭਾਰਤੀ ਰੇਲਵੇ ਦੀ ਟੀਮ ਨੇ ਹਾਸਲ ਕੀਤੀ।
28 ਅਕਤੂਬਰ ਤੋਂ ਸ਼ੁਰੂ ਹੋਵੇਗਾ ਟੂਰਨਾਮੈਂਟ
ਸੁਰਜੀਤ ਹਾਕੀ ਸੁਸਾਇਟੀ ਦੇ ਸਕੱਤਰ ਸੁਰਿੰਦਰ ਭਾਪਾ ਨੇ ਦੱਸਿਆ ਕਿ ਇਹ ਟੂਰਨਾਮੈਂਟ 28 ਅਕਤੂਬਰ ਤੋਂ ਸ਼ੁਰੂ ਹੋ ਕੇ 5 ਨਵੰਬਰ ਤੱਕ ਚੱਲੇਗਾ। ਟੀਮਾਂ ਨੂੰ ਸੱਦਾ ਪੱਤਰ ਭੇਜੇ ਗਏ ਹਨ। ਟੂਰਨਾਮੈਂਟ ਸਬੰਧੀ ਸੁਸਾਇਟੀ ਵੱਲੋਂ ਜਲਦੀ ਹੀ ਮੀਟਿੰਗ ਕੀਤੀ ਜਾ ਰਹੀ ਹੈ। ਟੀਮਾਂ ਦੀ ਸੂਚੀ ਮੰਗ ਕੇ ਹਾਕੀ ਇੰਡੀਆ ਨੂੰ ਭੇਜੀ ਜਾਵੇਗੀ।
