ਵੱਡੀ ਖ਼ਬਰ ; ਪੁਲਸ ਨੇ ਹਿਰਾਸਤ ‘ਚ ਲਿਆ ਸੁਖਬੀਰ ਬਾਦਲ ‘ਤੇ ਹਮਲਾ ਕਰਨ ਵਾਲਾ ਹਮਲਾਵਰ
ਪੰਚਕੂਲਾ : ਹਰਿਆਣਾ ਭਾਜਪਾ ਆਗੂ ਦੀ ਪੰਚਕੂਲਾ ਪੁਲਿਸ ਤਲਾਸ਼ ਕਰ ਰਹੀ ਹੈ। ਪਾਨੀਪਤ ਦੇ ਛੋਟੀ ਨਾਰਾ ਨਿਵਾਸੀ ਭਾਜਪਾ ਕਿਸਾਨ ਮੋਰਚਾ ਨੇਤਾ ਵਿਨੋਦ ਖਰਬ ਖਿਲਾਫ਼ ਪੁਲਿਸ ਨੇ ਆਜ਼ਾਦ ਵਿਧਾਇਕ ਦੇ ਪੁੱਤਰ ਨਾਲ ਲੱਖਾਂ ਰੁਪਏ ਠੱਗਣ ਦੇ ਮੁਲਜ਼ਮ ‘ਚ ਕੇਸ ਦਰਜ ਕੀਤਾ ਹੈ। ਮੁਲਜ਼ਮ ਵਿਨੋਦ ਖਰਬ ਫਿਲਹਾਲ ਫਰਾਰ ਹੈ ਜਿਸ ਦੀ ਪੰਚਕੂਲਾ ਪੁਲਿਸ ਤਲਾਸ਼ ਕਰ ਰਹੀ ਹੈ। ਆਜ਼ਾਦ ਵਿਧਾਇਕ ਰਣਧੀਰ ਸਿੰਘ ਗੋਲਨ ਦੇ ਪੁੱਤਰ ਅਮਿਤ ਗੋਲਨ ਨੇ 5 ਜੁਲਾਈ ਨੂੰ ਪੰਚਕੂਲਾ ਪੁਲਿਸ ਨੂੰ ਭਾਜਪਾ ਆਗੂ ਵਿਨੋਦ ਖਰਬ ਖ਼ਿਲਾਫ਼ ਸ਼ਿਕਾਇਤ ਦਿੱਤੀ ਸੀ। ਸੈਕਟਰ-12ਏ ਦੇ ਰਹਿਣ ਵਾਲੇ ਅਮਿਤ ਗੋਲਨ ਨੇ ਵਿਨੋਦ ਖਰਬ ‘ਤੇ ਉਸ ਨਾਲ 49 ਲੱਖ ਰੁਪਏ ਦੀ ਠੱਗੀ ਮਾਰਨ ਦਾ ਦੋਸ਼ ਲਾਇਆ ਹੈ।
ਅਮਿਤ ਗੋਲਨ ਨੇ ਦੱਸਿਆ ਕਿ ਭਾਜਪਾ ਕਿਸਾਨ ਮੋਰਚਾ ਦੇ ਮੈਂਬਰ ਵਿਨੋਦ ਖਰਬ ਨੇ ਉਸ ਨਾਲ ਧੋਖਾਧੜੀ ਕੀਤੀ ਹੈ। ਵਿਨੋਦ ਖਰਬ ਜੀਂਦ ‘ਚ ਭਾਜਪਾ ਸੂਬਾ ਕਾਰਜਕਾਰਨੀ ਕਿਸਾਨ ਮੋਰਚਾ ਦੇ ਮੈਂਬਰ ਹਨ। ਅਮਿਤ ਗੋਲਨ ਨੇ ਭਾਰਤੀ ਜਨਤਾ ਪਾਰਟੀ ਤੋਂ ਵਿਨੋਦ ਖਰਬ ਖਿਲਾਫ਼ ਕਾਰਵਾਈ ਦੀ ਮੰਗ ਕੀਤੀ ਹੈ। ਅਮਿਤ ਗੋਇਲ ਨੇ ਦੱਸਿਆ ਕਿ ਸਾਲ 2013 ‘ਚ ਮੈਂ ਭਾਜਪਾ ਯੁਵਾ ਮੋਰਚਾ ‘ਚ ਸੀ, ਉਦੋਂ ਤੋਂ ਵਿਨੋਦ ਉਸ ਦੇ ਸੰਪਰਕ ‘ਚ ਆਇਆ ਸੀ। ਜਦੋਂ ਪਿਤਾ ਰਣਧੀਰ ਗੋਲਨ ਵਿਧਾਇਕ ਬਣੇ ਤਾਂ ਵਿਨੋਦ ਨੇ ਉਨ੍ਹਾਂ ਨਾਲ ਸਬੰਧ ਵਧਾਉਣੇ ਸ਼ੁਰੂ ਕਰ ਦਿੱਤੇ।
ਅਮਿਤ ਗੋਲਨ ਮੁਤਾਬਕ ਉਨ੍ਹਾਂ ਕਿਹਾ ਸੀ ਕਿ ਹਰਿਆਣਾ ਸਟੇਟ ਸਟਾਫ ਸਿਲੈਕਸ਼ਨ ਕਮਿਸ਼ਨ ‘ਚ ਉਨ੍ਹਾਂ ਦੀ ਚੰਗੀ ਸੈਟਿੰਗ ਹੈ। ਹਰਿਆਣਾ ਪੁਲਿਸ ‘ਚ ਭਰਤੀ ਕੀਤੇ ਜਾ ਰਹੇ ਐਸਆਈ ਵਿੱਚ ਕੰਮ ਆਸਾਨੀ ਨਾਲ ਹੋ ਜਾਵੇਗਾ। ਅਮਿਤ ਦੇ ਮਾਮੇ ਦੇ ਲੜਕੇ ਨੇ ਕਮਿਸ਼ਨ ‘ਚ ਐਸਆਈ ਲਈ ਫਾਰਮ ਭਰਿਆ ਸੀ, ਜਿਸ ਦੇ ਬਦਲੇ ਅਮਿਤ ਗੋਲਨ ਨੇ ਪਹਿਲਾਂ ਵਿਨੋਦ ਤੋਂ 25 ਲੱਖ ਰੁਪਏ ਲਏ। ਪੇਪਰ ਪਾਸ ਹੋਣ ਤੋਂ ਬਾਅਦ ਬਾਕੀ ਦਾ ਪੈਸਾ 24 ਲੱਖ ਰੁਪਏ ਉਸ ਦੇ ਬਾਅਦ ਬਾਕੀ ਪੈਸੇ ਫਿਰ ਲੈ ਗਿਆ। ਜਦੋਂ ਨਤੀਜਾ ਐਲਾਨਿਆ ਗਿਆ ਤਾਂ ਉਸ ਵਿਚ ਉਸ ਦੇ ਮਾਮੇ ਦੀ ਚੋਣ ਨਹੀਂ ਹੋਈ।
ਅਮਿਤ ਗੋਲਨ ਵਿਨੋਦ ਖਰਬ ਤੋਂ ਇਕ ਸਾਲ ਤਕ ਆਪਣੇ 49 ਲੱਖ ਰੁਪਏ ਵਾਪਸ ਮੰਗਦਾ ਰਿਹਾ। ਉਹ ਉਸ ਨੂੰ ਵਾਰ-ਵਾਰ ਭਰੋਸਾ ਦੇ ਕੇ ਟਾਲਦਾ ਰਿਹਾ। ਅਮਿਤ ਨੇ ਦੋਸ਼ ਲਾਇਆ ਕਿ ਉਸ ਨੂੰ ਜਾਨੋਂ ਮਾਰਨ ਦੀਆਂ ਧਮਕੀਆਂ ਵੀ ਮਿਲੀਆਂ ਹਨ। ਸਾਰੀ ਰਿਕਾਰਡਿੰਗ ਪੁਲਿਸ ਨੂੰ ਸੌਂਪ ਦਿੱਤੀ ਗਈ ਹੈ।
ਸੈਕਟਰ 14 ਥਾਣੇ ਦੇ ਇੰਚਾਰਜ ਅਨਿਲ ਕੁਮਾਰ ਨੇ ਦੱਸਿਆ ਕਿ 5 ਜੁਲਾਈ ਨੂੰ ਸ਼ਿਕਾਇਤ ਮਿਲੀ ਸੀ ਕਿ ਵਿਧਾਇਕ ਰਣਬੀਰ ਸਿੰਘ ਗੋਲਨ ਦੇ ਪੁੱਤਰ ਅਮਿਤ ਗੋਲਣ ਵਿਨੋਦ ਖਰਬ ਨੇ ਸਬ-ਇੰਸਪੈਕਟਰ ਦੀ ਭਰਤੀ ਲਈ 49 ਲੱਖ ਰੁਪਏ ਲਏ ਹਨ। ਆਡੀਓ ‘ਚ ਸ਼ਿਕਾਇਤਕਰਤਾ ਮੁਲਜ਼ਮ ਤੋਂ ਆਪਣੇ ਪੈਸੇ ਮੰਗ ਰਿਹਾ ਹੈ। ਆਡੀਓ ਮੁਤਾਬਕ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ ਤੇ ਮੁਲਜ਼ਮ ਦੀ ਭਾਲ ਕੀਤੀ ਜਾ ਰਹੀ ਹੈ।
