ਵੱਡੀ ਖ਼ਬਰ ; ਪੁਲਸ ਨੇ ਹਿਰਾਸਤ ‘ਚ ਲਿਆ ਸੁਖਬੀਰ ਬਾਦਲ ‘ਤੇ ਹਮਲਾ ਕਰਨ ਵਾਲਾ ਹਮਲਾਵਰ
ਕਪੂਰਥਲਾ : ਕਪੂਰਥਲਾ ਦੇ ਬੇਗੋਵਾਲ ਇਲਾਕੇ ਵਿੱਚ ਐਕਸਿਸ ਬੈਂਕ ਦੀ ਸ਼ਾਖਾ ਵਿੱਚ ਕੰਮ ਕਰਦੇ ਦੋ ਮੁਲਾਜ਼ਮਾਂ ਵੱਲੋਂ ਬੈਂਕ ਵਿੱਚੋਂ 2 ਕਰੋੜ 90 ਲੱਖ ਰੁਪਏ ਤੋਂ ਵੱਧ ਦਾ ਗ਼ਬਨ ਕਰਨ ਤੇ 37 ਲੱਖ ਰੁਪਏ ਤੋਂ ਵੱਧ ਕੀਮਤ ਦੇ 4 ਸੋਨੇ ਦੇ ਪੈਕਟ ਗਾਇਬ ਕਰਨ ਦੇ ਦੋਸ਼ ਵਿੱਚ ਸਬੰਧਤ ਥਾਣੇ ਵਿੱਚ ਵੱਖ-ਵੱਖ ਧਾਰਾਵਾਂ ਤਹਿਤ ਕੇਸ ਦਰਜ ਕੀਤਾ ਗਿਆ ਹੈ। ਮੁਲਾਜ਼ਮਾਂ ਖਿਲਾਫ ਮਾਮਲਾ ਦਰਜ ਕਰ ਲਿਆ ਗਿਆ ਹੈ।
ਪ੍ਰਾਪਤ ਜਾਣਕਾਰੀ ਅਨੁਸਾਰ 25 ਅਗਸਤ ਨੂੰ ਬੈਂਕ ਦੇ ਵਿਜੀਲੈਂਸ ਵਿੰਗ ਨੇ ਐਕਸਿਸ ਬੈਂਕ ਬੇਗੋਵਾਲ ਦੀ ਸ਼ਾਖਾ ਵਿੱਚ ਛਾਪਾ ਮਾਰਿਆ ਸੀ ਤੇ ਬੈਂਕ ‘ਚ ਹੋਏ ਕਰੋੜਾਂ ਰੁਪਏ ਦੇ ਘਪਲੇ ਦੇ ਸਬੰਧ ‘ਚ ਜਾਂਚ ਕਰਦੇ ਹੋਏ ਅਹਿਮ ਦਸਤਾਵੇਜ਼ ਵੀ ਜ਼ਬਤ ਕੀਤੇ ਹਨ। ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ਵਿੱਚ ਐਕਸਿਸ ਬੈਂਕ ਦੇ ਕਲੱਸਟਰ ਹੈੱਡ ਹਰਪਿੰਦਰ ਸਿੰਘ ਨੇ ਦੱਸਿਆ ਕਿ ਬੇਗੋਵਾਲ ਬ੍ਰਾਂਚ ਵਿੱਚ ਕੰਮ ਕਰਦੇ ਨਿਤੇਸ਼ ਕੁਮਾਰ ਵਾਸੀ ਦਸੂਹਾ ਤੇ ਰਮਨਦੀਪ ਸਿੰਘ ਵਾਸੀ ਬੇਗੋਵਾਲ ਨੇ ਬੈਂਕ ਦੇ ਪੈਸਿਆਂ ਵਿੱਚ 2 ਕਰੋੜ 19 ਲੱਖ 21 ਹਜ਼ਾਰ 110 ਰੁਪਏ ਦਾ ਗਬਨ ਕੀਤਾ ਹੈ। ਇਸੇ ਬੈਂਕ ਵਿੱਚ ਪਏ ਗ੍ਰਾਹਕਾਂ ਦੇ ਸੋਨੇ ਦੇ ਕਰਜ਼ੇ ਦੇ ਬਦਲੇ, ਪਏ ਸੋਨੇ ਦੇ ਗਹਿਣਿਆਂ ਦੇ 4 ਪੈਕੇਟ ਵੀ ਗਾਇਬ ਕਰ ਦਿੱਤੇ ਗਏ ਹਨ। ਜਿਸ ਦੀ ਕੀਮਤ 37 ਲੱਖ 12080 ਰੁਪਏ 60 ਪੈਸੇ ਹੈ। ਕਲੱਸਟਰ ਹੈੱਡ ਹਰਪਿੰਦਰ ਸਿੰਘ ਦੀ ਸ਼ਿਕਾਇਤ ‘ਤੇ ਐਕਸਿਸ ਬੈਂਕ ਦੇ ਕਰਮਚਾਰੀ ਨਿਤੇਸ਼ ਅਤੇ ਰਮਨਦੀਪ ਸਿੰਘ ਦੇ ਖਿਲਾਫ ਥਾਣਾ ਬੇਗੋਵਾਲ ਵਿਖੇ ਵੱਖ-ਵੱਖ ਧਾਰਾਵਾਂ ਤਹਿਤ ਮਾਮਲਾ ਦਰਜ ਕਰ ਲਿਆ ਗਿਆ ਹੈ। ਇਸ ਦੀ ਪੁਸ਼ਟੀ ਕਰਦਿਆਂ ਐਸਐਚਓ ਰਣਜੋਧ ਸਿੰਘ ਨੇ ਕਿਹਾ ਕਿ ਜਲਦ ਹੀ ਦੋਵੇਂ ਮੁਲਜ਼ਮਾਂ ਨੂੰ ਕਾਬੂ ਕਰ ਲਿਆ ਜਾਵੇਗਾ।
