ਪੰਜਾਬੀ ਆ ਗਏ ਓਏ…! ਪੰਜਾਬ ਅੱਗੇ ਲਖਨਊ ਨੇ ਵੀ ਟੇਕੇ ਗੋਡੇ, ਦਰਜ ਕੀਤੀ ਸੀਰੀਜ਼ ਦੀ 5ਵੀਂ ਜਿੱਤ
ਖੰਨਾ : ਖੰਨਾ ਦੇ ਪਿੰਡ ਰੋਹਣੋ ਖੁਰਦ ਵਿਖੇ ਸੱਜਣ ਸਿੰਘ ਨਾਂ ਦੇ ਕਿਸਾਨ ਦੇ ਘਰੋਂ ਇਨਕਮ ਟੈਕਸ ਦੇ ਅਧਿਕਾਰੀ ਬਣ ਕੇ ਲੁਟੇਰਿਆਂ ਨੇ 25 ਲੱਖ ਰੁਪਏ ਦਾ ਡਾਕਾ ਮਾਰਿਆ। ਇਸ ਵਾਰਦਾਤ ਨੂੰ ਚਾਰ ਜਣਿਆਂ ਨੇ ਸਵੇਰੇ 5 ਵਜੇ ਦੇ ਕਰੀਬ ਅੰਜਾਮ ਦਿੱਤਾ। ਦੱਸਣਯੋਗ ਹੈ ਕਿ ਇਸ ਕਿਸਾਨ ਵੱਲੋਂ ਪਿਛਲੇ ਅਰਸੇ ਦੌਰਾਨ ਆਪਣੀ ਜ਼ਮੀਨ ਵੇਚੀ ਗਈ ਸੀ ਤੇ ਆਉਣ ਵਾਲੇ ਦਿਨਾਂ ਦੌਰਾਨ ਉਹ ਕੋਈ ਹੋਰ ਜ਼ਮੀਨ ਖਰੀਦਣਾ ਚਾਹੁੰਦਾ ਸੀ ਜਿਸ ਕਾਰਨ ਉਸ ਨੇ 25 ਲੱਖ ਰੁਪਿਆ ਘਰ ‘ਚ ਰੱਖਿਆ ਹੋਇਆ ਸੀ।
ਐਤਵਾਰ ਸਵੇਰੇ ਲਗਪਗ ਪੰਜ ਕੁ ਵਜੇ ਚਾਰ ਵਿਅਕਤੀ ਉਸ ਦੇ ਘਰ ਆਏ ਜਿਨ੍ਹਾਂ ਕੋਲ ਪਿਸਟਲ ਸਨ। ਉਨ੍ਹਾਂ ਆਪਣੀ ਪਛਾਣ ਇਨਕਮ ਟੈਕਸ ਅਧਿਕਾਰੀਆਂ ਦੇ ਤੌਰ ‘ਤੇ ਦੱਸੀ। ਚਿਹਰੇ ਢਕੇ ਹੋਏ ਸਨ। ਘਰ ਦੀ ਫਰੋਲਾ-ਫਰਾਲੀ ਕਰਨ ਉਪਰੰਤ ਉਨ੍ਹਾਂ ਨੂੰ ਘਰ ‘ਚ ਪਈ ਨਕਦ ਰਾਸ਼ੀ 25 ਲੱਖ ਰੁਪਏ ਮਿਲ ਗਈ। ਉਪਰੰਤ ਉਹ 25 ਲੱਖ ਰੁਪਿਆ ਲੈ ਕੇ ਤਿੱਤਰ ਹੋ ਗਏ। ਇਸ ਵਾਰਦਾਤ ਦੀ ਸੂਚਨਾ ਪੁਲਿਸ ਨੂੰ ਦਿੱਤੀ ਗਈ। ਸੂਚਨਾ ਮਿਲਣ ‘ਤੇ ਡੀਐਸਪੀ ਵਿਲੀਅਮ ਜੈਜੀ ਤੇ ਥਾਣਾ ਸਦਰ ਮੁਖੀ ਨਛੱਤਰ ਸਿੰਘ ਪੁਲਿਸ ਪਾਰਟੀ ਨਾਲ ਮੌਕੇ ਉੱਤੇ ਪੁੱਜੇ ਜਿਨ੍ਹਾਂ ਵਲੋਂ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ।
