ਮੁਹਾਲੀ : ਸਤਵਿੰਦਰ ਸਿੰਘ ਧਡ਼ਾਕ, ਮੁਹਾਲੀ : ਪੰਜਾਬ ਦੇ ਬੇਰੁਜ਼ਗਾਰ ਈਟੀਟੀ ਅਧਿਆਪਕਾਂ ਲਈ ਵੱਡੀ ਖੁਸ਼ਖਬਰੀ ਹੈ। ਪੰਜਾਬ ਸਰਕਾਰ ਨੇ ਸਿੱਖਿਆ ਵਿਭਾਗ ਨੂੰ ਭਰਤੀ ਦੀ ਹਰੀ ਝੰਡੀ ਦਿੱਤੀ ਸੀ। ਇਸ ਤੋਂ ਬਾਅਦ ਸਿੱਖਿਆ ਵਿਭਾਗ ਨੇ ਅੱਜ ਭਰਤੀ ਦਾ ਨੋਟੀਫਿਕੇਸ਼ਨ ਜਾਰੀ ਕੀਤਾ ਹੈ। ਇਸ ਨੋਟੀਫਿਕੇਸ਼ਨ ਜ਼ਰੀਏ 5994 ਈਟੀਟੀ ਅਧਿਆਪਕਾਂ ਦੀ ਭਰਤੀ ਕੀਤੀ ਜਾਵੇਗੀ। ਚਾਹਵਾਨ ਉਮੀਦਵਾਰ www.educationrecruitmentboard.comਵੈਬਸਾਈਟ ’ਤੇ ਜਾ ਕੇ 10 ਨਵੰਬਰ ਤਕ ਆਨਲਾਈਨ ਅਰਜ਼ੀਆਂ ਅਪਲਾਈ ਕਰ ਸਕਦੇ ਹਨ।
ਵਿਦਿਅਕ ਯੋਗਤਾ
ਜਨਰਲ ਕੈਟਾਗਰੀ ਦੇ ਚਾਹਵਾਨ ਉਮੀਦਵਾਰ ਘੱਟੋ ਘੱਟ 50 ਫੀਸਦ ਅੰਕਾਂ ਨਾਲ ਗ੍ਰੈਜੂਏਟ ਹੋਣਾ ਚਾਹੀਦਾ ਹੈ। ਐਸਸੀ, ਬੀਸੀ ਤੇ ਹੋਰ ਕੈਟਾਗਰੀ ਦੇ ਉਮੀਦਵਾਰ 45 ਫੀਸਦ ਅੰਕਾਂ ਨਾਲ ਗੈ੍ਰਜੂਏਟ ਹੋਣੇ ਚਾਹੀਦੇ ਹਨ।
ਉਮੀਦਵਾਰਾਂ ਨੇ 2 ਸਾਲ ਦਾ ਈਟੀਟੀ ਕੋਰਸ ਕਿਸੇ ਵੀ ਮਾਨਤਾ ਪ੍ਰਾਪਤ ਸੰਸਥਾ ਤੋਂ ਕੀਤਾ ਹੋਵੇ।
ਉਮੀਦਵਾਰਾਂ ਨੇ ਪੀਐਸਟੀਈਟੀ 1 ਲਾਜ਼ਮੀ ਪਾਸ ਕੀਤਾ ਹੋਵੇ।
ਉਮਰ ਹੱਦ
ਅਪਲਾਈ ਕਰਨ ਵਾਲੇ ਉਮੀਦਵਾਰਾਂ ਦੀ ਉਮਰ 1.1.2022 ਨੂੰ 18 ਤੋਂ 37 ਸਾਲ ਦੇ ਦਰਿਮਆਨ ਹੋਣੀ ਚਾਹੀਦੀ ਹੈ।
ਫੀਸ
ਬਿਨੈ ਪੱਤਰ ਦੀ ਪ੍ਰੋਸੈਸਿੰਗ ਫੀਸ ਜਨਰਲ ਤੇ ਹੋਰ ਕੈਟਾਗਰੀ ਲਈ 1000 ਰੁਪਏ ਹੈ ਜਦਕਿ ਐਸਸੀ ਤੇ ਐਸਟੀ ਲਈ 500 ਰੁਪਏ ਹੈ।
ਚੋਣ ਪ੍ਰਕਿਰਿਆ
ਇਨ੍ਹਾਂ ਆਸਾਮੀਆਂ ਦੀ ਭਰਤੀ ਲਈ ਸਟੇਟ ਪੱਧਰ ’ਤੇ ਇਕ 200 ਅੰਕਾਂ ਦਾ ਲਿਖਤੀ ਮਲਟੀਪਲ ਚੁਆਇਸ ਟੈਸਟ ਲਿਆ ਜਾਵੇਗਾ। ਇਸ ਦੀ ਮੈਰਿਟ ਦੇ ਆਧਾਰ ਦੇ ਲਿਸਟ ਤਿਆਰ ਕੀਤੀ ਜਾਵੇਗੀ।
ਆਨਲਾਈਨ ਅਪਲਾਈ
ਉਮੀਦਵਾਰ ਵਿਭਾਗ ਦੀ ਵੈਬਸਾਈਟ www.educationrecruitmentboard.com ’ਤੇ ਜਾ ਕੇ 14 ਅਕਤੂਬਰ ਤੋਂ 10 ਨਵੰਬਰ ਤਕ ਆਨਲਾਈਨ ਅਪਲਾਈ ਕਰ ਸਕਦੇ ਹਨ।
