ਮਹਿਤਪੁਰ : ਪੁਲਿਸ ਵੱਲੋਂ 2 ਭਗੌੜਿਆਂ ਨੂੰ 32 ਬੋਰ ਦੇ ਪਿਸਤੌਲ ਤੇ 2 ਕਾਰਤੂਸਾਂ ਸਮੇਤ ਗਿ੍ਫਤਾਰ ਕੀਤਾ ਗਿਆ ਹੈ। ਜਾਣਕਾਰੀ ਦਿੰਦਿਆਂ ਗੁਰਪ੍ਰਰੀਤ ਸਿੰਘ ਡੀਐੱਸਪੀ ਸ਼ਾਹਕੋਟ ਨੇ ਦੱਸਿਆ ਕਿ ਥਾਣਾ ਮਹਿਤਪੁਰ ਦੇ ਐੱਸਆਈ ਭੁਪਿੰਦਰ ਸਿੰਘ ਦੀ ਪੁਲਿਸ ਵੱਲੋਂ ਪਰਜੀਆ ਕਲਾਂ ਰੋਡ ਵਿਖੇ ਨਾਕੇ ਦੌਰਾਨ ਨੌਜਵਾਨਾਂ ਨੂੰ ਰੋਕ ਕੇ ਸ਼ੱਕ ਦੇ ਆਧਾਰ ‘ਤੇ ਤਲਾਸ਼ੀ ਲਈ ਤਾਂ ਇਕ ਦੀ ਡੱਬ ‘ਚੋਂ 32 ਬੋਰ ਪਿਸਤੌਲ ਸਮੇਤ 2 ਰੌਂਦ ਬਰਾਮਦ ਕੀਤੇ। ਨੌਜਵਾਨਾਂ ਦੀ ਪਛਾਣ ਬਾਹਰ ਮੁਹੱਲਾ ਸ਼ਾਹਪੁਰ ਤੋਂ ਅਮਨਪ੍ਰਰੀਤ ਸਿੰਘ ਉਰਫ ਅਮਨ ਤੇ ਜਤਿੰਦਰ ਸਿੰਘ ਉਰਫ ਟੀਕਾ ਵਾਸੀ ਧਰਮੀਵਾਲ ਵਜੋਂ ਹੋਈ ਹੈ। ਡੀਐੱਸਪੀ ਨੇ ਦੱਸਿਆ ਕਿ ਮੁੱਢਲੀ ਪੁੱਛਗਿੱਛ ਦੌਰਾਨ ਸਾਹਮਣੇ ਆਇਆ ਕਿ ਦੋਵੇਂ ਨੌਜਵਾਨ ਭਗੌੜੇ ਮੁਲਜ਼ਮ ਹਨ। ਦੋਵਾਂ ਖ਼ਿਲਾਫ਼ ਥਾਣਾ ਮਹਿਤਪੁਰ ‘ਚ ਮਾਮਲਾ ਦਰਜ ਸੀ। ਅਦਾਲਤ ਵੱਲੋ 12-10-22 ਨੂੰ ਪੀਓ ਕਰਾਰ ਦਿੱਤਾ ਗਿਆ ਸੀ। ਪੁਲਿਸ ਨੇ ਮੁਲਜ਼ਮਾਂ ਖਿਲਾਫ ਮਾਮਲਾ ਦਰਜ ਕਰ ਲਿਆ। ਦੋਵਾਂ ਕੋਲੋਂ ਹੋਰ ਡੂੰਘਾਈ ਨਾਲ ਪੁੱਛਗਿੱਛ ਕੀਤੀ ਜਾ ਰਹੀ ਹੈ।
