ਫਤਹਿਗੜ੍ਹ ਚੂੜੀਆਂ ਦੇ ਪ੍ਰਰਾਈਵੇਟ ਹਸਪਤਾਲ ਖਾਸਲਾ ਕੇਅਰ ਦੀ ਡੈੱਡ ਬਾਡੀ ਛੱਡ ਕੇ ਵਾਪਸ ਆ ਰਹੀ ਐਂਬੂਲੈਂਸ ਵੈਨ ਨੂੰ ਚੰਦੂਸੂਜਾ ਨਹਿਰ ਦੇ ਪੁਲ ਉਪਰ ਕੁਝ ਮੋਟਰਸਾਈਕਲ ਸਵਾਰਾਂ ਤੇ ਕਾਰ ਸਵਾਰਾਂ ਨੇ ਲੁੱਟਣ ਦੀ ਅਸਫਲ ਕੋਸ਼ਿਸ਼ ਕੀਤੇ ਜਾਣ ਅਤੇ ਵੈਨ ਦੇ ਨਹਿਰ ਵਿਚ ਡਿੱਗਣ ‘ਤੇ 2 ਵਿਅਕਤੀਆਂ ਦੇ ਜ਼ਖ਼ਮੀ ਹੋਣ ਦੀ ਖਬਰ ਹੈ। ਇਸ ਸਬੰਧੀ ਹਸਪਤਾਲ ਦੇ ਮਾਲਕ ਅਮਰਿੰਦਰ ਸਿੰਘ ਖਾਲਸਾ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਉਨਾਂ ਦੇ ਹਸਪਤਾਲ ਪਿੰਡ ਕੋਟਲੀ ਦਾ ਇੱਕ ਵਿਅਕਤੀ ਸੀਰੀਅਸ ਹਾਲਤ ਵਿਚ ਆਇਆ ਸੀ, ਜਿਸ ਦੀ ਸਮੇਂ ਮੌਤ ਹੋ ਗਈ ਸੀ ਅਤੇ ਉਨਾਂ੍ਹ ਦੀ ਐਂਬੂਲੈਂਸ ਮਿ}ਕ ਵਿਅਕਤੀ ਨੂੰ ਛੱਡ ਕੇ ਫਤਹਿਗੜ੍ਹ ਚੂੜੀਆਂ ਵਾਪਸ ਆ ਰਹੀ ਸੀ ਅਤੇ ਜਦ ਰਸਤੇ ‘ਚ ਚੰਦੂਸੂਜਾ ਨਹਿਰ ਦੇ ਪੁਲ ਉਪਰ ਆਏ ਤਾਂ ਕੁੱਝ ਮੋਟਰਸਾਈਕਲ ਸਵਾਰਾਂ ਅਤੇ ਸਿਫਟ ਕਾਰ ਸਵਾਰਾਂ ਨੇ ਵੈਨ ਨੂੰ ਜਸਰਦਸਤੀ ਰੋਕਣ ਦੀ ਕੋਸ਼ਿਸ਼ ਕੀਤੀ ਗਈ ਤਾਂ ਉਨਾਂ੍ਹ ਦੀ ਵੈਨ ਪੁਲ ਤੋਂ ਹੇਠਾਂ ਡਿਗ ਪਈ, ਜਿਸ ਨਾਲ ਵੈਨ ‘ਚ ਸਵਾਰ ਦੌ ਮੁਲਾਜਮ ਜਖਮੀ ਹੋ ਗਏ।
ਇਸ ਸਬੰਧੀ ਜਦ ਫਤਹਿਗੜ੍ਹ ਚੂੜੀਆਂ ਦੇ ਐੱਸਐੱਚਓ ਜਸਵਿੰਦਰ ਸਿੰਘ ਨਾਲ ਗੱਲਬਾਤ ਕੀਤੀ ਤਾਂ ਉਨਾਂ੍ਹ ਕਿਹਾ ਕਿ ਮਾਮਲਾ ਉਨਾਂ੍ਹ ਦੇ ਧਿਆਨ ਵਿਚ ਨਹੀਂ ਹੈ ਅਤੇ ਇਸ ਸਬੰਧੀ ਸਬੰਧਤ ਪੁਲਿਸ ਚੌਂਕੀ ਕਾਲਾ ਅਫਗਾਨਾ ਦੇ ਇੰਚਾਰਜ਼ ਕੋਲੋਂ ਜਾਣਕਾਰੀ ਲੈਣਗੇ ਅਤੇ ਅਗਰ ਕੋਈ ਵੀ ਵਿਅਕਤੀ ਇਸ ਕਾਰਵਾਈ ਲਈ ਜਿੰਮੇਵਾਰ ਪਾਇਆ ਗਿਆ ਤਾਂ ਉਸ ਵਿਰੁੱਧ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ।
