15 ਅਕਤੂਬਰ ਨੂੰ ਪੰਜਾਬ ਬੰਦ! ਪਰਵਿੰਦਰ ਸਿੰਘ ਝੋਟੇ ਦੇ ਕਤਲ ਮਗਰੋਂ ਪਰਿਵਾਰ ਨੇ ਕਰ”ਤਾ ਐਲਾਨ
ਜਲੰਧਰ: ਕਦੇ ਆਪਣੀ ਉਚਾਈ ਨੂੰ ਲੈ ਕੇ ਦੁਨੀਆ ਦੇ ਨਕਸ਼ੇ ’ਤੇ ਜਲੰਧਰ ਦਾ ਨਾਂ ਦਰਜ ਕਰਵਾਉਣ ਵਾਲਾ ਟੀਵੀ ਟਾਵਰ ਹੁਣ ਦੂਰਦਰਸ਼ਨ ਦੇ ਪ੍ਰੋਗਰਾਮ ਪ੍ਰਸਾਰਿਤ ਨਹੀਂ ਕਰੇਗਾ। ਟਾਵਰ ਦੀ ਪਛਾਣ ਹੀ ਟੀਵੀ ਦੇ ਨਾਂ ਨਾਲ ਪ੍ਰਸਿੱਧ ਹੋਈ ਸੀ ਪਰ ਲਗਪਗ 43 ਸਾਲ ਦੀ ਸੇਵਾ ਤੋਂ ਬਾਅਦ 31 ਅਕਤੂਬਰ ਤੋਂ ਟੀਵੀ ਟਾਵਰ ਦੀਆਂ ਦੂਰਦਰਸ਼ਨ ਦੇ ਪ੍ਰੋਗਰਾਮ ਪ੍ਰਸਾਰਿਤ ਕਰਨ ਦੀਆਂ ਸੇਵਾਵਾਂ ਨੂੰ ਸਮਾਪਤ ਕਰ ਦਿੱਤਾ ਗਿਆ ਹੈ। ਜਲੰਧਰ ਦਾ ਟੀਵੀ ਟਾਵਰ ਲਗਪਗ 100 ਕਿਲੋਮੀਟਰ ਦੇ ਦਾਇਰੇ ਵਿਚ (ਓਪਨੀ ਡਾਇਰੈਕਸ਼ਨ) ’ਚ ਦੂਰਦਰਸ਼ਨ ਦੇ ਪ੍ਰੋਗਰਾਮ ਪ੍ਰਸਾਰਿਤ ਕਰਦਾ ਸੀ। ਟੀਵੀ ਟਾਵਰ ਵੱਲੋਂ ਪ੍ਰਸਾਰਣ ਦੀਆਂ ਸੇਵਾਵਾਂ ਨੂੰ ਸਮਾਪਤ ਕਰਨ ਲਈ ਕਾਰਨ ਸਿਰਫ ਉੱਨਤ ਹੁੰਦੀ ਡਿਜੀਟਲ ਤਕਨੀਕ ਬਣੀ ਹੈ। ਹੁਣ ਡਿਸ਼ ਟੀਵੀ ਅਤੇ ਵੱਖ-ਵੱਖ ਐਪਸ ਜ਼ਰੀਏ ਦੂਰਦਰਸ਼ਨ ਦੇ ਪ੍ਰੋਗਰਾਮ ਲੋਕਾਂ ਤਕ ਪਹੁੰਚ ਰਹੇ ਹਨ। ਇਸ ਕਾਰਨ ਟੀਵੀ ਟਾਵਰ ਤੋਂ ਦੂਰਦਰਸ਼ਨ ਦੇ ਪ੍ਰੋਗਰਾਮ ਪ੍ਰਸਾਰਿਤ ਕਰਨ ਦੀ ਕੋਈ ਲੋਡ਼ ਬਾਕੀ ਹੀ ਨਹੀਂ ਬਚੀ ਹੈ।
ਜ਼ਿਕਰਯੋਗ ਹੈ ਕਿ ਟੀਵੀ ਟਾਵਰ ਇੰਨਾ ਪ੍ਰਸਿੱਧ ਹੈ ਕਿ ਆਸ-ਪਾਸ ਦੀਆਂ ਕੁਝ ਕਾਲੋਨੀਆਂ ਦੇ ਨਾਂ ਤਕ ਵੀ ਟਾਵਰ ਦੇ ਨਾਲ ਜੋਡ਼ ਕੇ ਰੱਖ ਗਏ ਹਨ। ਕੁਝ ਕਮਰਸ਼ੀਅਲ ਇਮਾਰਤਾਂ ਵੀ ਟਾਵਰ ਦੇ ਨਾਂ ਨਾਲ ਜਾਣੀਆਂ ਜਾਂਦੀਆਂ ਹਨ।
ਨਕੋਦਰ ਰੋਡ ’ਤੇ ਸਥਿਤ ਪਿੰਡ ਖਾਂਬਡ਼ਾ ਨੇਡ਼ੇ ਟੀਵੀ ਟਾਵਰ ਦਾ ਨਿਰਮਾਣ 1975 ’ਚ ਸ਼ੁਰੂ ਕੀਤਾ ਗਿਆ ਸੀ ਅਤੇ ਸਾਲ 1979 ’ਚ ਟਾਵਰ ਪ੍ਰੋਗਰਾਮ ਪ੍ਰਸਾਰਿਤ ਕਰਨ ਲਈ ਬਣ ਕੇ ਤਿਆਰ ਹੋ ਗਿਆ ਸੀ। ਜਲੰਧਰ ਟੀਵੀ ਟਾਵਰ ਦੀ ਉਚਾਈ 800 ਫੁੱਟ ਜਾਂ 225 ਮੀਟਰ ਦੇ ਲਗਪਗ ਹੈ। ਟਾਵਰ ਤੋਂ ਦੂਰਦਰਸ਼ਨ ਦੇ ਪ੍ਰੋਗਰਾਮ ਦਾ ਪ੍ਰਸਾਰਣ ਬੰਦ ਕੀਤੇ ਜਾਣ ਦੀ ਪੁਸ਼ਟੀ ਜਲੰਧਰ ਕੇਂਦਰ ਜਲੰਧਰ ਦੇ ਮੁਖੀ ਆਰਕੇ ਜਾਰੰਗਲ ਨੇ ਵੀ ਕੀਤੀ ਹੈ।
