ਨਡਾਲਾ ‘ਚ ਜੰਗਲੀ ਸਾਂਬਰ ਨੇ ਮਚਾਇਆ ਹੜਕੰਪ, ਗੱਡੀ ਦਾ ਕੀਤਾ ਨੁਕਸਾਨ, ਵਾਲ-ਵਾਲ ਬਚੇ ਯਾਤਰੀ

ਨਡਾਲਾ : ਇਥੇ ਨਡਾਲਾ ਵਿਖੇ ਦਿਨ ਚੜੵਦਿਆਂ ਹੀ ਜੰਗਲਾਂ ‘ਚੋਂ ਭਟਕਦਾ ਜੰਗਲੀ ਸਾਂਬਰ ਆ ਗਿਆ ਜਿਸ ਨਾਲ ਆਮ ਲੋਕਾਂ ‘ਚ ਸਹਿਮ ਦਾ ਮਾਹੌਲ ਸੀ। ਲੋਕਾ ਨੇ ਦੱਸਿਆ ਕਿ ਇਹ ਜੰਗਲੀ ਸਾਂਬਰ ਡਰਦਾ ਕਦੀ ਕਿਸੇ ਦੁਕਾਨ ‘ਚ ਜਾ ਵੜਦਾ ਤੇ ਕਦੀ ਕਿਤੇ। ਆਖਿਰ ਇਹ ਜੰਗਲੀ ਸਾਂਬਰ ਨਡਾਲਾ -ਸੁਭਾਨਪੁਰ ਰੋਡ ਸਥਿੱਤ ਪੈਟਰੋਲ ਪੰਪ ਸਾਹਮਣੇ ਇਕ ਮੋਟਰਸਾਈਕਲ ਏਜੰਸੀ ਦੇ ਅੱਗੇ ਬਣੇ 50 ਮੀੇਟਰ ਲੰਮੇ ਤੰਗ ਨੁਮਾ ਬੰਦ ਗੰਦੇ ਨਾਲੇ ਚ ਜਾ ਫਸਿਆ। ਉੱਥੇ ਤਕਰੀਬਨ 3 ਤੋਂ 4 ਘੰਟੇ ਫਸਿਆ ਰਿਹਾ ਜਿਸ ਦੀ ਪੱਕੀ ਸੂਚਨਾ ਸਵੇਰੇ ਸਵੇਰੇ ਉਸ ਏਰੀਏ ‘ਚ ਚਾਹ ਵੇਚਦੇ ਵਿਆਕਤੀ ਨੇ ਦਿੱਤੀ। ਇਸ ਦੌਰਾਨ ਪੱਤਰਕਾਰਾਂ ਦੀ ਟੀਮ ਮੌਕੇ ‘ਤੇ ਪੁੱਜੀ ਤੇ ਸਥਾਨਕ ਪੁਲਿਸ ਨੂੰ ਇਸ ਸਬੰਧੀ ਜਾਣਕਾਰੀ ਦਿੱਤੀ।

ਇਸ ਦੌਰਾਨ ਏਅੇੈਸਆਈ ਹਰਜਿੰਦਰ ਸਿੰਘ ਵੀ ਪੁਲਿਸ ਪਾਰਟੀ ਸਣੇ ਮੋਕੇ ਤੇ ਪੁਜੇ ਤੇ ਜੰਗਲਾਤ ਵਿਭਾਗ ਨੂੰ ਸੂਚਿਤ ਕੀਤਾ ਇਸ ਦੌਰਾਨ ਸਾਂਬਰ ਨੂੰ ਉੱਥੋਂ ਕਢਣ ਲਈ ਨਾਲੇ ‘ਤੇ ਪਈਆਂ ਸੇੈਲਫਾ ਹਟਾਉਣ ਦਾ ਕੰਮ ਸ਼ੁਰੂ ਕੀਤਾ। ਸਾਂਬਰ ਦਾ ਸਰੀਰ ਇੰਨਾ ਤਕੜਾ ਸੀ ਕਿ ਉਹ ਤੰਗਨੁਮਾ ਨਾਲੇ ‘ਚ ਘੁੰਮ ਨਹੀਂ ਸੀ ਸਕਦਾ, ਸਿਰਫ ਸਿੱਧੇ ਜਾ ਸਕਦਾ ਸੀ। ਇਸ ਦੌਰਾਨ ਸਥਾਨਕ ਪੁਲਿਸ ਦੀ ਮਦਦ ਨਾਲ ਜਦ ਨਾਲੇ ‘ਤੇ ਪਈਆਂ ਸ਼ੈਲਫਾਂ ਹਟਾਈਆਂ ਗਈਆਂ ਤਾਂ ਸਾਂਬਰ ਦੀ ਝਲਕ ਨਾਲ ਵਿੱਚ ਦੇਖਣ ਨੂੰ ਮਿਲੀ, ਉਹ ਡਰਿਆ ਤੇ ਥੱਕਿਆ ਹੋਇਆ ਸੀ ਤੇ ਸ਼ਾਂਤ ਖੜ੍ਹਾਂ ਸੀ। ਇਸ ਸਭ ਦੇ ਵਿਚਾਲੇ 1 ਘੰਟਾ ਬੀਤ ਚੁੱਕਾ ਸੀ ਪਰ ਜੰਗਲਾਤ ਮਹਿਕਮੇ ਦਾ ਕੋਈ ਵੀ ਅਧਿਕਾਰੀ ਪੁਲਿਸ ਵੱਲੋਂ ਸੂਚਨਾ ਦੇਣ ਦੇ ਬਾਵਜੂਦ ਉੱਥੇ ਕੋਈ ਵੀ ਨਾ ਪੁੱਜਾ। ਸਮਾਂ ਬੀਤਦਾ ਗਿਆ ਤੇ ਸਾਂਬਰ ਨਾਲੇ ਉਪਰੋਂ ਹਟਾਈਆਂ ਸ਼ੈਲਫ਼ਾਂ ਤੋਂ ਬਣੇ ਰਸਤੇ ਵੱਲ ਦੀ ਮੌਕਾ ਦੇਖ ਉਥੋ ਭੱਜ ਨਿਕਲਿਆਂ ਤੇ ਨੇੜਲੀਆਂ ਦੁਕਾਨਾਂ ਵੱਲ ਗਿਆ।