ਜਲੰਧਰ : ਸ੍ਰੀ ਗੁਰੂ ਰਵਿਦਾਸ ਜੀ ਦੇ ਪ੍ਰਕਾਸ਼ ਪੁਰਬ ਮੌਕੇ ਸ਼ਰਧਾਲੂਆਂ ਦੀ ਸਹੂਲਤ ਦੇ ਮੱਦੇਨਜ਼ਰ ਜਲੰਧਰ ਤੋਂ ਦੋ ਫਰਵਰੀ ਨੂੰ ਦੋ ਵਿਸ਼ੇਸ਼ ਰੇਲਾਂ ਵਾਰਾਣਸੀ ਲਈ ਰਵਾਨਾ ਕੀਤੀਆਂ ਜਾਣਗੀਆਂ। ਉੱਤਰੀ ਰੇਲਵੇ ਦੇ ਮੁੱਖ ਲੋਕ ਸੰਪਰਕ ਅਧਿਕਾਰੀ ਦੀਪਕ ਕੁਮਾਰ ਮੁਤਾਬਕ ਰੇਲ ਨੰਬਰ 04606 ਜਲੰਧਰ ਸਿਟੀ-ਵਾਰਾਣਸੀ-ਜਲੰਧਰ ਸਿਟੀ ਦੋ ਫਰਵਰੀ ਨੂੰ ਜਲੰਧਰ ਸਿਟੀ ਰੇਲਵੇ ਸਟੇਸ਼ਨ ਤੋਂ ਦੁਪਹਿਰ 3.15 ’ਤੇ ਰਵਾਨਾ ਹੋ ਕੇ ਅਗਲੇ ਦਿਨ ਦੁਪਹਿਰ 1.10 ’ਤੇ ਵਾਰਾਣਸੀ ਪਹੁੰਚੇਗੀ। ਵਾਪਸੀ ’ਚ ਰੇਲ ਨੰਬਰ 04605 ਵਾਰਾਣਸੀ-ਜਲੰਧਰ ਸਿਟੀ ਸਪੈਸ਼ਲ ਛੇ ਫਰਵਰੀ ਨੂੰ ਸ਼ਾਮ 6.15 ’ਤੇ ਰਵਾਨਾ ਹੋ ਕੇ ਅਗਲੇ ਦਿਨ ਦੁਪਹਿਰ 1.35 ’ਤੇ ਜਲੰਧਰ ਪਹੁੰਚੇਗੀ। ਦੋਵੇਂ ਦਿਸ਼ਾਵਾਂ ’ਚ ਰੇਲਾਂ ਲੁਧਿਆਣਾ, ਅੰਬਾਲਾ ਕੈਂਟ, ਸਹਾਰਨਪੁਰ, ਮੁਰਾਦਾਬਾਦ, ਆਲਮ ਨਗਰ ਤੇ ਲਖਨਊ ਸਟੇਸ਼ਨਾਂ ’ਤੇ ਰੁਕਣਗੀਆਂ। ਜਲੰਧਰ ਕੈਂਟ ਤੋਂ ਵੀ ਦੋ ਫਰਵਰੀ ਨੂੰ ਹੀ ਉਕਤ ਸਮਾਂ ਸਾਰਨੀ ਮੁਤਾਬਕ ਵਾਰਾਣਸੀ ਲਈ ਰੇਲ ਰਵਾਨਾ ਹੋਵੇਗੀ।
