ਸ੍ਰੀ ਹੇਮਕੁੰਟ ਸਾਹਿਬ ਯਾਤਰਾ:ਫ਼ੌਜ ਵਲੋਂ 20 ਅਪ੍ਰੈਲ ਤੋਂ ਸ਼ੁਰੂ ਕੀਤਾ ਜਾਵੇਗਾ ਬਰਫ਼ ਹਟਾਉਣ ਅਤੇ ਮਾਰਗ ਸਾਫ਼ ਕਰਨ ਦਾ ਕੰਮ

ਦੇਹਰਾਦੂਨ, -ਸ੍ਰੀ ਹੇਮਕੁੰਟ ਸਾਹਿਬ ਦੀ ਯਾਤਰਾ ਇਸ ਸਾਲ 20 ਮਈ ਤੋਂ ਸ਼ੁਰੂ ਹੋਣ ਜਾ ਰਹੀ ਹੈ। ਹਰ ਸਾਲ ਇਸ ਮਾਰਗ ਤੋਂ ਬਰਫ਼ ਹਟਾਉਣ ਦਾ ਕੰਮ ਭਾਰੀ ਫ਼ੌਜ ਦੇ ਜਵਾਨ ਹੀ ਕਰਦੇ ਹਨ। ਬ੍ਰਿਗੇਡ ਕਮਾਂਡਰ ਬ੍ਰਿਗੇਡੀਅਰ ਅਮਨ ਆਨੰਦ, ਆਫ਼ੀਸਰ ਕਮਾਂਡਰ ਕਰਨਲ ਸੁਨੀਲ ਯਾਦਵ ਦੀ ਦੇਖਰੇਖ ਵਿਚ ਕੈਪਟਨ ਮਾਨਿਕ ਸ਼ਰਮਾ, ਸੂਬੇਦਾਰ ਮੇਜਰ ਨੇਕ ਚੰਦ ਅਤੇ ਹਵਲਦਾਰ ਹਰਸੇਵਕ ਸਿੰਘ ਪੈਦਲ ਯਾਤਰਾ ਮਾਰਗ ਅਤੇ ਬਰਫ਼ ਦੀ ਸਥਿਤੀ ਜਾਣਨ ਲਈ ਸ੍ਰੀ ਹੇਮਕੁੰਟ ਸਾਹਿਬ ਗਏ। ਮੌਸਮ ਨੂੰ ਦੇਖਦੇ ਹੋਏ ਫ਼ੌਜ ਦੇ ਜਵਾਨਾਂ ਨੇ ਭਰੋਸਾ ਦਿੱਤਾ ਹੈ ਕਿ ਫ਼ੌਜ ਵਲੋਂ 20 ਅਪ੍ਰੈਲ ਤੋਂ ਬਰਫ਼ ਹਟਾਉਣ ਅਤੇ ਮਾਰਗ ਸਾਫ਼ ਕਰਨ ਦਾ ਕੰਮ ਸ਼ੁਰੂ ਕੀਤਾ ਜਾਵੇਗਾ। 20 ਮਈ ਤੋਂ ਸ਼ੁਰੂ ਹੋਣ ਵਾਲੀ ਯਾਤਰਾ ਕਿਸੇ ਪ੍ਰਕਾਸ਼ ਦੀ ਰੁਕਾਵਟ ਨਹੀਂ ਆਉਣ ਦਿੱਤੀ ਜਾਵੇਗੀ।