PSEB 10th Jalandhar Merit List 2023 : 10ਵੀਂ ਦੀ ਮੈਰਿਟ ‘ਚ 19 ਵਿਚੋਂ 17 ਕੁੜੀਆਂ, ਪਾਸ ਫੀਸਦ ‘ਚ ਜਲੰਧਰ ਸੂਬੇ ‘ਚੋਂ 18ਵੇਂ ਨੰਬਰ ‘ਤੇ

ਜਲੰਧਰ : ਸ਼ੁੱਕਰਵਾਰ ਨੂੰ ਪੰਜਾਬ ਸਕੂਲ ਸਿੱਖਿਆ ਬੋਰਡ (PSEB) ਨੇ 10ਵੀਂ ਜਮਾਤ ਦੀ ਮੈਰਿਟ ਦਾ ਨਤੀਜਾ ਜਾਰੀ ਕੀਤਾ। ਇਸ ਵਿਚ ਜਲੰਧਰ ਦੇ 19 ਵਿਦਿਆਰਥੀਆਂ ਨੇ ਮੈਰਿਟ ਹਾਸਲ ਕੀਤੀ ਹੈ ਜਿਸ ਵਿਚ 17 ਲੜਕੀਆਂ ਤੇ 2 ਲੜਕੇ ਸ਼ਾਮਲ ਹਨ।

ਇਸ ਵਾਰ ਜ਼ਿਲ੍ਹੇ ਦੇ 20448 ਵਿਦਿਆਰਥੀ ਪ੍ਰੀਖਿਆ ਵਿੱਚ ਬੈਠੇ ਸਨ, ਜਿਨ੍ਹਾਂ ਵਿੱਚੋਂ 19819 ਵਿਦਿਆਰਥੀ ਪੂਰੀ ਤਰ੍ਹਾਂ ਪਾਸ ਹੋਏ। ਜ਼ਿਲ੍ਹੇ ਦੀ ਸਮੁੱਚੀ ਪਾਸ ਪ੍ਰਤੀਸ਼ਤਤਾ 96.92 ਪ੍ਰਤੀਸ਼ਤ ਰਿਹਾ ਤੇ ਸੂਬੇ ਦੀ ਪਾਸ ਪ੍ਰਤੀਸ਼ਤਤਾ ਸੂਚੀ ਵਿੱਚ 18ਵੇਂ ਸਥਾਨ ‘ਤੇ ਹੈ, ਯਾਨੀ ਪਿਛਲੇ ਸਾਲ ਇਹ 10ਵੇਂ ਸਥਾਨ ‘ਤੇ ਸੀ। .ਯਾਨੀ ਇਸ ਵਾਰ ਜਲੰਧਰ ਆਪਣੀ ਰੈਂਕਿੰਗ ਤੋਂ ਅੱਠ ਸਥਾਨ ਹੇਠਾਂ ਖਿਸਕ ਗਿਆ ਹੈ।

ਗੁਰੂ ਨਾਨਕ ਪਬਲਿਕ ਸਕੂਲ ਪ੍ਰੀਤ ਨਗਰ ਦੀ ਮਨਪ੍ਰੀਤ ਕੌਰ ਨੇ 650 ਵਿੱਚੋਂ 641 ਅੰਕ ਤੇ 98.62 ਪਾਸ ਪ੍ਰਤੀਸ਼ਤਤਾ ਪ੍ਰਾਪਤ ਕਰਕੇ ਸੂਬੇ ਭਰ ਵਿੱਚੋਂ ਸੱਤਵਾਂ ਤੇ ਜ਼ਿਲ੍ਹੇ ‘ਚੋਂ ਪਹਿਲਾ, ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਰੰਧਾਵਾ ਮਸੰਦਾ ਦੀ ਖਵਾਇਸ਼ ਤੇ ਟੈਗੋਰ ਮਾਡਲ ਸੀਨੀਅਰ ਸੈਕੰਡਰੀ ਸਕੂਲ ਨਕੋਦਰ ਦੀ ਜੈਸਮੀਨ ਨੇ 640 ਅੰਕ ਤੇ 98.46 ਫ਼ੀਸਦ ਨਾਲ ਸੂਬੇ ‘ਚੋਂ ਅੱਠਵਾਂ ਤੇ ਜ਼ਿਲ੍ਹੇ ਵਿਚੋਂ ਦੂਜਾ, ਟੈਗੋਰ ਮਾਡਲ ਸਕੂਲ ਨਕੋਦਰ ਦੀ ਹੀ ਜਸਦੀਪ ਕੌਰ, ਐੱਸਪੀ ਪ੍ਰਾਈਮ ਸੀਨੀਅਰ ਸੈਕੰਡਰੀ ਸਕੂਲ ਦਿਓਲ ਨਗਰ ਦੀ ਤਨਵੀ ਨੇ 939 ਅੰਕ ਤੇ 98.31 ਫ਼ੀਸਦ ਨਾਲ ਤੀਜਾ ਸਥਾਨ, ਟੈਗੋਰ ਮਾਡਲ ਸਕੂਲ ਨਕੋਦਰ ਦੀ ਨਵਜੀਤ ਕੌਰ ਨੇ 638 ਅੰਕ ਤੇ 98.15 ਫ਼ੀਸਦ ਨਾਲ ਸੂਬੇ ‘ਚੋਂ 10ਵਾਂ ਤੇ ਜ਼ਿਲ੍ਹੇ ਵਿਚੋਂ ਚੌਥਾ, ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਰੰਧਾਵਾ ਮਸੰਦਾ ਦੀ ਪਿੰਕੀ, ਐੱਸਡੀ ਪਬਲਿਕ ਸੀਨੀਅਰ ਸੈਕੰਡਰੀ ਸਕੂਲ ਅਪਰਾ ਦੀ ਸਿਮਰਨਜੀਤ ਕੌਰ, ਸੇਂਟ ਭ੍ਰਿਗੂ ਪਬਲਿਕ ਸਕੂਲ ਲਾਂਬੜਾ ਦੀ ਹਰਮਨ ਤੇ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਹਜ਼ਾਰਾ ਦੇ ਸ਼ਿਵਨ ਕੰਡਾ ਨੇ 637 ਅੰਕ ਅਤੇ 98 ਫ਼ੀਸਦ ਨਾਲ ਸੂਬੇ ‘ਚੋਂ 11ਵਾਂ ਤੇ ਜ਼ਿਲ੍ਹੇ ਵਿਚੋਂ ਪੰਜਵਾਂ, ਟੈਗੋਰ ਮਾਡਲ ਨਕੋਦਰ ਦੀ ਨਵਦੀਪ ਕੌਰ ਤੇ ਸਮਰਿਧੀ ਨੇ 635 ਅੰਕ ਅਤੇ 97.69 ਫ਼ੀਸਦ ਨਾਲ ਸੂਬੇ ‘ਚੋਂ 13ਵਾਂ ਤੇ ਜ਼ਿਲ੍ਹੇ ਵਿਚੋਂ ਛੇਵਾਂ, ਐੱਸ਼ਡੀ ਪਬਲਿਕ ਸੂਕਲ ਸ਼ੰਕਰ ਤੋਂ ਜਸਪ੍ਰੀਤ ਕੌਰ ਨੇ 634 ਅੰਕ ਤੇ 97.54 ਫ਼ੀਸਦ ਨਾਲ ਸੂਬੇ ‘ਚੋਂ 14ਵਾਂ ਤੇ ਜ਼ਿਲ੍ਹੇ ਵਿਚੋਂ 7ਵਾਂ, ਗੋਬਿੰਦ ਸਰਵਰ ਸੀਨੀਅਰ ਸੈਕੰਡਰੀ ਸਕੂਲ ਬੁਲੰਦਪੁਰੀ ਦੀ ਗੁਰਲੀਨ ਕੌਰ ਮਾਨ, ਗੁਰਜੀਤ ਜੱਸਲ ਨੇ 633 ਅੰਕ ਅਤੇ 97.38 ਫ਼ੀਸਦ ਨਾਲ ਸੂਬੋਂ ਵਿਚੋਂ 15ਵਾਂ ਤੇ ਜ਼ਿਲ੍ਹੇ ਵਿਚੋਂ 8ਵਾਂ, ਸੇਂਟ ਬ੍ਰਿਗੂ ਪਬਲਿਕ ਸਕੂਲ ਲਾਂਬੜਾ ਦੀ ਹਰਮਨਜੀਤ ਕੌਰ ਨੇ 632 ਅੰਕ ਤੇ 97.27 ਫ਼ੀਸਦ ਨਾਲ ਸੂਬੇ ਵਿਚੋਂ 16ਵਾਂ ਤੇ ਜ਼ਿਲ੍ਹੇ ਵਿਚੋਂ 9ਵਾਂ, ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਚੀਮਾ ਕਲਾਂ ਚੀਮਾ ਖੁਰਦ ਦੀ ਸੰਚਨਾ ਤੇ ਦੋਆਬਾ ਖਾਲਸਾ ਮਾਡਲ ਲਾਡੋਵਾਲੀ ਰੋਡ ਦੀ ਜਸਅੰਮ੍ਰਿਤ ਕੌਰ ਨੇ 631 ਅੰਕ ਤੇ 97.08 ਫ਼ੀਸਦ ਨਾਲ ਸੂਬੇ ‘ਚੋਂ 17ਵਾਂ ਤੇ ਜ਼ਿਲ੍ਹੇ ਵਿਚੋਂ 10ਵਾਂ ਸਥਾਨ ਹਾਸਲ ਕੀਤਾ ਹੈ।