ਵੱਡੀ ਖ਼ਬਰ ; ਪੁਲਸ ਨੇ ਹਿਰਾਸਤ ‘ਚ ਲਿਆ ਸੁਖਬੀਰ ਬਾਦਲ ‘ਤੇ ਹਮਲਾ ਕਰਨ ਵਾਲਾ ਹਮਲਾਵਰ
ਫਿਲੌਰ : ਐਡਵਾਂਸ ਲਏ ਪੈਸੇ ਵਾਪਸ ਨਾ ਮੋੜਨ ’ਤੇ ਫਿਲੌਰ ਦੇ ਪਿੰਡ ਛੋਟੀ ਪਾਲ ਨੌ ਦੇ ਪੰਚ ਨੇ ਆਪਣੇ ਕੋਲ ਕੰਮ ਕਰਨ ਵਾਲੇ ਇਕ ਨਾਬਾਲਿਗ ਮਜ਼ਦੂਰ ਨੂੰ ਪਿੰਡ ਪਾਲਕਦੀਮ ’ਚ ਦਰੱਖ਼ਤ ਨਾਲ ਉਲਟਾ ਲਟਕਾ ਦਿੱਤਾ। ਪੰਚ ਮਨਵੀਰ ਨੇ ਬਿਹਾਰ ’ਚ ਰਹਿ ਰਹੇ ਮਜ਼ਦੂਰ ਮਿਥੀਲੇਸ਼ ਦੇ ਪਰਿਵਾਰ ਵਾਲਿਆਂ ਨੂੰ ਵੀਡੀਓ ਕਾਲ ਕਰ ਕੇ ਉਸ ਨੂੰ ਦਿਖਾਇਆ। ਉਸਨੇ ਉਨ੍ਹਾਂ ਨੂੰ 35 ਹਜ਼ਾਰ ਰੁਪਏ ਦੇਣ ਲਈ ਕਿਹਾ ਤੇ ਨਾ ਦੇਣ ’ਤੇ ਮਿਥੀਲੇਸ਼ ਨੂੰ ਮਾਰਨ ਦੀ ਧਮਕੀ ਦਿੱਤੀ। ਪਰਿਵਾਰ ਵਾਲਿਆਂ ਨੇ ਪੈਸੇ ਦਾ ਇੰਤਜ਼ਾਮ ਕੀਤਾ ਤੇ ਮਨਵੀਰ ਦੇ ਖਾਤੇ ’ਚ ਪਾ ਦਿੱਤੇ। ਕਈ ਘੰਟੇ ਤਕ ਉਲਟਾ ਲਟਕੇ ਰਹੇ ਮਿਥੀਲੇਸ਼ ਦੀ ਹਾਲਤ ਵਿਗੜੀ ਤਾਂ ਮਨਵੀਰ ਨੇ ਉਸ ਨੂੰ ਉਤਾਰ ਕੇ ਕਿਸੇ ਅਣਪਛਾਤੀ ਥਾਂ ’ਤੇ ਲੁਕਾ ਦਿੱਤਾ। ਘਟਨਾ 14 ਜੁਲਾਈ ਦੀ ਹੈ। ਇਹ ਵੀਡੀਓ ਵਾਇਰਲ ਹੋ ਗਿਆ, ਜਿਸ ਤੋਂ ਬਾਅਦ ਫਿਲੌਰ ਥਾਣੇ ਦੇ ਇੰਚਾਰਜ ਹਰਜਿੰਦਰ ਸਿੰਘ ਨੇ ਐਤਵਾਰ ਨੂੰ ਕੇਸ ਦਰਜ ਕਰ ਕੇ ਮਨਵੀਰ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਮਨਵੀਰ ਨਾਲ ਵੀਡੀਓ ’ਚ ਨਜ਼ਰ ਆ ਰਹੇ ਸਾਥੀਆਂ ਦੀ ਭਾਲ ਕੀਤੀ ਜਾ ਰਹੀ ਹੈ।
ਮਿਥੀਲੇਸ਼ ਮਨਵੀਰ ਕੋਲ ਖੇਤਾਂ ’ਚ ਕੰਮ ਕਰਦਾ ਸੀ। ਮਿਥੀਲੇਸ਼ ਨੇ ਆਪਣੇ ਪਰਿਵਾਰ ਵਾਲਿਆਂ ਨੂੰ ਭੇਜਣ ਲਈ ਮਨਵੀਰ ਤੋਂ 35 ਹਜ਼ਾਰ ਰੁਪਏ ਐਡਵਾਂਸ ਲਏ ਸਨ। ਉਹ 35 ਹਜ਼ਾਰ ਰੁਪਏ ਲੈ ਕੇ ਆਪਣੇ ਰਿਸ਼ਤੇਦਾਰ ਕੋਲ ਗਿਆ ਤੇ ਮਨਵੀਰ ਨੂੰ ਲੱਗਾ ਕਿ ਉਹ ਭੱਜ ਗਿਆ। ਮਿਥੀਲੇਸ਼ ਦੇ ਨਾ ਮਿਲਣ ’ਤੇ ਭੜਕੇ ਪੰਚ ਮਨਵੀਰ ਨੇ ਉਸਦੀ ਫੋਟੋ ਵ੍ਹਟਸਐਪ ਗਰੁੱਪਾਂ ’ਚ ਵਾਇਰਲ ਕਰ ਦਿੱਤੀ ਸੀ। ਉਸ ਨੂੰ ਕਿਤਿਓਂ ਜਾਣਕਾਰੀ ਮਿਲੀ ਕਿ ਮਿਥੀਲੇਸ਼ ਪਿੰਡ ਦੇ ਨੇੜੇ ਹੀ ਬੈਠਾ ਹੈ। ਇਸ ਤੋਂ ਬਾਅਦ ਮਨਵੀਰ ਨੇ ਸਾਥੀਆਂ ਨਾਲ ਨੂੰ ਅਗਵਾ ਕਰ ਲਿਆ। ਉਹ ਮਿਥੀਲੇਸ਼ ਨੂੰ ਚੁੱਕ ਕੇ ਪਾਲਕਦੀਮ ਲੈ ਗਏ। ਮਨਵੀਰ ਨੇ ਉੱਥੇ ਆਪਣੇ ਰਿਸ਼ਤੇਦਾਰ ਦੇ ਖੇਤਾਂ ’ਚ ਲਿਜਾ ਕੇ ਪਹਿਲਾਂ ਮਿਥੀਲੇਸ਼ ਦੀ ਕੁੱਟਮਾਰ ਕੀਤੀ ਤੇ ਫਿਰ ਉਸਦੇ ਪੈਰਾਂ ’ਚ ਰੱਸੀ ਬੰਨ੍ਹ ਕੇ ਦਰੱਖ਼ਤ ਨਾਲ ਉਲਟਾ ਲਟਕਾ ਦਿੱਤਾ। ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਪਿੰਡ ਦੇ ਸਮਾਜ ਸੇਵਕ ਅਮਰੀਕ ਸਿੰਘ ਜੱਜਾ ਨੇ ਇਸਦੀ ਸ਼ਿਕਾਇਤ ਮਨੁੱਖੀ ਅਧਿਕਾਰ ਕਮਿਸ਼ਨ ਕੋਲ ਕੀਤੀ। ਉੱਥੋਂ ਥਾਣਾ ਫਿਲੌਰ ਨੂੰ ਸੂਚਿਤ ਕੀਤਾ ਗਿਆ। ਮਿਥੀਲੇਸ਼ ਦੇ ਪਰਿਵਾਰ ਤੋਂ 35 ਹਜ਼ਾਰ ਵਸੂਲਣ ਤੋਂ ਬਾਅਦ ਮਨਵੀਰ ਨੇ ਇਸ ਵਾਰਦਾਤ ’ਚ ਸ਼ਾਮਲ ਆਪਣੇ ਸਾਰੇ ਦੋਸਤਾਂ ਨੂੰ ਸ਼ਰਾਬ ਪਾਰਟੀ ਦਿੱਤੀ। ਇਸ ਦੌਰਾਨ ਕਰੀਬ ਚਾਰ ਤੋਂ ਪੰਜ ਘੰਟੇ ਮਿਥੀਲੇਸ਼ ਦਰੱਖ਼ਤ ਨਾਲ ਉਲਟਾ ਲਟਕਿਆ ਰਿਹਾ। ਉਸਦੇ ਕੰਨ, ਨੱਕ ਤੇ ਅੱਖ ’ਚੋਂ ਖ਼ੂਨ ਆ ਗਿਆ ਸੀ, ਪਰ ਮੁਲਜ਼ਮਾਂ ਨੂੰ ਉਸ ’ਤੇ ਤਰਸ ਨਹੀਂ ਆਇਆ। ਜਦੋਂ ਉਹ ਬੇਹੋਸ਼ ਹੋ ਗਿਆ ਤਾਂ ਉਸ ਨੂੰ ਉਤਾਰ ਕੇ ਕਿਤੇ ਲੁਕਾ ਦਿੱਤਾ। ਥਾਣਾ ਇੰਚਾਰਜ ਹਰਜਿੰਦਰ ਸਿੰਘ ਨੇ ਦੱਸਿਆ ਕਿ ਮੁਲਜ਼ਮ ਕੋਲੋਂ ਨਾਬਾਲਿਗ ਬਾਰੇ ਪੁੱਛਗਿੱਛ ਕੀਤੀ ਜਾ ਰਹੀ ਹੈ। ਜਲਦੀ ਹੀ ਉਸ ਨੂੰ ਲੱਭ ਲਿਆ ਜਾਵੇਗਾ।
