ਜਲੰਧਰ : ਭਾਰੀ ਮੀਂਹ ਕਾਰਨ ਹੜ੍ਹ ਆਉਣ ਨਾਲ ਪੰਜਾਬ ਦਾ ਬਹੁਤ ਨੁਕਸਾਨ ਹੋ ਗਿਆ ਹੈ l ਜੇਕਰ ਮੁੱਖਮੰਤਰੀ ਨੇ ਵੇਲੇ ਸਿਰ ਢੁੱਕਵੇ ਕਦਮ ਚੁੱਕੇ ਹੁੰਦੇ ਤਾਂ ਪੰਜਾਬ ਨੂੰ ਇਸ ਨੁਕਸਾਨ ਤੋਂ ਬਚਾਇਆ ਜਾ ਸਕਦਾ ਸੀl ਇਨ੍ਹਾਂ ਗੱਲਾਂ ਦਾ ਜਿਕਰ ਅੱਜ ਨਿੱਜੀ ਹੋਟਲ ਵਿਖ਼ੇ ਪੱਤਰਕਾਰਾਂ ਨਾਲ ਗੱਲ ਕਰਦੇ ਹੋਏ ਭਾਜਪਾ ਦੇ ਸੂਬਾ ਪ੍ਰਧਾਨ ਸੁਨੀਲ ਜਾਖੜ ਨੇ ਕੀਤਾ l ਇਸ ਮੌਕੇ ਉਨ੍ਹਾਂ ਨਾਲ ਮਨੋਰੰਜਨ ਕਾਲੀਆਂ, ਸੁਸ਼ੀਲ ਸ਼ਰਮਾ, ਜੀਵਨ ਗੁਪਤਾ, ਰਾਕੇਸ਼ ਰਾਠੌਰ, ਰਾਜੇਸ਼ ਬਾਘਾ , ਅਨਿਲ ਸੱਚਰ, ਜੈਵੀਰ ਸ਼ੇਰਗਿੱਲ, ਕੇਡੀ ਭੰਡਾਰੀ, ਇੰਦਰ ਇਕਬਾਲ ਸਿੰਘ ਭਾਟੀਆ, ਸਰਬਜੀਤ ਮੱਕੜ, ਅਸ਼ੋਕ ਸਰੀਨ ਹਿੱਕੀ, ਤਰੁਣ ਕੁਮਾਰ, ਅਮਿਤ ਭਾਟੀਆ, ਪੁਸ਼ਪਿੰਦਰ ਸਿੰਘ ਹਾਜ਼ਰ ਸਨ l ਜਾਖੜ ਨੇ ਕਿਹਾ ਕਿ ਸੂਬਾ ਸਰਕਾਰ ਦੀ ਨਲਾਇਕੀ ਹੈ ਕਿ ਜਦੋਂ ਭਾਰੀ ਮੀਂਹ ਦਾ ਖਦਸ਼ਾ ਪਹਿਲਾ ਹੀ ਜਤਾਇਆ ਗਿਆ ਸੀ ਤਾਂ ਸਰਕਾਰ ਨੂੰ ਚਾਹੀਦਾ ਸੀ ਕਿ ਉਹ ਪੁਖਤਾ ਪ੍ਰਬੰਧ ਕਰਦੀ l ਜਾਖੜ ਨੇ ਕਿਹਾ ਕਿ ਮੁੱਖਮੰਤਰੀ ਮਾਨ ਕੇਜਰੀਵਾਲ ਨਾਲ ਵਿਅਸਤ ਹੋਣ ਕਰਕੇ ਰੀਵੀਓ ਮੀਟਿੰਗ ਨਹੀਂ ਕਰ ਸਕੇ l ਉਨ੍ਹਾਂ ਕਿਹਾ ਕਿ ਜੇਕਰ ਮੁੱਖ ਮੰਤਰੀ ਸਾਬ੍ਹ ਨੇ 4 ਜੁਲਾਈ ਨੂੰ ਰੀਵੀਓ ਮੀਟਿੰਗ ਕੀਤੀ ਹੁੰਦੀ ਤਾਂ ਪੰਜਾਬ ਦੇ ਲੋਕਾਂ ਦਾ ਇੰਨਾ ਨੁਕਸਾਨ ਨਾ ਹੁੰਦਾ l ਜਾਖੜ ਨੇ ਕਿਹਾ ਕਿ ਮੁੱਖ ਮੰਤਰੀ ਸਾਬ੍ਹ ਤਾਂ ਫੋਟੋ ਕਰਾਉਣ ‘ਚ ਰੁੱਝੇ ਰਹਿੰਦੇ ਹਨ l ਉਨ੍ਹਾਂ ਕਿਹਾ ਕਿ ਮੁੱਖ ਮੰਤਰੀ ਸਾਬ੍ਹ ਹੁਣ ਦੋ ਦਿਨ ਫਿਰ ਹੈਦਰਾਬਾਦ ‘ਚ ਵਿਅਸਤ ਰਹਿਣਗੇl ਜਾਖੜ ਨੇ ਕਿਹਾ ਕਿ ਪੰਜਾਬ ਦੀ ਇਸ ਔਖੀ ਘੜੀ ਵਿੱਚ ਭਾਜਪਾ ਹਰ ਮਦਦ ਲਈ ਤਿਆਰ ਹੈ l
