ਚੰਡੀਗੜ੍ਹ : ਮੈਚਬਾਕਸ ਸ਼ਾਟਸ ਪ੍ਰੋਡਕਸ਼ਨ ਹਾਊਸ ਮਸ਼ਹੂਰ ਗਾਇਕ ਸਿੱਧੂ ਮੂਸੇਵਾਲਾ ਦੀ ਜ਼ਿੰਦਗੀ ‘ਤੇ ਫਿਲਮ ਬਣਾਉਣ ਜਾ ਰਿਹਾ ਹੈ। ਉਸ ਨੇ ਮੂਸੇਵਾਲਾ ਦੇ ਜੀਵਨ ‘ਤੇ ਲਿਖੀ ਕਿਤਾਬ ਦੇ ਰਾਈਟਸ ਵੀ ਹਾਸਲ ਕਰ ਲਏ ਹਨ। ਕਿਤਾਬ ‘ਹੂ ਕਿਲਡ ਮੂਸੇਵਾਲਾ?’ ਨੂੰ ਫਿਲਮ ਦੇ ਰੂਪ ‘ਚ ਤਿਆਰ ਕੀਤਾ ਜਾਵੇਗਾ।
ਜੂਨ ‘ਚ ਪ੍ਰਕਾਸ਼ਿਤ ਕੀਤੀ ਗਈ ਸੀ ਕਿਤਾਬ
ਤੁਹਾਨੂੰ ਦੱਸ ਦੇਈਏ ਕਿ ਇਹ ਕਿਤਾਬ ਜੂਨ ‘ਚ ਪ੍ਰਕਾਸ਼ਿਤ ਕੀਤੀ ਗਈ ਸੀ। ਸ਼ੁਭਦੀਪ ਸਿੰਘ ਸਿੱਧੂ ਉਰਫ਼ ਸਿੱਧੂ ਮੂਸੇਵਾਲਾ ਦੇ ਜੀਵਨ ‘ਚ ਅਪਰਾਧ, ਪ੍ਰਸਿੱਧੀ ਤੇ ਦੁਖਾਂਤ ਦਾ ਲੂੰ-ਕੰਡੇ ਖੜ੍ਹੇ ਕਰ ਦੇਣ ਵਾਲਾ ਵੇਰਵੇ ਪੇਸ਼ ਕਰਦੀ ਹੈ। ਇਸ ਪੁਸਤਕ ਦੇ ਲੇਖਕ ਜੁਪਿੰਦਰਜੀਤ ਨੇ ਮੂਸੇਵਾਲਾ ਦੀ ਇਸ ਜੀਵਨ ਸ਼ੈਲੀ ਨੂੰ ਇਸੇ ਸਾਲ ਜੂਨ ਵਿੱਚ ਪ੍ਰਕਾਸ਼ਿਤ ਕੀਤਾ ਸੀ।
ਇਹ ਪੁਸਤਕ ਪੰਜਾਬ ‘ਚ ਨਸ਼ਿਆਂ ਦੇ ਮਾੜੇ ਪ੍ਰਭਾਵਾਂ ਤੇ ਗੈਂਗਸਟਰਾਂ ਦੇ ਵਧ ਰਹੇ ਦਬਦਬੇ ਕਾਰਨ ਪੈਦਾ ਹੋਈ ਹਿੰਸਾ ‘ਤੇ ਚਾਨਣਾ ਪਾਉਂਦੀ ਹੈ। ਇਸ ਵਿਚ ਦੱਸਿਆ ਗਿਆ ਹੈ ਕਿ ਕਿਵੇਂ ਉਦਯੋਗ ਦੇ ਹਨੇਰੇ ਅੰਡਰਬੇਲੀ ਦੀ ਇਕ ਵਿਆਪਕ ਤਸਵੀਰ ਪੇਸ਼ ਕੀਤੀ ਜਾਂਦੀ ਹੈ। ਇਹ ਅਕਸਰ ਗਲੈਮਰਾਈਜ਼ਡ ਹੁੰਦਾ ਹੈ ਪਰ ਬਹੁਤ ਘੱਟ ਸਮਝਿਆ ਜਾਂਦਾ ਹੈ। ਲੇਖਕ ਜੁਪਿੰਦਰਜੀਤ ਸਿੰਘ ਨੇ ਉਤਸ਼ਾਹ ਜ਼ਾਹਰ ਕਰਦਿਆਂ ਕਿਹਾ ਕਿ ਇਸ ਪੁਸਤਕ ਨੇ ਪ੍ਰਕਾਸ਼ਨ ਤੋਂ ਬਾਅਦ ਵੱਖ-ਵੱਖ ਪ੍ਰੋਡਕਸ਼ਨ ਹਾਊਸਾਂ ‘ਚ ਦਿਲਚਸਪੀ ਪੈਦਾ ਕੀਤੀ ਹੈ।
ਜੁਪਿੰਦਰਜੀਤ ਮੈਚਬਾਕਸ ਸ਼ਾਟਸ ਦੇ ਇਸ ਫੈਸਲੇ ਤੋਂ ਖੁਸ਼
ਜੁਪਿੰਦਰਜੀਤ ਨੇ ਕਿਹਾ ਕਿ ਮੈਚਬਾਕਸ ਸ਼ਾਟਸ (Matchbox Shots) ਵੱਲੋਂ ਕੀਤੇ ਜਾ ਰਹੇ ਕੰਮ ਤੋਂ ਮੈਂ ਸੱਚਮੁੱਚ ਪ੍ਰਭਾਵਿਤ ਹਾਂ ਤੇ ਮੈਨੂੰ ਖੁਸ਼ੀ ਹੈ ਕਿ ਉਨ੍ਹਾਂ ਨੇ ਇਸ ਨੂੰ ਹੋਰ ਵਿਕਸਤ ਕਰਨ ਲਈ ਕਿਤਾਬ ਦੇ ਰਾਈਟਸ ਹਾਸਲ ਕਰ ਲਏ ਹਨ। ਮੈਚਬਾਕਸ ਸ਼ਾਟਸ ਨੇ ਪਹਿਲਾਂ ਫਿਲਮ ਨਿਰਮਾਤਾ ਸ਼੍ਰੀਰਾਮ ਰਾਘਵਨ ਦੀ ਹਿੱਟ ਫਿਲਮ “ਅੰਧਾਧੁਨ” (Andhadhun) ਦਾ ਸਮਰਥਨ ਕੀਤਾ ਹੈ ਅਤੇ ਹਾਲ ਹੀ ਵਿੱਚ ਹੰਸਲ ਮਹਿਤਾ ਦੀ ਵੈੱਬ ਸੀਰੀਜ਼ “ਸਕੂਪ” (Scoop) ਦਾ ਨਿਰਮਾਣ ਕੀਤਾ ਹੈ।
ਮੂਸੇਵਾਲਾ ਦੀ ਗੋਲ਼ੀ ਮਾਰ ਕੇ ਕੀਤੀ ਗਈ ਸੀ ਹੱਤਿਆ
ਦੱਸ ਦੇਈਏ ਕਿ ਪੰਜਾਬ ਦੇ ਮਾਨਸਾ ਜ਼ਿਲ੍ਹੇ ‘ਚ 29 ਮਈ 2022 ਨੂੰ ਸਿੱਧੂ ਮੂਸੇਵਾਲਾ ਦੀ ਗੋਲ਼ੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ ਸੀ। ਗਾਇਕ-ਰੈਪਰ ਨੇ “ਸੋ ਹਾਈ”, “ਸੇਮ ਬੀਫ”, “ਦਿ ਲਾਸਟ ਰਾਈਡ”, “ਜਸਟ ਲਿਸਨ” ਅਤੇ “295” ਵਰਗੇ ਗੀਤਾਂ ਨਾਲ ਭਾਰਤ ਅਤੇ ਵਿਦੇਸ਼ਾਂ ਵਿੱਚ ਪ੍ਰਸਿੱਧੀ ਹਾਸਲ ਕੀਤੀ।
ਮੈਚਬਾਕਸ ਸ਼ਾਟਸ ਦੀ ਸਰਿਤਾ ਪਾਟਿਲ ਨੇ ਕਿਹਾ ਕਿ ਅਸੀਂ ਪੰਜਾਬ ‘ਚ ਮਿਊਜ਼ਿਕ ਇੰਡਸਟਰੀ ਤੇ ਗੈਂਗਵਾਰ ਦੌਰਾਨ ਜੁਪਿੰਦਰਜੀਤ ਦੀ ਕਿਤਾਬ ‘ਹੂ ਕਿਲਡ ਮੂਸੇਵਾਲਾ?’ ਦੇਖੀ। ਇਸ ਪ੍ਰੋਜੈਕਟ ਦੀ ਅਗਵਾਈ ਮੈਚਬਾਕਸ ਸ਼ਾਟਸ ਦੀ ਦੀਕਸ਼ਾ ਜੋਤ ਰਾਉਟਰੇ ਕਰਨਗੇ। ਉਨ੍ਹਾਂ ਕਿਹਾ ਕਿ ਕਹਾਣੀ ਪੰਜਾਬ ‘ਚ ਅਪਰਾਧ, ਪ੍ਰਸਿੱਧੀ ਤੇ ਸੰਗੀਤ ਦਾ ਇਕ ਗੁੰਝਲਦਾਰ ਇੰਟਰਪਲੇਅ ਹੈ। ਇਹ ਇਕ ਕਹਾਣੀ ਹੈ ਜੋ ਚਿੰਤਨ ਤੇ ਸਮਝ ਦੀ ਮੰਗ ਕਰਦੀ ਹੈ।
