ਵੱਡੀ ਖ਼ਬਰ ; ਪੁਲਸ ਨੇ ਹਿਰਾਸਤ ‘ਚ ਲਿਆ ਸੁਖਬੀਰ ਬਾਦਲ ‘ਤੇ ਹਮਲਾ ਕਰਨ ਵਾਲਾ ਹਮਲਾਵਰ
ਜਲੰਧਰ : ਬੀਤੀ 24 ਨਵੰਬਰ ਨੂੰ ਗੰਨੇ ਦੀਆਂ ਕੀਮਤਾਂ ਵਧਾਉਣ ਦੀ ਮੰਗ ਨੂੰ ਲੈ ਕੇ ਕਿਸਾਨ ਜਥੇਬੰਦੀਆਂ ਵਲੋਂ ਧੰਨੋਵਾਲੀ ਵਿਖੇ ਰੇਲ ਲਾਈਨ ਤੇ ਧਰਨਾ ਦੇ ਕੇ ਰੇਲ ਆਵਾਜਾਈ ਜਾਮ ਕਰਨ ਦੇ ਮਾਮਲੇ ’ਚ ਰੇਲ ਵਿਭਾਗ ਦੀ ਸ਼ਕਾਇਤ ਤੇ ਕੈਂਟ ਦੇ ਆਰਪੀਐਫ(ਰੇਲਵੇ ਪ੍ਰੋਟੈਕਸ਼ਨ ਫੋਰਸ) ਥਾਣਾ ਵਿਖੇ ਦੋ ਕਿਸਾਨ ਆਗੂਆਂ ਬਲਵਿੰਦਰ ਸਿੰਘ ਰਾਜੂ ਔਲਖ ਅਤੇ ਮਾਝਾ ਕਿਸਾਨ ਸੰਘਰਸ਼ ਕਮੇਟੀ ਦੇ ਪ੍ਰਧਾਨ ਬਲਜਿੰਦਰ ਸਿੰਘ ਸਮੇਤ 348 ਕਿਸਾਨਾਂ ਦੇ ਖਿ਼ਲਾਫ਼ ਆਈਪੀਸੀ ਦੀ ਧਾਰਾ 147 ਅਤੇ 174 ਏ ਦੇ ਅਧੀਨ ਕੇਸ ਦਰਜ ਕੀਤਾ ਗਿਆ ਹੈ। ਹਾਲ ਦੀ ਘੜੀ ਕਿਸੇ ਵੀ ਕਿਸਾਨ ਆਗੂ ਦੀ ਗ੍ਰਿਫਤਾਰੀ ਨਹੀਂ ਕੀਤੀ ਗਈ ਹੈ। ਤਿੰਨ ਦਿਨ ਤੋਂ ਵੱਧ ਕੀਤੇ ਰੇਲਵੇ ਟ੍ਰੈਫਿਕ ਕਾਰਨ 182 ਰੇਲਾਂ ਪ੍ਰਭਾਵਿਤ ਹੋਈਆਂ ਸਨ।
ਉਕਤ ਐਫਆਈਆਰ ਦੀ ਪੁਸ਼ਟੀ ਕਰਦੇ ਹੋਏ ਥਾਣਾ ਕੈਂਟ ਆਰਪੀਐਫ ਦੇ ਐਸਐਚਓ ਰਵਿੰਦਰ ਕੁਮਾਰ ਕੀਨਾ ਨੇ ਕਿਹਾ ਹੈ ਕਿ ਵੇਰਵੇ ਸਹਿਤ ਜਾਣਕਾਰੀ ਫਿਰੋਜ਼ਪੁਰ ਹੈਡ ਕੁਆਰਟਰ ਤੋਂ ਮਿਲੇਗੀ ਪਰ ਪੰਜਾਬੀ ਜਾਗਰਣ ਦੇ ਪ੍ਰਤੀਨਿਧ ਵਲੋਂ ਇਕਠੀ ਕੀਤੀ ਗਈ ਜਾਣਕਾਰੀ ਅਨੁਸਾਰ ਜਿਹੜੀ ਐਫਆਈਆਰ ਦਰਜ ਕੀਤਾ ਗਈ ਹੈ ਉਸ ’ਚ 84 ਘੰਟੇ ਨੈਸ਼ਨਲ ਹਾਈਵੇ ਅਤੇ 24 ਘੰਟੇ ਰੇਲਵੇ ਆਵਾਜਾਈ ਪ੍ਰਭਾਵਿਤ ਹੋਣ ਦਾ ਜ਼ਕਿਰ ਕੀਤਾ ਗਿਆ ਹੈ ਜਿਸ ’ਚ ਕਿਹਾ ਗਿਆ ਹੈ ਕਿ ਕਿਸਾਨਾਂ ਨੇ ਆਪਣੀ ਉਕਤ ਮੰਗ ਨੂੰ ਲੈ ਕੇ ਦਿੱਲੀ ਜੰਮੂ ਨੈਸ਼ਨਲ ਹਾਈਵੇ 84 ਘੰਟੇ ਬੰਦ ਰੱਖਿਆ ਗਿਆ ਜਿਸ ਕਾਰਨ ਸੈਂਕੜੇ ਲੋਕਾਂ ਨੂੰ ਪੇ੍ਰਸ਼ਾਨੀ ਦਾ ਸਾਹਮਣਾ ਕਰਨਾ ਪਿਆ ਅਤੇ ਜਾਮ ਸ਼ੁੱਕਰਵਾਰ ਸ਼ਾਮ 5 ਵਜੇ ਖੋਲਿਆ ਗਿਆ ਸੀ।
182 ਰੇਲ ਗੱਡੀਆਂ ਪ੍ਰਭਾਵਿਤ
ਐਫਆਈਆਰ ਅਨੁਸਾਰ ਕਿਸਾਨ ਜਥੇਬੰਦੀਆਂ ਵਲੋਂ ਧੰਨੋਵਾਲੀ ਰੇਲ ਲਾਈਨ ਤੇ ਦਿੱਤੇ ਧਰਨੇ ਦੌਰਾਨ ਲਗਪਗ 182 ਰੇਲਗੱਡੀਆਂ ਪ੍ਰਭਾਵਿਤ ਹੋਈਆਂ ਜਦੋਂਕਿ 51 ਰੇਲ ਗੱਡੀਆਂ ਰੱਦ ਕੀਤੀਆਂ ਗਈਆਂ ਜਿਨ੍ਹਾਂ ’ਚ 12 ਲੋਕਲ ਗੱਡੀਆਂ ਵੀ ਸ਼ਾਮਿਲ ਸਨ। । ਇਨ੍ਹਾਂ ’ਚ ਕੁਝ ਰੇਲ ਗੱਡੀਆਂ ਅਜਿਹੀਆਂ ਸਨ ਜੋ ਕਿ ਲੁਧਿਆਣਾ, ਜਲੰਧਰ ਅਤੇ ਅੰਮ੍ਰਿਤਸਰ ਦੀਆਂ ਰੱਦ ਕੀਤੀਆਂ ਗਈਆਂ। ਇਸ ਦੌਰਾਨ ਲਗਪਗ 63 ਰੇਲ ਗੱਡੀਆਂ ਦੇ ਮਾਰਗ ਬਦਲੇ ਗਏ।
ਯਾਤਰੀਆਂ ਨੂੰ ਹੋਈ ਪੇ੍ਰਸ਼ਾਨੀ
ਕਿਸਾਨਾਂ ਵਲੋਂ ਰੇਲਾਂ ਰੋਕੇ ਜਾਣ ਕਾਰਨ ਯਾਤਰੀ ਏਨੇ ਪੇ੍ਰਸ਼ਾਨ ਹੋਏ ਕਿ ਉਨ੍ਹਾਂ ਨੂੰ ਗੱਡੀਆਂ ਤੇ ਸਵਾਰ ਹੋਣ ਲਈ ਫਗਵਾੜਾ ਅਤੇ ਲੁਧਿਆਣਾ ਦੋੜਨਾ ਪਿਆ ਅਤੇ ਕਈ ਯਾਤਰੀ ਨੂੰ ਸੂਚਨਾ ਨਾ ਮਿਲਣ ਕਾਰਨ ਉਹ ਰੇਲਾਂ ’ਤੇ ਸਵਾਰ ਹੋਣ ਤੋਂ ਵਾਂਝੇ ਰਹਿ ਗਏ।
