ਵੱਡੀ ਖ਼ਬਰ ; ਪੁਲਸ ਨੇ ਹਿਰਾਸਤ ‘ਚ ਲਿਆ ਸੁਖਬੀਰ ਬਾਦਲ ‘ਤੇ ਹਮਲਾ ਕਰਨ ਵਾਲਾ ਹਮਲਾਵਰ
ਲੁਧਿਆਣਾ : ਲੁਧਿਆਣਾ ਵਾਸੀ ਕਿਸੇ ਵੀ ਖੇਤਰ ਵਿੱਚ ਪਿੱਛੇ ਨਹੀਂ, ਇਹ ਸੱਚ ਕਰ ਵਿਖਾਇਆ ਕੌਨ ਬਨੇਗਾ ਕਰੌੜਪਤੀ ’ਚ ਪੁੱਜੀ ਪੰਜਾਬ ਐਗਰੀਕਲਚਰਲ ਯੂਨੀਵਰਸਿਟੀ ਵਿੱਚ ਰਿਸਰਚ ਅਸਿਸਟੈਂਟ ਵਜੋਂ ਕੰਮ ਕਰ ਰਹੀ ਡਾ: ਐਨਾ ਗੋਇਲ ਨੇ ਜਿਸ ਨੂੰ ਬਿਗ ਬੀ ਅਮਿਤਾਭ ਬੱਚਨ ਨਾਲ ਹਾਟ ਸੀਟ ਤੇ ਬੈਠਣ ਦਾ ਮੌਕਾ ਮਿਲਿਆ। ਇਹ ਐਪੀਸੋਡ ਸ਼ੁੱਕਰਵਾਰ 22 ਦਸੰਬਰ 2023 ਨੂੰ ਪ੍ਰਸਾਰਿਤ ਕੀਤਾ ਗਿਆ ਸੀ। ਡਾ: ਐਨਾ ਗੋਇਲ ਬੇਸ਼ੱਕ ਇੱਕ ਸਵਾਲ ਦਾ ਜਵਾਬ ਨਾ ਦੇ ਕੇ 6.40 ਲੱਖ ਤੋਂ ਬਾਂਝੀ ਰਹੀ ਪਰ 9 ਸਵਾਲਾਂ ਦੇ ਸਹੀ ਜਵਾਬ ਦੇ ਕੇ 3.20 ਲੱਖ ਰੁਪਏ ਜਿੱਤ ਕੇ ਪੀਏਯੂ ਅਤੇ ਸ਼ਹਿਰ ਦਾ ਨਾਮ ਰੋਸ਼ਨ ਕਰ ਦਿੱਤਾ। ਬਾੜੇਵਾਲ ਵਾਸੀ ਡਾ: ਐਨਾ ਗੋਇਲ ਨੇ ਕਿਹਾ ਕਿ ਉਸਦਾ ਕੇਬੀਸੀ ਤੱਕ ਪਹੁੰਚਣ ਦਾ ਅਨੁਭਵ ਬਹੁਤ ਹੀ ਦਿਲਚਸਪ ਸੀ ਜਿਸ ਨੂੰ ਸ਼ਬਦਾਂ ਵਿੱਚ ਬਿਆਨ ਨਹੀਂ ਕੀਤਾ ਜਾ ਸਕਦਾ। ਇਹ ਬਚਪਨ ਦਾ ਸੁਪਨਾ ਸੀ ਜੋ ਹੁਣ ਸਾਕਾਰ ਹੋਇਆ। ਜਦੋਂ ਵੀ ਕੇਬੀਸੀ ਦਾ ਨਵਾਂ ਸੀਜ਼ਨ ਸ਼ੁਰੂ ਹੁੰਦਾ ਉਸ ਵੱਲੋਂ ਰਜਿਸਟਰ ਕਰਨ ਲਈ ਹਰ ਕੋਸ਼ਸ਼ਿ ਕੀਤੀ ਜਾਂਦੀ ਰਹੀ।
ਡਾ. ਐਨਾ ਨੇ ਮਾਈਕਰੋਬਾਇਓਲੋਜੀ ਵਿੱਚ ਆਪਣੀ ਡਾਕਟਰੇਟ ਮਸ਼ਰੂਮ ਵਿੱਚ ਸਪੈਸੀਲਾਈਜ਼ੇਸ਼ਨ ਦੇ ਨਾਲ ਕੀਤੀ ਹੈ ਜਿਸ ਬਾਰੇ ਦੱਸੇ ਜਾਣ ਤੇ ਅਮਿਤਾਭ ਬੱਚਨ ਨੇ ਕਿਹਾ ਕਿ ਦੇਵੀ ਜੀ, ਬੁਰਾ ਮੱਤ ਮਨਾਈਏਗਾ, ਮੁਝੇ ਮਸ਼ਰੂਮ ਬਿਲਕੁਲ ਪਸੰਦ ਨਹੀਂ ਹੈ। ਡਾ: ਐਨਾ ਨੇ ਬੱਚਨ ਨੂੰ ਦੱਸਿਆ ਕਿ ਖੁੰਬਾਂ ਵਿੱਚ ਪ੍ਰੋਟੀਨ, ਖਣਿਜ, ਵਿਟਾਮਿਨ ਖਾਸ ਤੌਰ ’ਤੇ ਵਿਟਾਮਿਨ ਡੀ ਭਰਪੂਰ ਹੁੰਦਾ ਹੈ ਅਤੇ ਇਹ ਗੁਣ ਮਨੁੱਖੀ ਸਰੀਰ ਲਈ ਲਾਹੇਵੰਦ ਹਨ ਅਤੇ ਇਹਨਾਂ ਖਾਣ ਵਾਲੇ ਮਸ਼ਰੂਮਾਂ ਵਿੱਚ ਕੈਂਸਰ ਵਿਰੋਧੀ ਗੁਣ ਵੀ ਹੁੰਦੇ ਹਨ। ਉਸਨੇ ਇਹ ਵੀ ਦੱਸਿਆ ਕਿ ਉਹ ਵਰਤਮਾਨ ਵਿੱਚ ਬਿਮਾਰੀਆਂ ਪ੍ਰਤੀ ਪੌਦਿਆਂ ਦੀ ਰੋਧਕ ਸ਼ਕਤੀ ਨੂੰ ਵਧਾਉਣ ਲਈ ਕੰਮ ਕਰ ਰਹੀ ਹੈ। ਡਾ: ਐਨਾ ਗੋਇਲ ਨੇ ਦੱਸਿਆ ਕਿ ਉਹ 5.16 ਸੈਕਿੰਡ ਵਿੱਚ ਫਾਸਟੈਸਟ ਫਿੰਗਰ ਫਸਟ ਦੇ ਸਵਾਲ ਦਾ ਜਵਾਬ ਦੇਣ ਵਾਲੀ ਸਭ ਤੋਂ ਤੇਜ਼ ਸੀ ਅਤੇ 10ਵੇਂ ਸਵਾਲ ਤੱਕ ਦੋ ਲਾਈਫਲਾਈਨਾਂ ਦੀ ਵਰਤੋਂ ਕੀਤੀ।
ਉਸਨੇ ਸੁਪਰ ਸੈਂਡੂਕ ਦੇ 10 ਵਿੱਚੋਂ 9 ਸਵਾਲਾਂ ਦੇ ਜਵਾਬ ਤੇਜੀ ਨਾਲ ਲਗਪਗ 70 ਸਕਿੰਟਾਂ ਵਿੱਚ ਦਿੱਤੇ ਅਤੇ 20 ਹੋਰ ਸੈਕਿੰਡ ਬਾਕੀ ਹਨ। ਉਹ ਆਪਣੀਆਂ ਦੋ ਲਾਈਫਲਾਈਨਾਂ ਦੇ ਬਾਵਜੂਦ ਇੱਕ ਸਵਾਲ ਦਾ ਸਹੀ ਜਵਾਬ ਨਹੀਂ ਦੇ ਸਕੀ ਪਰ ਉਸ ਨੂੰ ਇਸ ਦਾ ਕੋਈ ਦੁੱਖ ਨਹੀਂ ਅਤੇ ਨਾ ਹੀ ਰਾਸ਼ੀ ਮਿਲਣ ਦੀ ਖੁਸ਼ੀ, ਉਸ ਲਈ ਅਮਿਤਾਭ ਬੱਚਨ ਨੂੰ ਲਾਈਵ ਵੇਖਣਾ ਅਤੇ ਮਿਲਣਾ ਕਿਸੇ ਤੋਹਫੇ ਤੋਂ ਘੱਟ ਨਹੀਂ ਹੈ। ਉਹ ਆਪਣੇ ਜਤਿਨ ਸਿੰਗਲ ਨਾਲ ਗਈ, ਜਿਹਨਾਂ ਨੇ ਉਸ ਨੂੰ ਹੌਟ ਸੀਟ ’ਤੇ ਚੁਣੇ ਜਾਣ ’ਤੇ ਜੋਸ਼ ਵਿੱਚ ਰੌਲਾ ਪਾਇਆ, ਜਿਸ ’ਤੇ ਅਮਿਤਾਭ ਬੱਚਨ ਨੇ ਕਿਹਾ, ’ਯੇ ਭਾਈਸਾਬ ਕੌਨ ਹੈ ਜੋ ਇਤਨੀ ਜ਼ੋਰ ਸੇ ਚਿਲਾ ਰਹੇ ਹੈ। ਡਾ.ਐਨਾ ਨੇ ਦੱਸਿਆ ਕਿ ਉਹਨਾਂ ਦੀ ਧੀ ਜ਼ਾਇਨਾ ਸਿੰਗਲ ਵੀ ਕੇਬੀਸੀ ਜੂਨੀਅਰ ਵਿੱਚ ਗਰਾਊਂਡ ਆਡੀਸ਼ਨ ਦੇ ਚੁੱਕੀ ਹੈ।
ਬੋਲੀ- ਪਛਾਣ ਕੇ ਅਮਿਤਾਭ ਨੇ ਕਿਹਾ ਪੰਜਾਬੀ ਹੈਂ ਆਪ
ਡੀਸੈਂਟ ਇਨਕਲੇਵ ਬਾੜੇਵਾਲ ਵਾਸੀ ਡਾ: ਐਨਾ ਗੋਇਲ ਨੇ ਦੱਸਿਆ ਕਿ ਜਦੋਂ ਉਸਨੇ ਅਮਿਤਾਭ ਨਾਲ ਹਿੰਦੀ ਵਿੱਚ ਗੱਲ ਕਰਨੀ ਸ਼ੁਰੂ ਕੀਤੀ ਤਾਂ ਉਹਨਾਂ ਝੱਟ ਕਿਹਾ ਕਿ ਦੇਵੀ ਜੀ ਪੰਜਾਬੀ ਹੈਂ ਆਪ। ਮੈਂ ਕਿਹਾ ਤੁਸੀਂ ਕਿੰਝ ਪਛਾਣਿਆ ਤਾਂ ਅਮਿਤਾਭ ਨੇ ਕਿਹਾ ਕਿ ਤੁਹਾਡੀ ਹਿੰਦੀ ਵਿੱਚੋਂ ਪੰਜਾਬੀ ਸਾਫ ਝਲਕਦੀ ਹੈ। ਡਾ.ਐਨਾ ਨੇ ਕਿਹਾ ਕਿ ਮੇਰਾ ਮੰਨਣਾ ਹੈ ਕਿ ਜਿਸ ਵੀ ਭੂਮੀ ਨਾਲ ਸਬੰਧ ਰੱਖਦੇ ਹਾਂ ਉਸ ਦੀ ਝਲਕ ਪਹਿਰਾਵੇ ਵਿੱਚ ਬੋਲੀ ਵਿੱਚ ਜਰੂਰ ਮਿਲਣੀ ਚਾਹੀਦੀ ਹੈ। ਮੈਨੂੰ ਮਾਣ ਹੈ ਕਿ ਮੈਂ ਪੰਜਾਬੀ ਹਾਂ।
