ਪੰਜਾਬੀ ਆ ਗਏ ਓਏ…! ਪੰਜਾਬ ਅੱਗੇ ਲਖਨਊ ਨੇ ਵੀ ਟੇਕੇ ਗੋਡੇ, ਦਰਜ ਕੀਤੀ ਸੀਰੀਜ਼ ਦੀ 5ਵੀਂ ਜਿੱਤ
ਜਲੰਧਰ : ਕੰਵਲਜੀਤ ਸਿੰਘ ਮੱਕੜ (ਇੰਡੀਆ ਜਾਗ੍ਰਿਤੀ) – ਫਗਵਾੜਾ ਗੇਟ ਇਲੈਕਟ੍ਰਿਕਲ ਡੀਲਰ ਐਸੋਸੀਏਸ਼ਨ ਵੱਲੋਂ ਹੋਈ ਮੀਟਿੰਗ ਵਿੱਚ ਜਲੰਧਰ ਸੈਂਟਰਲ ਹਲਕੇ ਦੇ ਇੰਚਾਰਜ ਨਿਤਿਨ ਕੋਹਲੀ ਅਤੇ ਮੇਅਰ ਵਿਨੀਤ ਧੀਰ ਨੇ ਹਾਜ਼ਰੀ ਭਰੀ। ਐਸੋਸੀਏਸ਼ਨ ਦੇ ਸੌ ਤੋਂ ਵੱਧ ਮੈਂਬਰਾਂ ਦੀ ਮੌਜੂਦਗੀ ਵਿੱਚ ਪ੍ਰਧਾਨ ਅਮਿਤ ਸਹਿਗਲ ਨੇ ਮਾਰਕੀਟ ਦੀਆਂ ਮੁੱਖ ਸਮੱਸਿਆਵਾਂ ਬਾਰੇ ਵਿਸਥਾਰ ਨਾਲ ਜਾਣਕਾਰੀ ਦਿੱਤੀ।
ਮੁੱਖ ਮਸਲੇ ਵਜੋਂ ਉਨ੍ਹਾਂ ਨੇ ਦੱਸਿਆ ਕਿ ਮਾਰਕੀਟ ਵਿੱਚ ਦਿਨੋ-ਦਿਨ ਬਿਜਲੀ ਫਾਲਟ ਦੀ ਸਮੱਸਿਆ ਵਧ ਰਹੀ ਹੈ। ਪੁਰਾਣੀਆਂ ਤਾਰਾਂ ਅਤੇ ਲੋਡ ਦੇ ਅਣੁਕੂਲ ਟ੍ਰਾਂਸਫਾਰਮਰ ਕਾਰਨ ਘੰਟਿਆਂ ਬਿਜਲੀ ਗਾਇਬ ਰਹਿੰਦੀ ਹੈ। ਨਾਲ ਹੀ ਉਨ੍ਹਾਂ ਨੇ ਸੜਕਾਂ ਦੀ ਮਾੜੀ ਹਾਲਤ, ਸਟਰੀਟ ਲਾਈਟਾਂ ਦੇ ਬੰਦ ਹੋਣ, ਅਤੇ ਸਫਾਈ ਸੇਵਾਦਾਰਾਂ ਦੀ ਕਮੀ ਵਰਗੀਆਂ ਗੰਭੀਰ ਸਮੱਸਿਆਵਾਂ ਬਾਰੇ ਵੀ ਚਰਚਾ ਕੀਤੀ।
ਨਿਤਿਨ ਕੋਹਲੀ ਅਤੇ ਮੇਅਰ ਵਿਨੀਤ ਧੀਰ ਨੇ ਐਸੋਸੀਏਸ਼ਨ ਨੂੰ ਭਰੋਸਾ ਦਿਵਾਇਆ ਕਿ ਮਾਰਕੀਟ ਦੀਆਂ ਸਮੱਸਿਆਵਾਂ ਨੂੰ ਤੁਰੰਤ ਹੱਲ ਕੀਤਾ ਜਾਵੇਗਾ। ਮੇਅਰ ਨੇ ਕਿਹਾ ਕਿ ਨਵੀਆਂ ਮਾਸਕ ਲਾਈਟਾਂ ਲਗਾਉਣ ਦਾ ਉਦਘਾਟਨ ਵੀ ਜਲਦ ਹੀ ਇਥੋਂ ਤੋਂ ਹੀ ਕੀਤਾ ਜਾਵੇਗਾ।
ਕਨਵੀਨਰ ਸੁਰੇਸ਼ ਗੁਪਤਾ ਨੇ 15 ਸਾਲ ਪਹਿਲਾਂ ਬਣੀ ਸੜਕ ਜੋ ਅਜੇ ਵੀ ਨਵੀਂ ਵਰਗੀ ਹੈ, ਉਸਦੀ ਜਾਣਕਾਰੀ ਦਿੱਤੀ ਅਤੇ ਐਸੋਸੀਏਸ਼ਨ ਵੱਲੋਂ ਚਲਾਏ ਜਾ ਰਹੇ ਧਾਰਮਿਕ ਅਤੇ ਸਮਾਜਿਕ ਕਾਰਜਾਂ ਬਾਰੇ ਵੀ ਰੌਸ਼ਨੀ ਪਾਈ।
ਇਸ ਉਪਰੰਤ ਮੇਅਰ ਅਤੇ ਹਲਕਾ ਇੰਚਾਰਜ ਨੇ ਐਸੋਸੀਏਸ਼ਨ ਦੀ ਸਰਾਹਨਾ ਕੀਤੀ ਅਤੇ ਹੋਰ ਵੀ ਚੰਗੇ ਕੰਮ ਕਰਨ ਲਈ ਉਤਸ਼ਾਹਤ ਕੀਤਾ।
ਜਰਨਲ ਸਕੱਤਰ ਟੀ.ਐਸ. ਬੇਦੀ ਨੇ ਸਾਰੇ ਮਹਿਮਾਨਾਂ ਅਤੇ ਮੈਂਬਰਾਂ ਦਾ ਧੰਨਵਾਦ ਕੀਤਾ।
ਮੀਟਿੰਗ ਵਿੱਚ ਹਾਜ਼ਰ ਸਨ:
ਪ੍ਰਧਾਨ ਅਮਿਤ ਸਹਿਗਲ, ਜਰਨਲ ਸਕੱਤਰ ਟੀ.ਐਸ. ਬੇਦੀ, ਕਨਵੀਨਰ ਸੁਰੇਸ਼ ਗੁਪਤਾ, ਚੇਅਰਮੈਨ ਮਨੋਜ ਕਪਿਲਾ, ਵਾਈਸ ਚੇਅਰਮੈਨ ਗਗਨ ਛਾਬੜਾ, ਕੈਸ਼ੀਅਰ ਰੌਬਿਨ ਗੁਪਤਾ, ਪ੍ਰਣਵ ਖੁਰਾਨਾ, ਲਵ ਮਲਿਕ, ਅਰੁਣ ਦੇਵ ਮਹਿਤਾ, ਪਰਵਿੰਦਰ ਬਹਲ, ਦੀਪਕ ਬੱਸੀ, ਸਿਕੰਦਰ ਮਲਿਕ, ਕੁੱਕੂ ਮਿਡਾ, ਸਤਬੀਰ ਲਵਲੀ, ਜੁਗਲ ਬੱਸੀ, ਗੁਰਪ੍ਰਤਾਪ ਸੈਨੀ, ਅਮਰੀਕ ਸਿੰਘ ਮੋਖਾ, ਸਚਿਨ ਗੁਪਤਾ, ਸੰਜੇ ਵਰਮਾ, ਭਰਤ ਬਹਲ, ਇੰਦਰਜੀਤ ਸਿੰਘ, ਕਮਲ ਬੱਸੀ, ਬਲਦੇਵ ਮਹਿਤਾ, ਅਸ਼ੋਕ ਗੁਪਤਾ, ਵਿਕਰਮ ਮਿਗਲਾਨੀ, ਨੀਟਾ ਮੁਰਗਈ, ਜਿਤਿੰਦਰ ਸਹਿਗਲ, ਕਰਨ ਅਰਜੁਨ, ਰਤਨਦੀਪ ਸਿੰਘ ਖਾਲਸਾ, ਅਖਿਲੇਸ਼ ਮਹਿਤਾ, ਗੁਰਵਿੰਦਰ ਜੋਲੀ, ਦਰਸ਼ਨ ਭੱਲਾ, ਦੀਪਕ ਚੋਪੜਾ, ਹਰਸ਼ ਸਰਨਾ, ਅਮਿਤ ਗੁਲਾਟੀ, ਗੌਰਵ ਬੱਸੀ, ਸੰਜੀਵ ਬੱਸੀ, ਸੰਜੇ ਅਰੋੜਾ, ਵਿਕੀ ਮਲਿਕ ਆਦਿ।
