ਜਲੰਧਰ ਦੇ ਚਾਵਲਾ ਮੋਬਾਈਲ ਸ਼ੋਰੂਮ ‘ਤੇ ਦਿਨ-ਦਿਹਾੜੇ ਫਾਇਰਿੰਗ, ਇੱਕ ਨੌਜਵਾਨ ਲੋਕਾਂ ਨੇ ਹਥਿਆਰ ਸਮੇਤ ਕਾਬੂ ਕੀਤਾ
ਜਲੰਧਰ : (ਕੰਵਲਜੀਤ ਸਿੰਘ ਮੱਕੜ) – ਜਲੰਧਰ ਦੇ ਦਿਲ ਮਿਡੇ ਮਿਲਾਪ ਚੌਂਕ ਵਿੱਚ ਬੁੱਧਵਾਰ ਰਾਤ ਗੰਭੀਰ ਗੁੰਡਾਗਰਦੀ ਦੀ ਘਟਨਾ ਸਾਹਮਣੇ ਆਈ। ਥਾਣਾ ਨੰਬਰ 3 ਤੋਂ ਥੋੜੀ ਹੀ ਦੂਰੀ ‘ਤੇ ਸਥਿਤ “ਦੁੱਗਲ ਵੈਜੀ ਚਾਪ” ਰੈਸਟੋਰੈਂਟ ਉੱਤੇ ਨਿਹੰਗ ਬਾਣੇ ਵਿਚ ਆਏ 12 ਤੋਂ 15 ਨੌਜਵਾਨਾਂ ਨੇ ਨੰਗੀਆਂ ਤਲਵਾਰਾਂ ਨਾਲ ਹਮਲਾ ਕਰ ਦਿੱਤਾ। ਉਨ੍ਹਾਂ ਨੇ ਦੋਕਾਨ ਮਾਲਕਾਂ ਨਾਲ ਮਾਰਕੁੱਟ ਕੀਤੀ ਤੇ ਸਾਜੋ-ਸਾਮਾਨ ਦੀ ਤੋੜ-ਫੋੜ ਕੀਤੀ।
ਇਹ ਵਾਰਦਾਤ ਰੈਸਟੋਰੈਂਟ ਵਿੱਚ ਲਗੇ ਸੀਸੀਟੀਵੀ ਕੈਮਰਿਆਂ ਵਿੱਚ ਕੈਦ ਹੋ ਚੁੱਕੀ ਹੈ। ਦੋਕਾਨ ਮਾਲਕਾਂ ਦੇ ਅਨੁਸਾਰ, ਇਕ ਰੋਜ਼ ਪਹਿਲਾਂ ਚਾਰ ਨੌਜਵਾਨ ਚਾਪ ਖਾਣ ਆਏ ਸਨ। ਓਰਡਰ ਦੇਰ ਨਾਲ ਆਉਣ ਕਾਰਨ ਝਗੜਾ ਹੋਇਆ ਸੀ, ਪਰ ਮਾਮਲਾ ਓਸ ਵੇਲੇ ਰਫਾ-ਦਫਾ ਹੋ ਗਿਆ ਸੀ। ਪਰ ਬੁੱਧਵਾਰ ਰਾਤ ਨਿਹੰਗ ਬਾਣੇ ਵਿੱਚ ਵਾਪਸ ਆਏ ਇਹ ਨੌਜਵਾਨ ਸਿੱਧਾ ਹਮਲਾ ਕਰ ਬੈਠੇ।
ਸਥਾਨਕ ਲੋਕਾਂ ਅਨੁਸਾਰ, ਇਹ ਹਮਲਾ ਲਗਾਤਾਰ ਕਈ ਮਿੰਟਾਂ ਤੱਕ ਚੱਲਦਾ ਰਿਹਾ, ਪਰ ਹੈਰਾਨੀ ਦੀ ਗੱਲ ਇਹ ਸੀ ਕਿ ਸੂਚਨਾ ਦੇ ਬਾਵਜੂਦ ਵੀ ਪੁਲਿਸ ਦੇਰ ਨਾਲ ਪਹੁੰਚੀ, ਜਦਕਿ ਥਾਣਾ ਨੰਬਰ 3 ਸਿਰਫ ਕੁਝ ਪੈਰਾਂ ਦੀ ਦੂਰੀ ‘ਤੇ ਸਥਿਤ ਹੈ।
ਸੂਤਰਾਂ ਅਨੁਸਾਰ, ਕਮਿਸ਼ਨਰੇਟ ਪੁਲਿਸ ਨੇ ਸੀਸੀਟੀਵੀ ਫੁੱਟੇਜ ਨੂੰ ਕਬਜ਼ੇ ਵਿੱਚ ਲੈ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਹਮਲਾਵਰਾਂ ਦੀ ਪਛਾਣ ਕੀਤੀ ਜਾ ਰਹੀ ਹੈ ਅਤੇ ਉਨ੍ਹਾਂ ਵਿਰੁੱਧ ਕੇਸ ਦਰਜ ਕੀਤਾ ਜਾ ਰਿਹਾ ਹੈ।
ਇਸ ਵਾਰਦਾਤ ਨੇ ਜਿੱਥੇ ਕਾਨੂੰਨ-ਵਿਵਸਥਾ ਉੱਤੇ ਸਵਾਲ ਖੜੇ ਕਰ ਦਿੱਤੇ ਹਨ, ਓਥੇ ਹੀ ਸ਼ਹਿਰੀ ਹਿੱਸਿਆਂ ਵਿੱਚ ਸੁਰੱਖਿਆ ਪ੍ਰਬੰਧਾਂ ਦੀ ਸਮੀਖਿਆ ਦੀ ਲੋੜ ਵੀ ਉਤਪੰਨ ਹੋ ਗਈ ਹੈ।
